Malakiia 1:4 - O Mikanda Ikola

⁴ Né hanji Edomo uala kubanza, kuila: Sumbala a tu sengulula kiua, maji hanji, jingùndu tua kà tona dingi ku ji tunga lua mukuá. Maji-phe, Jihova dia Ifuẋi uambe kiki: Ene némbé a tunga, eme nga-nda ku a sengulula muene; a kà a luka, exi: Ixi ia isuéia; athu a di zemba ni Nzambi, katé njinda iê ia a uamena ku thandu diâ mu thembu joso.

Malakiia 1:4 ပူးပေါင်းရင်းမြစ်များ

Jobe 12:14

Muene kia bula, ki bhuala dingi u tena kutunga; o uoso a mu jika kuala muene, kana-ku dingi u tena ku mu jikula.

Jobe 34:29

Muene se nʼa bhana kutululuka, nanhi ua-nda ku mu elesa? Se o pholo iê u i sueka, nanhi u tena ku mu tala? Muene ulangidila o miji ni diembu katé ni muthu umoxi ngó.

Jobe 9:4

Muene njimu ia muẋima, munéne mu kusuina; nanhi muene u zoka-nê mba úlua-nê nʼa kalʼé ni kutululuka?

Jisálamu 127:1

Jihova se ua kambe kutunga dibhata, a tala ngó hadi oso a di tunga; Jihova se ua kambe kulanga mbonge, mulangidi né ua tono, lémbue.

Jisálamu 137:7

U Jihova, lembalala kia zuela anʼa Edomo kizuua kia buika Jeluzaleme, exi: Sengulula muene, sengululenu, Jeluzaleme i bhue-bhu katé ku mavu.

Jisálamu 33:10

Jihova u fudisa o phangu ia akua jixi; kikutu kia athu mu ngongo u ki sukika.

Jisabhu 21:30

Jihova ku tena ku mu dimukina, ku tena ku mu bhanga ndunge, ku tena ue ku mu ta kikutu kia ufue.

Izaía 10:4

Ni mu kambe ku di buila-buila muʼaxaxi ka jihutile ni kubuila ngambo muʼaxaxi ka iimbi? Ku ima ioso iii, njinda iê ki bhene bhu ia suku, maji hanji kia sunununa o lukuaku luê.

Izaía 11:14

Inda ene a kà tuka-tuka ni kusambela bhu isuxi ia akua Fidíxia ku uômbe; endela bhuamoxi mu kutambula madibhundila ku akua-thunda; a kà ta maku mua Idomo ni mua Mouabhe, anʼa Amone ue a kà a tolokela muene.

Izaía 34:10

Ni mu muanha ni mʼusuku ki ia kà jima; o dixi diê di banda jinga katé ku hádia ni hádia; ku tunda muiji kuiza muiji ni ku i buikisa; ku tunda mivu kuiza mivu nuka mua kà bhita dingi muthu.

Izaía 34:5

Kuma o xibhata iami ia kodiuila mu diulu; talesa-phe ia kà tuluka mu Idomo phala kua fundisa, itula ku thandu dia mundu u nga bhubhidila phala ku a buikisa.

Jelemiia 31:17

Hanji sai kia kudielela ku disukilu dia xala-ku phala luvualu lué, Jihova ua ki zuela, kuma hádia anʼé a kà vutuka mu jimbambe jâ jʼokulu.

Jelemiia 49:20

Kala kiki, ivuenu kaiula ka Jihova, ka tange muene kua Idomo; ni ixinganeku ia thulu iê, mu kuzoka ni iá a tungu bhu Temane; mbata ni kidi kiene, o jindenge mu kilunga ja-nda kua kà a sunga-sunga; kuma ni kidi muene, mabhata mâ ua kà ma senguluila ku thandu diâ.

Jelemiia 49:7

Ku mbandu ia Idomo, Jihova dia Huxi, uambe kiki: Mbé mu Temane kana-mu dingi kuijiia? Mulongi iuná ua athu ejiia ki uala-mu dingi? O kuijiia kuâ kua tumbuluka kiá?

Jelemiia 49:8

Lengenu, Vutukenu, mu tunge mua zongo, enu mua tunga mu Dedane, mukonda eme nga bheka kibuika kia Izaú ku thandu diê mu kithangana ki nga mu zungila.

Jelemiia 5:17

Ene hinu a kàdia o itula ié, ni mbolo ié ia tokalele anʼé a mala ni anʼè a ahatu; jimbudi jé ni jingombe a kà kudia-ju; a kà dia ue ni muvide ué ni mufiku ué; o jimbonge jé ja makota ji ua dielela a-nda ku ku senguluila-ju kuala o xibhata.

Kuditenda 3:37

Mukuahi muene uzuela, kima anga ki bhita, se Jihova ka ki tumina?

Izekiiele 11:10

Mua kà tenuka ku xibhata; Ku maẋokololo a Izalaiele kuene ku nga kà mi fundisila; phala muʼa kʼèjiie kuila eme ngi Ngana.

Izekiiele 25:13

Kala kiki, o Jihova Nzambi, uambe kiki: Eme uami o lukuaku luami nga-nda ku lu sunununa mu kuzoka ni Idomo, katé ki ngi halumuna-mu athu ni ibhaku; anga ngi mu kitula kikangalakata; tundé mu Temane katé mu Dedane, a kà tenuka ku xibhata.

Izekiiele 25:14

Anga Idomo nga kà mu vutuila kiua o phonzo ku lukuaku lua mundu uami ua Izalaiele; mu Idomo hé a kà bhanga-mu kala bhua tela o njinda iami ni kuthathamana kuami; phala nʼa kʼejiia kioso ki kala o phonzo iami, Jihova Nzambi ua ki tange.

Izekiiele 26:14

Eie-muène hé ngi ku kitula u ditadi dia kabhuetete; hé ua kà di bhanga u dianekenu dia manda ma atona, ki mungu dingi a kà ku tunga; mbata eme ngi Jihova nga ki zuela, Jihova muene ua ki tange.

Izekiiele 35:4

Jimbanza jé nga-nda ku ji bilula jingùndu, eie-muène ue ua-nda ku kituka bhoxi-mavu; anga u kʼijiia kuila emiʼeme ngi Jihova.

Izekiiele 35:9

Nga-nda ku ku bhanga u dibuikilu di nangenena, o mu jimbanza jé ki mungu dingi mua kà tunga muthu; kienhiki kiene ki mua kà kʼijiia kuila emeʼeme ngi Jihova.

Amoji 1:11

Jihova uambe kiki: Idomo kia tondala lutatu ni luuana, kibetu kiê ki ngi mu katula na-kiu; mbata phangʼiê ua mu zuididika ni xibhata, henda ioso ia undandu ngué na-iu; njinda iê i jiza ni ku sanujuna ku mivu ni mivu, o kuluuala kuê ki kuene mbambe.

Amoji 3:15

Inzu ia tungila mbambi ni iii ia tungila mvula, nga kà ji bula; jinzu ja mazu a nzamba ja ka senguluka, ni jinzu ja makota, ja kà kala ni dizubhilu diê, kiene kiambe Ngana.

Amoji 5:11

Kala kiki, mukonda dia kuila ngadiama mu mu diota kinama, anga mu mu jijidika ku futa lubhaku lua tiliku, mua kà tunga jinzu ja matadi osete maji ki mua kà kalamu; mua kà phapha mábhia ambote a mivide, maji vinhu iê ki mua kà i nua.

Amoji 6:11

Mbata o Ngana se u tumina, inzu ia dikota i di tolojola, o inzu iòfele ijikuka misula.

Amoji 6:2

Bhitenu mu Kalene, mu tale; o ki mu tunda bhobho, mu-ie ue mu Hamate, o munéne; tulukilenu-phe kiá ku Ngate ia akua Fidíxia; mbebhu ene a beta kota, maungana iá ndenge? Inga mbambe jâ ene kota mu kuzanza, o jenuʼenu ndenge?

Obadiia 1:1

Kisuma kia Obadiia. Kienhiki kia tange Ngana dia Jihova kua Idomo: Tuene mu kuívua o ulongelu ua Ngana; ku jixi joso a tumukisa-ku mukunji, kuila: Balumukenu, tu imane, tuie mu kúlua ita ni Idomo.

Obadiia 1:10

Mukonda dia kukakela phangʼié Jakobo, kua kèza kavanza ku thandu dié, katé ki u jima mbutu ku hádia ni hádia, nzaká.

Malakiia 1:3

O Izaú nga mu zemba; milundu iê nga i bhange jingùndu, o undundu uê nga u bhana ku mabheku mu kikàla.

Matesu 12:30

Uoso ka ngi bande, ua ngi zembe; o uoso ka bhongolola ni eme, u muanga.