Malakiia 1:14 - O Mikanda Ikola

¹⁴ Lamba dia muthu ió mukua mangonha, uoso uila o kibhaku kia ndumbe sé kisemu, iú na-kiu mu kibhanga kiê, maji o kia tanga kubhana kima kua Jihova, mu ku kumbidila polomesa iê ubhana kima ki kiauabha ki kuata ukoxina. Jihova dia Ifuẋi phe, uixi: Ki kiene, kana! Mukonda eme ngi Sobha ionéne; dijina diami a kà di kuatela uoma mu ngongo ioso.

Malakiia 1:14 ပူးပေါင်းရင်းမြစ်များ

Dimatekenu 27:12

Imoxi phaietu u ngi babata, u ngi mona ngi mukua makutu; mu kubhanga kiki nga-nda ku dibhekela mázui ku thandu diami, kana dibesá.

II Samuuele 24:24

Muenexi anga u ambela Alauna, uixi: Ki kiene; kikale ngi i sumba muene ko kué mu kitadi kioso kia tokala. Ki ngi xikina kubhakula kua Jihova Nzambi iami, jisata ja kuoha ji nga tambula mu ngoho, nga kambe kuta-mu kima. Kienhiki Davidi u sumba dibhiatelu ni jingombe, mu makuinhi atanu a xikulu ja phalata.

Jisálamu 102:16

Kioso kia mona Jihova ua tungu dingi Ziione, ua tukulula dingi o kubenha kuê;

Jisálamu 47:2

Kuma Jihova, Sukè-ku, u kôla; muene Sobha ia Dikota, u tumina ixi ioso.

Jisálamu 47:3

Muene ua lende o ifuẋi ioso ia tu tolokela etu; o athu engiʼó iu ua a te bhoxi dia inama ietu.

Jisálamu 47:8

Nzambi u tumina akua jixi joso; Nzambi ua xikama bhu kiandu kiê kikôla.

Jisálamu 48:2

O mulundu ua Ziione, kididi kia uabha, bhua di leka kiambote, ngalasa ia ixi ioso! o mulundu ua kexila ku maẋokololo ku mutundila-kumbi, mbanza iangene ia Sobha ia dikota.

Jisálamu 68:35

Eie, Ngana Nzambi, u kuata uoma ku kididi kié kia isuma ku uala! Nzambi ia Izalaiele muene u bhana mundu uê o nguzu ni kutena. EʼDiebhe! diebhe! Ngana Nzambi!

Jisálamu 76:12

Muene u humbula o kudizangeleka kua makota a jingana; anga u teketesa o jisobha ja mu ngongo.

Jisálamu 95:3

Kuma o Jihova, kota dia Nzambi, Ngana ia dokota ua tundu o jinzambi joso.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Jelemiia 46:18

Sobha ua bhingi dijina diê muene Jihova dia Ifuẋi, uambe uixi: Eme ngi nangenena! Kuma ni kidi kiene, kala kiala o mulundu ua Tabolo bhu kaẋi ka milundu ni mulundu ua Kalamelu bhu mbandu ia kalunga, kiene kià kʼeza muene.

Jelemiia 48:10

Lamba dia ió uoso u bhanga o kikalakalu dia Jihova ni mangonha; lamba dia ió ue uoso u bhaka o xibhata iê ku manhinga.

Jelemiia 48:15

Mouabhe a mu sengulula kiá, ua tundu mu jimbonge jê ni kubanda, o minzangala iê ia mala ia solele, ia kulumuka mu kijibha, Sobha ua ki tange, o dijina diê Jihova dia Ilombo Ieta.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Daniiele 9:4

Anga ngi dionda Jihova Nzambi iami, nga di fisala, ngixi: U Nzambi ionéne, u kuatesa uoma! Eie uene mu kukumbidila o kikutu, u mukua ku kuatela henda kua ió oso a ku zola, hé aiuka o ijila ié;

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Malakiia 1:8

Mukonda kioso ki mu satela kibhaku kiafu mesu, muexi ki ki di kima, manhi ki kima kiaiibha? Se mu satela kibhaku kiala mú tenguna ni unema, mba kiala ni uhaxi, muexi ki ki di kima, manhi ki kima kiaiibha? Bhakula hanji o ujitu kala iú, kua muenexi uenu; muene uanda ku ku sakidila, inga muene ua-nda ku ku tambulula? kiene kiambe Jihova dia Ifuxiʼiki.

Malakiia 2:1

Kiki-phe, enu mu jinganga, kijila kiki kia mi tokala enu.

Malakiia 3:9

Kala kiki, nga mi te mázui ni ku mi bhubhidila, muiji uenu uoso muene, mbata enu muala ku ngi nhana eme.

Matesu 24:51

Anga u mu bhana kibetu kiavulu, u mu bhana kididi ni akua mangonha. Kuene kuà kala o kudila ni ku di kokota ku mazu.

Matesu 5:35

Kana kulokela oxi, mbata bangu iê ia inama; kana kulokela Jeluzaleme, mbata mbanza ia muenexi ua dikota.

Marku 14:8

Muhatu iú ua bhange kioso kia tena. Mukonda muene, kiosuʼiki kiluua ngi fua, ua kalanga ku ngi uaia ku mukutu maji ma ku ngi funda.

Luka 12:46

Ngana ia mubhika ió ua-nda kuiza kizuua muène ka ki fika, ni ola muène ka ijiia, anga u mu tandujula ni jisanzu, hê u mu bhaka mu kutala hadi kumoxi ni akua makutu.

II Kolindo 8:12

Kuma se sai muthu uandala kubhana, Nzambi u xikina o ujitu, kala muthu kioso ki ala na-kiu.

Matendelelu 28:58

Se ua kambe kualuka ni ku kumbidila o maka moso ma Kitumu kiki, mòsoneke mu Ndunda ienhiʼii, anga u kamba kuxila o dijina diangene dikola, di kuatesa uoma, o dijina dia Jihova Nzambi ié,

I Timote 6:15

Mukonda Nzambi bhu thembu iê ioso ia mono, ua kà bhitisa imʼiii, Nzambi mukua mbote, muène ubheka uê, Diama, Sobha ia jisobha, Ngana ia jingana.

Jihebeleu 12:29

Kuma kidi muene, Nzambi ietu tubhia tua uama, tu buikisa.

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.