Malakiia 1:3 - O Mikanda Ikola

³ O Izaú nga mu zemba; milundu iê nga i bhange jingùndu, o undundu uê nga u bhana ku mabheku mu kikàla.

Malakiia 1:3 ပူးပေါင်းရင်းမြစ်များ

Dimatekenu 25:23

Jihova anga u mu vutuuila, uixi: Ifuẋi iiadi ia ku kala moxi diê, miiji iiadi ia kà di uanununa tunde mu vumu, muiji umoxi ua kà tunda mukuâ mu nguzu, o dikota dia kà bhikila o ndenge.

Izaía 35:7

O ixi ia kukuta ia kà di-bhanga izanga ia menha, o mikáu ia thothuena muiza majiia a fuáfua menha; o mu ididi muoso mua tungile o mabheku, mua kà sabhuka iangu ni madianga, ni jimbamba.

Jelemiia 49:10

Maji eme Izaú nga mu zula, nga tukulula o masuamenu mê, ka-nda kutena dingi kusuama; muiji uê ua senguluka, kiene kimoxi ue ni jiphange jê ni jinzukame jê, o muene ue ka moneka dingi.

Jelemiia 49:20

Kala kiki, ivuenu kaiula ka Jihova, ka tange muene kua Idomo; ni ixinganeku ia thulu iê, mu kuzoka ni iá a tungu bhu Temane; mbata ni kidi kiene, o jindenge mu kilunga ja-nda kua kà a sunga-sunga; kuma ni kidi muene, mabhata mâ ua kà ma senguluila ku thandu diâ.

Jelemiia 49:33

Bheneʼobho, Hazole ua-nda ku kituka tungilu dia midikixi, ngùndu i nangenena; ki bhua kà kala u tunga-mu mba monʼa muthu u bhanga-mu dibhata.

Jelemiia 49:7

Ku mbandu ia Idomo, Jihova dia Huxi, uambe kiki: Mbé mu Temane kana-mu dingi kuijiia? Mulongi iuná ua athu ejiia ki uala-mu dingi? O kuijiia kuâ kua tumbuluka kiá?

Jelemiia 49:8

Lengenu, Vutukenu, mu tunge mua zongo, enu mua tunga mu Dedane, mukonda eme nga bheka kibuika kia Izaú ku thandu diê mu kithangana ki nga mu zungila.

Jelemiia 51:37

O Babilonha anga u kituka maxita, u di bhanga tungilu dia jinhoka ja ibha, kisunji, mu ku mu mona athu a xika muphióphio, ni umoxi ngó u tunga-mu ka moneka.

Jelemiia 9:11

Jeluzaleme-phe nga-nda ku mu kitula jindunji ja matadi, dibhata dia midikixi, o madiembu ue mu Juda, ngi maxa jingundu, katé ki mu kala dingi muthu u tunga-mu.

Kuditenda 4:22

O kaxtiku ka kikuma kié, eie monʼa kilumba kia Ziione, mu bhua mu kala, kuma ka tenena kiá; Nzambi muene nuka dingi a kà tona ku ku balakala ku ubhika. Kala kiki, muene hinu uiza kuibhula o ikuma ié, eie u kilumba kia Edomo; muene ua-nda ku ku tungununa o ituxi ié ioso.

Izekiiele 36:7

Kala kiki, o Jihova uambe kiki, uixi: Eme nga leka o lukuaku luami, mbé o akua matumbu ala mu jimbandu jenu, ambate o lusebu luâ ku thandu diâ ene muène.

Izekiiele 36:9

Talesenu, kuma eme ngala ni enu; eme nga-nda kulungulukila kokuenu, enu anga a kà mi dima ni a mi kune.

Jouele 3:19

Ijitu ua kà kituka disengulukilu, Idomo ua kà di bhanga kikangalakata ki bhekela ngùnzu, mukonda dia usuéia ua bhange ku anʼa Juda, kua bhingi ni mʼoxi iâ muene mua zunzumuina o manhinga a iú ka bhange kima kioso-kioso.

Obadiia 1:10

Mukonda dia kukakela phangʼié Jakobo, kua kèza kavanza ku thandu dié, katé ki u jima mbutu ku hádia ni hádia, nzaká.

Luka 14:26

Se muthu uiza kókuami, anga u kamba ku beta ku ngi zola eme, o tatʼâ ni mamʼâ, ni mukajiʼê, ni anʼê, ni jiphange jê ja mala ni ja ahatu ni a kale ndenge, katé ni muenhu uê-muène, ka tena kukala xibulu iami.