Makatukilu 8:8 - O Mikanda Ikola

⁸ Bhenhobho Falaó u ixana Mozé ni Alá, uixi: Diondenu Jihova, a katule o mazote kokuaʼami ni ku mundu uami. Kiene kiua ki ngʼeha o mundu nʼaie mu satela Jihova.

Makatukilu 8:8 ပူးပေါင်းရင်းမြစ်များ

I Jisobha 13:6

Bhenhobho sobha u di kola, anga uambela muthu ua Nzambi, uixi: Ndoko samba bhu pholo ia Jihova, Nzambi ié phala u ngi diondele, mbé muene a ngi vutuile o lukuaku luami. Bhenhobho o muthu ua Nzambi anga u samba mu kudionda Ngana, sobha a mu vutuila dingi lukuaku luê, anga lu xalela dingi kala ki lua kexile mʼukulu.

Jisálamu 66:3

Ambelenu Nzambi: Eie Ngana u kindanda mu kukalakala kué! mukonda dia nguzu ié iavulu, jinguma jé ja-nda kuiza ku ku belesela.

Makatukilu 10:16

Bhenhobho Falaó u tuma kuixana Mozé ni Alá ni lusolo; u a ambela, uixi: Nga te kituxi, ni kua Jihova, Nzambi ienu, ni kókuenu enu.

Makatukilu 10:17

Maji-phe ngi lolokienu kituxi kiami, lumoxi ngó luenhulu, mu ngi diondele kua Jihova, Nzambi ienu, phala a ngi katule ngó kalunga kosoʼaka.

Makatukilu 10:18

Muene anga u tunda kua Falaó, u dionda Jihova.

Makatukilu 14:5

O kia ki tangela Falaó kuila o mundu ia lenga, muxima ua Falaó ni ua akua mbêle iê anga u aluluka, exi: Tua bhange kiebhi, tueha Izalaiele kuiê, ua kexi mu ku tu bhikila?

Makatukilu 32:11

Mozé anga u dionda Nzambi iê, uixi: Phalahi Ngana, njinda ié i uama ku mundu ué u ua katula mu Ijitu ni kusuina kuavulu ni lukuaku lua undanda?

Makatukilu 5:2

Kuala Falaó-phe: Jihova nanhi muene, phala eme ngi mu ivue dízui, ni ngehe Izalaiele? Eme, Jihova ki nga mu ijiia; kia mukuâ dingi, Nga ditunu kueha Izalaiele.

Makatukilu 8:15

Falaó-phe kia mono kuila kuala hanji kunhoha, u kola dingi o muxima, ka ẋikina ku a evua; kiene kia tange Jihova, kiene.

Makatukilu 8:29

Mozé-phe uixi: Eme ngi tundʼó, mga-nda ku dionda Jihova phala mungu a ku katule jinzugule ja jihamue, ni ko kué u Falaó, ni ku mbèle ié ni ku mundu ué; Falaó-phe ka ngi nganale dingi, nʼa kambe kueha o mundu kuia mu satela Jihova.

Makatukilu 8:32

Maji Falaó anga u tona dingi kukola muxima uê, nguê kueha o mundu nʼaiâ.

Makatukilu 8:9

Mozé anga u ambela Falaó, uixi: Eie muene u ki âmba, eme ki ngi zuela; ngi ku diondela thembu iahi, ni mbele ié ni kifuẋi kié phala o mazote a ku batuke, ni mu jinzu, a xale ngó mu honga?

Makatukilu 9:27

Bhenhobho Falaó u tuma kuixana Mozé ni Alá, u a ambela, uixi: Kumbʼidi nga te muene kituxi; Jihova kidi kiê, ualunguʼê, ni eme ni mundu uami tua bhukumuka.

Makatukilu 9:28

Diondenu-phe kua Jihova, inuminu ioso iii ni matadi, kuabhu, ibhue-ku; phala ngi mi ehe mu ienu, ki ngi mi fudisa dingi.

Makatukilu 9:33

Mozé anga u tunda mu mbonge, kia zubha kutunda kua Falaó, u sanzumuna maku mê kua Jihova; ni inuminu ni matadi anga a bhua-ku, o mvula i batuka kunoka mu ngongo.

Dialuilu 21:7

Kifuẋi anga eza kua Mozé, exi: Tua te kituxi, mukonda tua longolola Jihova ni eie; tu sambele kua Jihova, a tu katule jinhoka ja túbhia. Mozé anga u sambela o kifuẋi.

Jipoxolo 8:24

Ximá bhenhobho u kumbulula Phetele ni Nzuá, uixi: Ngi sambedienu kua Ngana, nga mi diondo, phala o ima i mu tangeʼ oio ki iize ko kuami.

I Samuuele 12:19

Mundu uoso anga ambela Samuuele, exi: Tu sambele, tu abhikʼé, kua Jihova, Nzambi ié, phala tu kambe kúfua; mukonda ku ituxi ietu ioso tua bandekeza-ku dingi kiki, kia kubhinga sobha.