Malakiia 1:9 - O Mikanda Ikola

⁹ Kiki-phe, nga mi diondo, bhingenu kiadi kia Nzambi, kuma muene u kuatela henda; Jihova dia Ifuẋi, uixi: Enu ima ienhiʼii iene i mua bhange ni maku menu, mbé Nzambi u xikina ku mi tambulula?

Malakiia 1:9 ပူးပေါင်းရင်းမြစ်များ

II Malunda 30:27

Bhenhobho, ni jinganga ni jilevita a balumuka anga a bhana o kizediuise ku kifuxi kioso; anga a evua o dízui diâ; kuma o musambu uâ ua bhixila muene katé mu kididi kikôla kia Nzambi, ku diulu.

Makatukilu 32:11

Mozé anga u dionda Nzambi iê, uixi: Phalahi Ngana, njinda ié i uama ku mundu ué u ua katula mu Ijitu ni kusuina kuavulu ni lukuaku lua undanda?

Jelemiia 26:19

Mbebhu, Ezekiia, sobha ia Juda, ni akua Juda oso, a mu jibha? Manhi ene uoma ki ua a kuatele ua Jihova, anga a dionda jihenda ja Jihova? Jihova anga u diela ku phulu ioso ia tange ku a bhanga ene? Etu manhi tu di bhekela ku ibha kua vulu kiosuʼiki ku mienhu ietu?

Jelemiia 27:18

Mbata se ene ala jipolofeta muene, se kizuelu kia Jihova kiʼala ni ene, a sambe-phe hanji kindala kua Jihova dia Ilombo Ieta, phala o itutu ia subhuka mʼonzo ia sobha ia Juda mu Jeluzaleme, ki íie dingi ku Babilonha.

Kuditenda 2:19

Balumuka, udikole muene mʼusuku, bhu diandekelu dia ilangidilu: Lundulula o muẋima ué kala menha bhu pholo ia Jihova Leka maku mé kua muene, u diondele o muenhu ua tuana tué; a kuata kuambukila ngó mu jiphambu-a-njila ja jinzunga joso, kingumba o nzala!

Jouele 2:12

Né mu kindala kienhiki muene, Jihova uixi; Ni muẋima uenu uoso, Vutukenu kokuami; bhangenu-kiu muene ni kujila, ni kudila, ni mukondo.

Jouele 2:17

Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?

Amoji 5:22

Né-mbe mu ngi bhakuila jisata jenu ja kuoha, ni mibhaku ia makudia, ki ngi tena ku i tanena; o ku jisata jenu ja uembu, ja ibhaku ia nete, ki ngi suu-ku, mba ngi tala-ku diesu.

Nzuá 9:31

Tuejiia kuma Nzambi kene mu kuívua mukua-ituxi. Maji se muthu-phe u kala mubhezi a Nzambi, hé u bhanga vondadi iê, muenhó Nzambi u mu ívua.

Loma 2:11

Mukonda kua Nzambi ki kuene katungu ka athu.

I Phetele 1:17

Se muedi mu hingila Nzambi, kuma Tata, mukua kufundisa oso sé ngó kathômbo ka athu, kala muthu kia tokala mu ikalakalu iê, thembu ioso i muala kunu mu inhunginu, mu enda ni uôma uê.