22 Kizuua kienhókio o ixi ia Ngozene mua tungu o mundu uami ngi i tungula, dibhebhu dia jihamue ki di kala-mu; phala eie u kʼijiie kuma eme ngi Jihova mu ngongo ioso.
Mua kà mu vutuila kuma: Jiselevende jé, Ngana, akua kúvua ibhaku, tunde mu undenge katé ni kiki, ni etu ni atatʼetu; phala mu tunge mʼoxi mumu ia Ngozene; kuma mubidi, mukua kuinga ibhaku, o mukua Ijito ka tungu-nê kumoxi, kijila kiâ.
o mu izuua itatu ioso ia muvimba, ene oso kala ku di mona dingi muthu ni mukuá, kana muthu ue ua balumuka bhu kididi bhu kia mu kuatela izuua ioso itatu; o anʼa Izalaiele-phe ene oso ku mabhata mâ kua zedié.
O manhinga-phe ma kale kijimbuete ku jinzo joso mu mualʼenu; o ki ngi mona manhinga ngi mi somboka, kana dibhebhu di mi tula enu mu ku mi buidisa, kioso ki ngi kuama o ixi ia Ijitu.
Kiki-phe, se mu tumaka muene dízui diami, se mu kuata o kikutu kiami, mu kala mu athu ami angene, mua di tungula ku miji ioso; kuma ioso mu ngongo eme muene ia ngi tokala.
kuma mu izuua isamanu muene mua iudika Jihova o diulu ni ixi, ni kalunga, ni ima ioso iala-mu, anga unhoha kia kasambuadi; kia bhangesa Jihova kubenzela o kizuua kia sabhalu, iu ua ki kôlesa.
Jihova uambe kiki: Bhene bhu ua-nda ku ngʼijidila kuma eme Jihova; bheniabha-phe, mbangala i nga kuatʼiii nga-nda kubeta na-iu ku menha ala mu honga, ene-phe a-ndu kituka manhinga.
O ki uila kana, povo iami ngué ku a eha, ngi tuma jinzungule ja jihamue ku thandu dié, ni ku thandu dia mbèle ié, ni ku mundu ué, ni mu jinzu jé; o jinzo ja akua Ijitu jʼizala jinzungule ja jihamue, katé ni bhoxi bhua diota.
Mozé anga u mu ambela, uixi: Ngʼila ngi tunda ngó mu mbonge, ngi leka o maku mami kua Jihova; ua-nda mona-phe inuminu ia batuka, o matadi a bhuê-ku; phala eie u kʼijiie kuma ixi ioso iangene ia Jihova.
Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.