Makatukilu 9:21 - O Mikanda Ikola

²¹ Maji-phe oso ahuku, nguaʼuâ kusuua kizuelu kia Jihova, ni ngunza jâ, ni ibhaku iâ, a i xalesa ku mukáu.

Makatukilu 9:21 ပူးပေါင်းရင်းမြစ်များ

I Malunda 22:19

Dibhakudienu-phe, kindala, ni muẋima uenu uoso ni muenhu uenu uoso mu kusota Jihova Nzambi ienu. Di iudikienu ue, nda mu balumuke, ni mu tunge o kididi kikôla kinéne kia Jihova Nzambi, phala o álaka ia kikutu kia Jihova, ni itutu iokolese ia Ngana Nzambi, eze na-iu mu inzo iii ia tembulu, ia-nda ku tungila o dijina dia Ngana.

Jobe 34:14

Se Nzambi ua tele muẋima uê mu kubhanga phulu ku muthu, mba ua kexi mu ku di xinganekʼé ngó muene, anga o nzumbi iê ni mulenge uê u di bhongoluela na-u ngoho muene,

Jobe 7:17

Muthu kima kiahi, phala eie ku mu suua, ni ku mu ta o muẋima ué kiki.

Makatukilu 7:23

Falaó anga u tunda-bhu, uia ku bhata diê, iene iosoʼii ka ẋikina ngó ku i ta muxima.

Makatukilu 9:20

Bhenhobho oso ku akua mbèle ia Falaó ala ni uoma ia Jihova, a tumu ngunza jâ, ni ibhaku kulenga-ku ku mukáu nʼeza ku bhata;

Makatukilu 9:22

Jihova anga u ambela Mozé, uixi: Sunununa o lukuaku lué, u lu talese mu diulu, phala ku sonoke mvula ia matadi mʼoxi ioso ia Ijitu, i bete athu, i bete ibhaku, i bete idima ku mábhia, mʼoxi ioso ia Ijitu.

Jisabhu 22:3

Njimu kiluezu u ki muena mu kanga, anga u suamʼé kiá; ilalu-phe a lundujuka ngó, katé ki a bonga divuua.

Jisabhu 24:32

O ki nga ki mono, nga sunga-bhu kilunji, o ki nga kiʼedi suí, nga tambulaku disá.

Izekiiele 40:4

O muthu muenhú hé u ngʼambela, uixi: Eie monʼa diiala, tala ni mesu mé, uívue ni mátui mé, o ioso i ngi ku muesa ta-iu muene ku muẋima ué; mukonda kiene kia ku bhekela bhabha, mbé o ku ku londekeza; o ioso-phe i u mona, tangela-iu o muiji ua Izalaiele.

Daniiele 10:12

Hé u ngʼambela-phe, uixi: Ku kale ni uoma, Daniiele, mbata tunde mu kizuua kia dianga ki uate muẋima ué mu ku dʼivua kiambote ni Nzambi ié, ni ku di tolesa bhu pholo ia muene, maka mé ala muene ku mʼevua, eme kiene kia ngi bheka.

I Samuuele 4:20

Kithangana kia kala mu kúfua, ahatu nʼakuá a mu kondoloka a mu ambela, exi: Ku kale ni kikote, ua disanze monʼé ua diiala. Muene-phe ka vutula, mukonda ka ki suu dingi kuma uaii kiá ku kiambu.