Makatukilu 8:15 - O Mikanda Ikola

¹⁵ Falaó-phe kia mono kuila kuala hanji kunhoha, u kola dingi o muxima, ka ẋikina ku a evua; kiene kia tange Jihova, kiene.

Makatukilu 8:15 ပူးပေါင်းရင်းမြစ်များ

Makatukilu 14:5

O kia ki tangela Falaó kuila o mundu ia lenga, muxima ua Falaó ni ua akua mbêle iê anga u aluluka, exi: Tua bhange kiebhi, tueha Izalaiele kuiê, ua kexi mu ku tu bhikila?

Makatukilu 4:21

Jihova anga u ambela Mozé, uixi: Mu kubhiẋila mu Ijitu, u kumbidila o kubhanga bhu pholo ia Falaó o madiuanu oso u nga ku bhana bhu maku; eme-phe nga kà mu kolesa o muxima uê, ka-nda kuẋikina kueha o ifuẋi.

Makatukilu 7:4

Falaó-phe ka-nda ku mʼivua, eme ngi tula lukuaku luami ku thandu dia Ijitu, hinu ngi tundisa ilombo iami, o mundu uami ua anʼa Izalaiele mu ixi ia Ijitu, ku isunji ia vulu i bhita-bhu.

Makatukilu 8:14

Anga a a bhongolola jimvumbu-jimvumbu; ixi ioso anga i nuha kibuzu.

Makatukilu 8:16

Jihova anga u ambela dingi Mozé, uixi: Tangela Alá a leke o mbangala iê, a bete o fufutila ia mavu bhoxi, phala i biluke jina mʼoxi ioso ia Ijitu.

Makatukilu 8:28

Bhenhobho, kuala Falaó: Nga-nda ku mi eha ni mu-iii, phala mu satele Jihova, Nzambi ienu, mu kikangalakata; maji ki muie dikanga diavulu; ngi diondedienu ue eme.

Makatukilu 8:29

Mozé-phe uixi: Eme ngi tundʼó, mga-nda ku dionda Jihova phala mungu a ku katule jinzugule ja jihamue, ni ko kué u Falaó, ni ku mbèle ié ni ku mundu ué; Falaó-phe ka ngi nganale dingi, nʼa kambe kueha o mundu kuia mu satela Jihova.

Makatukilu 8:32

Maji Falaó anga u tona dingi kukola muxima uê, nguê kueha o mundu nʼaiâ.

Makatukilu 8:8

Bhenhobho Falaó u ixana Mozé ni Alá, uixi: Diondenu Jihova, a katule o mazote kokuaʼami ni ku mundu uami. Kiene kiua ki ngʼeha o mundu nʼaie mu satela Jihova.

Jisabhu 26:11

Kiôua kia naminina o uôua uê, mukua ni ímbua ialukila o kúdia kuê kua lusele kiá.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Ndongixi 8:11

Mukonda dia kuila o ibhangelu ioso ia ibha ka mu i fundisila-bhu kiá kindala, kiene kia bhangesa kuila o muẋima ua anʼathu ua lunguʼé kiá ngoho mu kubhanga kia iibha.

Izaía 26:10

O mukua-phulu né ua mu bhange mbote, ki kiene ki mu bhangesa o ku dilonga o kidi; katé ni mu ixi ia kuiuka, muene hanji a jijila o kubhanga ufusa, ka xikina kusuua o unéne ua Jihova.

Hozeia 6:4

Eie Ifalaíme, tata, Eme ngi ku bhanga kiebhi? Eie, Juda-phe, Eme ngi ku ila kiebhi? Mukonda o henda ienu iedi kala dituta dia kimene, kala dimume dia kimene-mene, di bhita lusolo.

Jihebeleu 3:15

Kiene ki ambe o Mikanda Ikôla, kuila: Se lelu mu ivua dizui dia Nzambi, kana kukola miẋima kala mu thembu ia kulokalala, kala ki mua mu balukila Muène.

Jihebeleu 3:8

kana kukola miẋima kala mu thembu ia kulokalala, kala o kizuua ki mua ngi tele ku polova mu kikangalakata.

Dijingunuinu 16:9

Athu anga auka mu kutema kuê kuavulu. Ene anga a ẋonguena o dijina dia Nzambi uala ni kutena kua kubheka mabhebhu kala iá! Maji o athu nguá-uâ-phe kudiela o ituxi iâ, ni kuximana o unéne ua Nzambi.

I Samuuele 6:12

Jingombe anga ji kuata njila iaiuka ditônono, njila ia Bete-seme; jela muene mu ikoka, ji jʼenda ji dila, né ku kiasu né ku kúdia ki ja bhambukila bhuma; jisobha ja akua Fidíxia anga jiia ni kukaiela katé bhu mbámbe ia Beteseme.

I Samuuele 6:3

Ene exi: Se mu tumikisa álaka ia Nzambi ia Izalaiele, ki mu i tumikise ia hatu; ki bhinga muene mu mu vutuila mubhaku ua kudiẋikina mulonga; se mua ki bhange, mu iluka; hé mu kʼijiia kioso kia mu kambesa kukatula luluaku luê ku thandu dienu.

I Samuuele 6:6

Mu kolela-hi muxima kala kia kolele muxima ua akua Ijitu ni Falaó a kolesele muxima uâ? Muene Nzambi ia Izalaiele, kia bhangele isunji ni madiuanu muʼaxaxi kâ, manhi o mundu uê ka ehele nʼaiá?

I Samuuele 6:9

Anga mu tala kiá; se i bandela njila ia mbámbe iê muene katé bhu Bete-seme, tu kʼijiia kuma muene ua tu bhange kiaiibha kiosoʼiki; o ki i kamba kuila njila ioio, tu kʼijiia ue kuma lukuaku lua muene ki luene lua tu kuama, maji kima kiezé ngó kibhûku.