Malakiia 1:6 - O Mikanda Ikola

⁶ Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Malakiia 1:6 ပူးပေါင်းရင်းမြစ်များ

Jisálamu 123:2

Mukuâ ni mesu a mubhika kia tala ku lukuaku lua muadiʼê ni mesu a kahatu kia tonginina ku lukuaku lua ndona ua mu vu, kiene ue kia lungu o mesu metu kua Jihova, Nzambi ietu, katé kia tu kuatela henda.

Makatukilu 20:12

Bhana ujitu kua tatʼenu ni mamʼenu, phala izuua ié i vule, mʼoxi i ku bhana Jihova, Nzambi ié.

Jisabhu 17:6

Athu a kuka, kitundu kiâ o aláula; o kijingu kia ana-phe, o jitata.

Jisabhu 30:11

Sai-ku muiji ua athu a lebhula tatʼâ, o manhʼâ a tokoka ku mu tanga o mbote.

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Izaía 1:2

Ivenu, enu mu maúlu, eie ue u ixi, bhana mátui; mbata Jihova muene ua mu zuela: Nga bhange ana, nga a bhana kijingo; maji ene a ngi balukila.

Izaía 43:23

Hombo ni mbudi ia jisata jê, ku ngi bhekela-iu; ua lémbua ku ngi xila ni maujitu mé; eme-phe ki nga ku jijidika ku ngi satela, ki nga ku bhuidisa ni kututa uasu ua mazumba.

Izaía 45:10

Lamba dia ió uoso uambela tatʼâ: Eie ua ngi vualelaʼhi? Lamba dia ió uambela mamʼâ: Eie ua ngi bhandulukila kima kiahi?

Izaía 64:7

Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.

Izaía 64:8

Maji kindala-phe, Jihova eiʼeie u Tatʼetu; etu tu utuma, eiʼeie u ngumbi ietu; etu ene-oso tu kibhangelu kia maku mé.

Jelemiia 23:11

Mbata kixi o polofeta, uixi o nganga, a di kasanesa; katé ni monzo iami phulu iâ muene mu nga i sange, eme ngi Jihova.

Jelemiia 3:4

Ki ualʼiki, ua lembua ngó katé bhu ueza-bha, o ku di tenda kokuami, kuamba: Tata iami! Eie u musonguedi uami, tua tunduʼdi undenge?

Jelemiia 31:9

À keza ni kudila, nga kà ambata ni kudionda; ngà kʼendesa ku tungiji tua menha, ngiia-nâ mu njila ia iuka, mua bhingi, kà ka dibhukana dingi; kuma eme nga di bhange ngi tata phala Izalaiele, O Ifalaíme muene phande-kumbi iami.

Jelemiia 35:16

Mukonda dia kuila anʼa Jonadabe, monʼa Lekabe, a bhake kijila kia tatʼâ, muene kia a tendelela, maji athu iá ka ngi tumaka.

Izekiiele 22:26

O jinganga jâ, aia ni kutondala o kitumu kiami, o imbamba iami ikôla, a i kasanesa; o muthu ua iuka ni mukua phulu ene ka mu tungula, mba a tongolola iú ua xidi ni iú ua zele; o jisabhalu jami, ka xikina ku ji tala mesu, kienhiki ia a ngi sebulula mu kaxi kâ.

Hozeia 12:8

Anga u kala mu ku di thatha, uixi: Ni kidi nga kituka ngi mvuama, nga funu jimbongo ja nzungule; maji mu ikalakalu iami ioso ienhiʼii, ki bhuala uà tena ku ngi kuata ni ungulungumba ua kuila kituxi ki nga te, lémbua.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Hozeia 5:1

Ivuenu-kiu, enu mu jinganga; batekelenu, enu mu dibhata dia Izalaiele; enu ue, mu mbèle ia muenexi, bhanenu mátui, kuma mulonga iú ua mi tokala enu; mbata enu mua di bhange mu dibhèbhe mu Mixipa, muedi kala uanda ua di zale ku thala ia mulundu ua Tabole.

Ijila 19:3

Muthu ni muthu aẋile manhiʼâ, aẋile phaiiʼâ, ende ue ni kualuka o izuua iami ia jisabhalu; Eme-muene Jihova Nzambi ienu nga ki ambe.

Sofoniia 3:4

O jiplofeta jê ala phuku-phuku ja hatu, ka moneka kilunji; jinganga jê axidisa kididi kikôla, kijila kia Ngana a ki bhengeleka.

Malakiia 2:1

Kiki-phe, enu mu jinganga, kijila kiki kia mi tokala enu.

Malakiia 2:10

Manhi ki tuala tu akua tatʼimoxi, etuʼene oso? Ki Nzambi imoxi muene ua tu bhanga? Phalahi-phe tuia ni ku di bhanga ufe mudietu? Phalahi akuetu tuenda-nâ ni mangonha, anga tu fukuila o kikutu kia jitata jetu?

Malakiia 2:8

Maji enu-phe, mu njila ia kuiuka mua bhambuka-mu, avulu u mua tondalesa o ijila iaiuka; kikutu kia Levi mua ki bulu; kienʼiki kia zuela Jihova dia Ifuẋi.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 15:4

Mbata Nzambi uambe, kuma: Bhana tatʼ ʼenu ni mamʼenu ujitu. O uoso u xinga tatʼâ, mba mamʼâ, muthu ua ku mu jibha.

Matesu 15:6

kuabhu, o tatʼâ ka mu bhanʼê dingi ujitu. Mu kubhanga kiki, o maka ma Nzambi mua ma tumbulula mukonda dia kífua kienu.

Matesu 19:19

Tatʼenu ni mamʼenu a bhane ujitu; Mukuenu mu zole kala ki ua di zola eie-muène.

Matesu 6:9

Kienhiki, mu kusamba kuenu, muila kala kiki: Tata ietu uene mu diulu, dijina dié a dixile.

Matesu 7:21

Ki ene oso a ngʼila Ngana, Ngana, a kà bokona mu mbanza ia diulu; kikale ngó ió u bhanga o vondadi ia Tata iami uene mu diulu.

Marku 10:19

O ijila ua ijiia? Kana kujibha, Kana ku ta phànda; Kana kunhana, Kana kubhana umbangi ua makutu. Kana kufumba, Tatʼenu ni mamʼenu a bhane ujitu.

Marku 7:10

Kuma Mozé, uixi: Tatʼenu ni mamʼenu a bhane ujitu. Uixi dingi: Uoso u xinga tatʼâ mba mamʼa, muthu ua ku mu jibha.

Luka 10:29

O mesene ia Kitumu-phe mukonda uandala ku di bhembula, uambela Jezú, uixi: O mukuetu-phe nanhi?

Luka 18:20

Eie uejiia o ijila? Kana kuta phànda; Kana kujibha muthu; kana kunhana; kana kubhana umbangi ua makutu; bhana tatʼ enu ni mamʼ enu ujitu.

Luka 6:36

Kalenu mu akua henda, kala kiene Tatʼenu mukua henda.

Luka 6:46

Mu ngʼila kiebhi Ngana, Ngana, mua kambe o kubhanga ima ioso i nga mi ambela?

Efezo 6:2

Ẋila tatʼ enu ni mamʼ enu, kiene o kijila kia dianga ni polomesa,

Matendelelu 1:31

ni mu kikangalakata, mu mua bhiti ni ku mi ambata kuala Jihova Nzambi ienu kala muthu kiʼambata monʼê, mu njila ioso mu muejila katé ki mua bhiẋila bhu kididiʼiki.

Matendelelu 32:6

Mbé Jihova kiene ki mu mu vutuilʼokio? Muiji ua tobho ua kambe kilunjí? Mbé Jihova ki muene Tatʼenu ua mi kula, ua mi bhanga, iu ua mi bhana o kutunga ni kusoma?

Matendelelu 5:16

Bhana ujitu kua tatʼenu ni mamʼenu, kala kia ku tendelela Jihova Nzambi ié, nda u vule izuua ia kukola muenhu mu ngongo, u tunge usome mʼoxi ia ku bhana Jihova Nzambi ié.

I Phetele 1:17

Se muedi mu hingila Nzambi, kuma Tata, mukua kufundisa oso sé ngó kathômbo ka athu, kala muthu kia tokala mu ikalakalu iê, thembu ioso i muala kunu mu inhunginu, mu enda ni uôma uê.