Makatukilu 9:16 - O Mikanda Ikola

¹⁶ maji-phe kiene ki nga ku bhakela ku muenhu, phala ku ku idikiza kutena kuami, mbé o dijina diami di fumane mu ngongo ioso.

Makatukilu 9:16 ပူးပေါင်းရင်းမြစ်များ

II Samuuele 7:23

Mundu uahi ue mu ngongʼumu u soka ni mundu ué ua Izalaiele, ene ngó ubheka uâ ku mundu, a bhingi Nzambi iâ uia ni ku a kudila, ni ku a bhangesa kukala mundu uê uangene, muene, nʼa di bhangela dijina, nʼa mi bhangela ue ima iónene, ni ima i kuatesa uoma mʼoxi ienu, bhu pholo ia mundu ué katé ki ua a kula mu Ijito ku akuaʼxi iengi ni ku nzambi jâ, hé u a bheka dingi ku mukutu uê.

II Jisobha 19:35

Anga ki bhita-phe kuila, mu usuku uenhó, mu kaẋi kà kilômbo kia akua Asídia, o anju ia Jihova ua buikisa-mu hama ni makuinhi nake ni kitanu kia jihulukaji ja athu; o a subhuka-ku kia balumuka mu kimenemene, a mona ngó mikutu ioso imbi mu imbi.

I Malunda 16:24

Tangenu muʼaxaxe ka ifuẋi o fuma ia unéne uê, ni madiuanu mê muʼaxaxi ka mundu uoso.

Nehemiia 9:10

Anga Falaó u mu idikiza ijimbuete ni madiuanu, ni akua mbèle iê oso, ni akua ixi iê oso; mukonda eie uejidile kuma ene a bhangele phulu iavulu ku jitata jetu; eie mu kubhanga kienhiki ua di bhekela dijina dinangenena, kala ki tua mu ki mona leluʼiki.

Jisálamu 106:8

Maji kiene kimoxi, muene ua a bhulula mukonda dia dijina diê, phala o undanda uê a u ijiie;

Jisálamu 64:9

Kia kà bhangesa athu oso kukala ni uoma, hé a kà tumbula o kukalakala kua Nzambi; a kà xala muene ni kuxinganeka o ikalakalu iê ni kilunji.

Jisálamu 76:10

Mbata ni kidi kiene, eie o njinda ia muthu i biluka diximanu dié; o ia subhuka-bhu eie u i sukika.

Makatukilu 14:17

Eme-ze ngi kolesa o miẋima ia akua Ijitu, phala ene uâ a kutuke-mu mu ku a kaiela; bhenhobho ngi tambula fuma ku thandu dia Falaó, ni ku kilômbo kiê kioso, ni makalu ê a ita, ni kavalelu jê.

Makatukilu 14:4

Eme-phe ngi kolesa o muxima ua Falaó, o muene ua-nda ku a kaiela, eme bhenhobho nda ngi fumane ku thandu dia Falaó, ni ku thandu dia kilombo kiê kioso, akua Ijitu phala à kʼejiie kuma eme Jihova, O ana a Izalaiele anga a bhanga kienhókio.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Makatukilu 9:15

Kuma kindalʼiki, se ngʼedile ngi sunununa o lukuaku luami ni kibuika, hé ngi ku kuama ni eie ni mundu ué uoso, hinu mu ngongo enu oso mua bhu-mu;

Makatukilu 9:17

Ki ualʼokio kifua eie hanji ua thathamena o mundu uami, nguaʼié ku a eha ni aiʼâ?

Jisabhu 16:4

Jihova ima ioso ua i iudikila ni dizubhilu diê dia i tokala; katé ni mukua phulu, o bhuilu diê o kizuua kia jingongo.

Jelemiia 32:20

Eie ua ta ijimbuete ni isunji mu ixi ia Ijitu katé mu kizuua kia lelu, ku tale mua Izalaiele, uixi mu athu engi a mukuá, eie ua di iudikila dijina, diene-phe di uala na-diu ni mu leluʼmu.

Izekiiele 39:21

Eme anga nga kà ta o matunda mami muʼaxaxe ka akua jixi, o mautuminu oso a kà mona o ufundisilu uami, u nga-da kua kà bhanga, ni lukuaku luami, lu nga-nda kua kà bekula ku thandu diâ.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Malakiia 1:14

Lamba dia muthu ió mukua mangonha, uoso uila o kibhaku kia ndumbe sé kisemu, iú na-kiu mu kibhanga kiê, maji o kia tanga kubhana kima kua Jihova, mu ku kumbidila polomesa iê ubhana kima ki kiauabha ki kuata ukoxina. Jihova dia Ifuẋi phe, uixi: Ki kiene, kana! Mukonda eme ngi Sobha ionéne; dijina diami a kà di kuatela uoma mu ngongo ioso.

Dialuilu 14:21

Ni kidi muene-phe, ki ngedi eme ngi muthu ua muenhu, ixi ioso hádia ia kèʼzala ni fuma ia Jihova;

Loma 9:17

Kala kia ki soneka mu Mikanda Ikôla kuma Nzambi ua tangela Falaó, uixi: Kiene ki nga ki bhangela o ku ku zangeleka ku usobha, phala o nguzu iami ni i monekene ko-kué, mbé dijina diami ni di fumane mu ngongo ioso.

Loma 9:22

Nzambi ue kiene kimoxi kia bhange. Muène kia solo kuidikiza o njinda iê, ni kuijidisa nguzu iê. Ni muanu uavulu, ua xididikila eniʼó a tokalele kiá o ku a bhana kaxtiku, iá eji ku a jima o mbutu.

Josuué 4:24

mbé ifuẋi ioso mu ngongo ejiie kuma lukuaku lua Jihova lu kôla; enu uenu ni mu kale ni uoma ua Jihova, izúua ioso, katé ku hádia ni hádia.

I Phetele 2:19

Kima kiauabha se muthu mukonda dia uôma ua Nzambi u bonga malebhu sé kukala ni kikuma, kabasa muijiia kuila kiene kiandala muène.

I Phetele 2:8

O bhua mukuá Mikanda Ikôla, iexi: Didi diene o ditadi dianda kubhangesa athu kudibhukana, o ndànji ianda ku a bhangesa o kudibhala. Ene a di bhukana, mukonda o maka ka ma xikana, kienʼiki kia a xindile o vondadi ia Nzambi.

Juda 1:4

Kuma sai-ku athu a kambe o kuxikana, a mi zombela mudienu ni ku dʼimbikisa, ene tunde ukulu a a xindi o kuêla, athu abhumu, o kiadi kia Nzambi ietu a ki kitula uhabhu, o Mesene ietu imoxi, ni Ngana Jezú Kristu, a ditunu-nê.

I Samuuele 4:8

Kokolo dietu! Nanhi u tu kudila bhu maku a jinzambi jiji jasuina? Jiji jene o jinzambi ja betele akua Ijitu ni mabhebhu moso mu kikangalakata.