Makatukilu 9:18 - O Mikanda Ikola

¹⁸ Talesa-phe, mungu mu ola kala iii, nga-nda ku nokesa mvula ia matadi a kuama, i bhinga kuila mʼoxi ia Ijitu mumu kiluua i kala-mu, tundé ku dimatekenu diê katé ni kiki.

Makatukilu 9:18 ပူးပေါင်းရင်းမြစ်များ

I Jisobha 19:2

Bhenhobho Jezabele u tuma phunga kutangela Elija, uixi: Jinzambi ji ngi bhange-kiu, anga a ngi tela-ku dingi ku kidi muene, se mungu, bhu kumbi Ma didi, o muenhu ué ki ngʼu bhange kala ua umoxi mudiâ.

I Jisobha 20:6

zekela-kiu kuma mungu bhu kumbi ʼla didi, nga-ndu tumikisa akua mbèle iami ko kué, anga a solokota inzo ié, ni jinzo ja akua mbèle ié anga a katula-mu o ima ioso ia a uabhela ku mesu mâ, anga a i ambata.

II Jisobha 7:1

Kieneʼokio-phe Ilizeu, uixi: Ivuenu kizuelu kia Jihova; Jihova uambe kiki: Mungu ku kamba ngó bhuʼofele bhu kumbi kala didi, kua-nda ku kala kizongelu kimoxi kia fuba, mu xikulu imoxi, o izongelu iiadi ia sevada, xikulu imoxi, bhu muelu ua Samádia.

II Jisobha 7:18

Mbata kia di bhange muene, kia tangele o muthu ua Nzambi kua sobha, kuila: Mungu, bhu kumbi kala didi, kua-ndu kala izongelu iiadi ia sevada mu sikulu imoxi ni kizongelu kimoxi kia fuba mu xikulu imoxi, bhu muelu ua Samádia.

Jobe 37:13

Muene u bheka ngó ima ioso iii phala kubazela, kia fuama mu ngongo, mba phala kuia ngó ni kubhanga jihenda jê.

Jobe 38:22

Mbebhu eie ua bokuene kiá mu mabhakelu ma kikulakaji eie ua mono o umvuama ua matadi a mvula,

Jobe 38:23

U nga kondeka katé bhu kithangana kia mukondo, ni bhu kizuua kia kubhânga ni kúlua ita?

Jisálamu 83:15

a bhese, Ngana, lusolo ni kibhungu kié, a bhuuike muene ni kitaphephe kié.

Makatukilu 10:14

Kihoho anga ki bhita mʼoxi ioso ia Ijitu, ki tula katé mu jimbámbe jê joso; kia vudila-ku kinéne kuma mʼokulu nuka kuejile kihoho kala kiki, o ku hádia ue nuka kia kèza-ku dingi.

Makatukilu 10:6

Ni mu jinzu jé mu izala, ni mu jinzu joso ja akua mbèle ié, ni mu jinzu ja akua Ijitu oso; ki bhinga ni jitata jenu ni jikuku nuka a ki muene ki kala kiki, tundé kizuua kia bhanga athu mu ngongo, katé kizuua kia lelu. Anga u lunguluka, u tunda bhu pholo ia Falaó.

Makatukilu 11:6

Kua kà bhita ngololo ia dikota mʼoxi ioso ia Ijitu, ngololo nuka aʼivile, nuka ue ià kala-ku dingi.

Makatukilu 9:17

Ki ualʼokio kifua eie hanji ua thathamena o mundu uami, nguaʼié ku a eha ni aiʼâ?

Dijingunuinu 16:21

Mvula ia matadi anga i sonoka ku diulu, i laukila ku thandu dia athu. O matadi mê a makota kiavulu, dimoxi ngó di pezala makuinhi auana a kilo. Athu anga a ẋonguena a Nzambi, mukonda dia dibhebhu dia mvula ia matadi, kuma o dibhebhu diê dia vulu kinéne!