Malakiia 1:11 - O Mikanda Ikola

¹¹ Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Malakiia 1:11 ပူးပေါင်းရင်းမြစ်များ

I Malunda 16:25

Kuma Jihova Munéne, uafuama ku mu ximana kiavulu, mukonda muene ukôla o jinzambi joso ndenge.

Jisálamu 111:9

Ua tumu kukula o mundu uê, iu ua te-nâ o kikutu ki nangenena ki ki bhu; o dijina diê di kôla, di kuata uoma!

Jisálamu 113:3

Tunde ku tundila o dikumbi, katé ku di tudila, dijina dia Jihova a di ximane.

Jisálamu 138:5

Kidi kiene, mauendelu mé a ma ta ku mukumbi, kuma o fuma ia Jihova ia vulu kinéne!

Jisálamu 141:2

Musambu uami u bande ko kué, kala uasu ua dizumba; o makuʼami, kia sununuka, a kale kala sata ia ngoloxi.

Jisálamu 45:17

Ngi bhangesa kuila, o dijina dié, di fumana ku miji ioso; mundu a kala jinga mu ku ku ximana ku mivu ni sé dizubhilu.

Jisálamu 48:10

Kala kia fumana o dijina dié, Ngana Nzambi, kiene ue kiende o diximanu dié, katé ku maẋokololo a jixi; o lukuaku lué lua kúdia, luezala kubatula kua kidi.

Jisálamu 48:11

Kuma mulundu ua Ziione, a tane-ku! o jisanzala ja Juda, ji sanguluke! mukonda dia mabatuilu mé.

Jisálamu 50:1

Kutende, Ngana Nzambi, Jihova, ua zuela; uexana ixi ioso, tunde ku tundila o dikumbi, katé ku dʼila.

Jisálamu 65:9

Ixi u i zungila, u i tekela; u sueka jimbongo javulu mu mavu, mukonda dia ngiji ia Nzambi iezala menha; athu u a dikila ni masa, ki u zubha kukalakala ku mábhia.

Jisálamu 67:2

phala njila iê aʼijiie mu ngongo, ku jixi joso ejiie o ubhulukilu uê.

Jisálamu 86:9

Mbutu joso jʼathu, eie-muène ua a bhanga, hádia a kèza kubheza bhu pholo ié, u Ngana; a kà jingisa o dijina dié.

Jisálamu 96:8

Bhakulenu kua Jihova o fuma ia tokala dijina diê; zenu ni maujitu, mu bhixile ni sata mu malumbu mê.

Izaía 12:4

Bhu kizuua kieneʼokio, mua kèla: Sakidilenu Jihova, diondenu mu dijina diê, tangenu muʼaxaxi ka mundu ikalakalu ia maku mê, tangenu-kiu muene kuma dijina diê kujinga kuahi!

Izaía 12:5

Imbilenu Jihova, mbata ima ia bhange, ia matunda! Oxi ioso i tume ku kʼijiia.

Izaía 19:21

Jihova muene ua kà didikiza ku akua-Ijitu, o akua-Ijitu mu kizuʼokio, a kèjiia Jihova; kiene muene, nʼa kuata ku mu bheza ni jisata ni mibhaku; a ta jihasa kua Jihova anga a ji kumbidila.

Izaía 30:27

Talesa, dijina dia Jihova ditunda dikanga, ni kuuama ni njinda iê mu kaẋi ka ifuke iedi muene xikixiki; mizumbu iê ia teme kinéne, o dimi diê mukua ni tubhia tua muzukuta.

Izaía 45:6

Nda a kʼijiie ni ku mutundila-kumbi, ni ku mutudila-kumbi, kuma bhu nga kambe eme, ki bhu kala dingi Nzambi; eme Jihova, ki kuene Nzambi iengi.

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Izaía 59:19

Kiene kia kà xila kiua dijina dia Jihova tundé ku mazanga, anga aẋila kijingo kiê tundé kutundila dikumbi. Kioso kiza nguma kala hungulule ia menha, Nzumbi ia Jihova u oleka mvela phala ku mu kaia.

Izaía 66:18

Mbata o ima iâ ia bhanga nga ʼijiia, katé ni ixinganeku iâ! Thembu ii iza-bhu, nga-nda kubhongolola miji ioso ni madimi; a-nda kuiza, anga a mona kijingo kiami.

Jelemiia 10:6

Kana-ku u di fuangana nʼeie, u Jihova: Eie u munéne, o dijina dié ue di kola mu kuvula o nguzu.

Jelemiia 10:7

Eie u Muenexi uavu ifuẋi ioso, mukuahi muene u kamba ku ku kuatela o uoma? Kuma eie ngó ua fuama ku ku kuatela o uoma; mbata muʼaxaxi ka jinjimu joso ja akua jixi, ni mu mautuminu mâ, kana-mu ua di fuangana nʼeie.

Jelemiia 4:2

O ki u loka kuila: Ni Jihova muenhú! Jihova a kole muenhu! mu kidi, ni mu mabatuilu ni mu kuiuka; ni akua jixi jengi-phe a-nda ku di bhanduluila mua muene, mua muene muanda ku di thathela.

Daniiele 2:45

Kiene ki ua muena kuila ku mulundu kua bamuka ditadi, maji ki maku ma di bamuna, dieneʼdi dia sasujula o felu, ni ngôndo, ni utuma, ni phalata, ni ulu, Nzambi, Kutende uadimuna sobha, phala ku kuijidisa ima ioso hádia ia-nda kuiza ku pholo ki zubha kubhita iosuʼiii; o nzoji ia kidi, o dijimbuluilu diê dia kidi.

Amoji 9:12

Mbebhu ende ni kúvua o jimbalu-mbalu ja subhuka kua Idomo, ni miji ioso iexanena mu dijina diami, kuma Jihova ua ki tange uixi: Ima ioso ienhiʼii ia kà bhita muene.

Mikeia 5:4

Muene anga ua kà nangenena, ifuẋi anga ua kà inga mu nguzu ia Jihova ni mu ungana ua dijina dia Jihova Nzambi iê! Ene uâ a kà kala bhua kondama, mukonda kindala muene ue a kà mu zangeleka katé ku aẋokololo kua suku oxi.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Sofoniia 3:9

Kuma kienhokio-phe ifuẋi ioso nga kà i bhana mizumbu ia zele, phala ene oso a tene ku hingila o dijina dia Jihova, phala ene oso a mu bhikile ni muẋima umoxi.

Zakadiia 8:7

Jihova dia Ilombo Ieta uambe: Tala-ze, nga kà bhulula mundu uami ku ixi i kala ku tundila o dikumbi ni ku ixi i kala ku tudila o dikumbi.

Malakiia 1:14

Lamba dia muthu ió mukua mangonha, uoso uila o kibhaku kia ndumbe sé kisemu, iú na-kiu mu kibhanga kiê, maji o kia tanga kubhana kima kua Jihova, mu ku kumbidila polomesa iê ubhana kima ki kiauabha ki kuata ukoxina. Jihova dia Ifuẋi phe, uixi: Ki kiene, kana! Mukonda eme ngi Sobha ionéne; dijina diami a kà di kuatela uoma mu ngongo ioso.

Malakiia 3:3

Muene ua kà xikama mu kuzunza ni kuzelesa o phalata; anga ua kà zelesa o muiji ua Levi, hé ua kà u bhuisa dixilu mukuâ ni kia zunza o ulu mba phalata; mu kienhókio a kà bheka kua Jihova maujitu ma kuiuka ni kidi.

Dialuilu 7:74

ni ngutu imoxi ia ulu, kinemenu kiê kuinhi dia xikulu, iezala uasu ua dizumba;

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Matesu 8:11

Ngi mi tangela-kiu kuma, ku thunda ni ku luiji, kua kà tunda athu avulu a kà xikama mu mbanza ia diulu kumoxi ni Mbalahamu ni Izake ni Jakobo.

Luka 1:10

O kifuẋi kioso kia diembu anga ki kala bhu kanga mù samba, kiso nganga Zakadiia kia kala mu bhakula o fumasa ia dixi dia dizumba.

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

Loma 15:16

Kia ku kala ngi mukunji ua Kristu Jezú, phala kukalakalela akua jixi jengi, ió ki Jijudé. Nga di bhange kala ngi nganga ia kutula o Njimbu Iambote ia Nzambi. Nga mu bhanga kiki phala o ió ki Jijudé a di bhange sata ia xikina kuala Nzambi mu dibônzo dia Nzumbi Ikôla.

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.

II Tesalonika 1:12

Phala mu kienʼiki o dijina dia Ngana ietu Jezú di fumane mudienu, ni enu mua muène, kala kia tokala mu kiadi kia Nzambi ietu, ni kia Ngana Jezú Kristu.

I Timote 2:8

Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.

Dijingunuinu 5:8

Kia zubha ku di tambula, o iama iuana ia muenhu ni makuinhi aiadi a kikulakaji ni iuana, a di bhala bhu pholo ia Kambudi. Ene oso a sokelèlaku ni kukuata jimbànza ni jinganza ja ulu jezala fufutila ia dixi dia dizumba, iene o misambu ia akua-Ngana.