Makatukilu 9:20 - O Mikanda Ikola

²⁰ Bhenhobho oso ku akua mbèle ia Falaó ala ni uoma ia Jihova, a tumu ngunza jâ, ni ibhaku kulenga-ku ku mukáu nʼeza ku bhata;

Makatukilu 9:20 ပူးပေါင်းရင်းမြစ်များ

Makatukilu 7:23

Falaó anga u tunda-bhu, uia ku bhata diê, iene iosoʼii ka ẋikina ngó ku i ta muxima.

Makatukilu 9:21

Maji-phe oso ahuku, nguaʼuâ kusuua kizuelu kia Jihova, ni ngunza jâ, ni ibhaku iâ, a i xalesa ku mukáu.

Makatukilu 9:6

Kúkia ni kimene, Jihova anga u ki bhanga; ibhaku ioso ia akua Ijitu i fua, ku ibhaku ia anʼa Izalaiele ni kimoxi ngó, ki kiafu-ku.

Jisabhu 13:13

Uoso u tènda o phangu ia mu bhana, u jikinina; uoso-phe u xila ngonge, ubhanduluka.

Jisabhu 16:16

Kota ku di longa o unjimu, dikue kufuna o ulu; o kudilonga ue kilunji kota, phalata ndenge.

Jisabhu 22:23

Kuma Jihova ua-nda ku mu bhângela mvunda iê; oso-phe a mu bhundile kiki, muene ua kà a katula o muenhu.

Jisabhu 22:3

Njimu kiluezu u ki muena mu kanga, anga u suamʼé kiá; ilalu-phe a lundujuka ngó, katé ki a bonga divuua.

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.