Makatukilu 9:25 - O Mikanda Ikola

²⁵ Matadi anga ma beta oso ala ku mukáu mʼoxi ioso ia Ijitu, akale athu, a kale ibhaku; matadi ma beta ue o idima ioso ku mábhia, ni miẋi ioso ku mukáu ia bukujuka o jithangu.

Makatukilu 9:25 ပူးပေါင်းရင်းမြစ်များ

Jisálamu 78:47

Mivide iâ ua i batujula ni matadi a mvula. O mikuzu iâ i humbuka jithangu ku jelu.

Jisálamu 78:48

O ibhaku iâ ue ua i buidisa ku matadi ma mvula, o ilunga u sanga iabhi ku nzaji.

Makatukilu 9:19

Kala kiki-phe, tuma lusolo o ibhaku ié ioso iala ku mukáu u i bhongoluele ku bhata; kuma a kale muthu, a kale kibhaku, mungu u xala ku mukáu, ua kambe ku mu bhongoluela ku bhata, matadi a mvula nʼa mu kuatela koko, ua kà fua.

Makatukilu 9:24

Kala kiki, ku kala matadi a mvula, ni túbhia tua di lungu-nâ kumoxi, ma kuama muene kiavulu, kia bhingi mʼoxi ia Ijitu kiluua kibhita-mu tunde muʼandekela kutunga-mu athu.

Makatukilu 9:6

Kúkia ni kimene, Jihova anga u ki bhanga; ibhaku ioso ia akua Ijitu i fua, ku ibhaku ia anʼa Izalaiele ni kimoxi ngó, ki kiafu-ku.

Izekiiele 13:13

Kala kiki, Jihova Nzambi, uixi: Mu kutema kuami, kitembu kia nguzu kia-nda ku ki bula, mu njinda iami, kua-nda kukala kivundu kia mvula ionéne, ni matadi a makota a mvula mu kutema kuami, phala ku ki jimisa.

Josuué 10:11

Anga ki bhita-phe kuila, ene kiala kulengʼiki, mbebhu Izalaiele, o mu kulumuka mu Mbetolone, Jihova u a takula imatadi ia laula ku diulu; mu kutula mu Azeka afu; kienhókio abuika ku matadi a mvula kota mu kuvula, a fu ku xibhata ia anʼa Izalaiele, ndenge.