Makatukilu 8:14 - O Mikanda Ikola

¹⁴ Anga a a bhongolola jimvumbu-jimvumbu; ixi ioso anga i nuha kibuzu.

Makatukilu 8:14 ပူးပေါင်းရင်းမြစ်များ

I Jisobha 18:26

Anga ene a kuata o ngombe ia a bhele, anga a i iudika; anga a nanga ni kuixana mu dijina dia Bahale tunde mu kimene katé mu kaẋi ka kizuua, ku mediia, exi: Eie Bahale, tata, tu vutuile! Kuene-phe ni kuene hudi! Ni dízui ngó di a vutuila, lémbue! Anga a kuata kutuka-tuka ku thandu dia kalatódio ka tungile.

I Jisobha 18:29

Anga ki bhita-phe kuma, kia bhiti kaxaxi ka kizuua, kumbi ku mediia dia sembuluka-ku kiá, ene a kuata kuzambula katé mu ola ia kubhana mubhaku ua musa ku ngoloxi, hanji-phe ki kuene dízui, ki kuene kuitaia mba ngó ku a suua.

Makatukilu 7:21

O jimbiji jala mu menha anga ji fua; menha ene oso a bola akua Ijitu anga a lémbua kúnua menha mu honga; mʼoxi ioso ia Ijito anga mu iibha ni manhinga.

Makatukilu 8:13

Jihova anga u bhanga kala kia zuela Mozé; mazote hé a fua mu jinzu, ni mu malumbu, ni ku mikáu.

Makatukilu 8:15

Falaó-phe kia mono kuila kuala hanji kunhoha, u kola dingi o muxima, ka ẋikina ku a evua; kiene kia tange Jihova, kiene.

Makatukilu 8:24

Jihova anga u ki bhanga; hé kuiza matuta a makota a jihamue mʼonzo ia Falaó, ni mu jinzo ja akua mbèle iê; o ixi ioso ia Ijitu anga i sekala mukonda dia jinzungule ja jihamue jenʼiji.

Makatukilu 9:11

Anga o imbanda ia akua Ijitu a lémbua kuimana bhu pholo ia Mozé, mukonda dia maveve; kuma a fuluka ni ku imbanda ni ku akua Ijito oso.

Izaía 19:11

Mu kidi, makota mu Zouane ioua muene; a kituka malaji a hatu, ni kaiula ka jingànji ja tetuluka ja Falaó, lelu, ka zuzuma; Falaó-phe mua ka mu ambela kiebhi, muexi; Eme ngi mona ku jinjimu, a ngi vuala kuala jisobha ja xiahulu?

Izaía 34:2

Kuma njinda ia Jihova ia zenzama ku thandu a ifuẋi ioso-lolo, o ngânji iê iazenzamena ilombo iâ ioso muene; mbata muene-phe ua a buikisa muene, iú ua a bhakula ku kijibha.

Izekiiele 39:11

Anga kia kà bhita-phe kuila, mu kizuua kienhókio, Ngongo nga kà mu bhana kidindu mua Izalaiele, o Dikôlo dia Ngenjiʼa-Thumba dia kexila ku thunda dia musanza ua kalunga; anga oso muene a bhita-mu enda ni kusasumuka; muenhomo muene mua kà funda Ngongo ni mundu ué uosololo, anga a kà dʼixana kiá exi: Dikôlo dia Mundu ua Ngongo.

Jouele 2:20

Ió ua tokala ku suku ngi mu bhangesa kuia dikanga nʼa mi xisa; ngi mu takuila dikanga ku ixi ia kukuta ia kikangalakata; u di lulama ni musanza ua kalunga ku mutundila kumbi, ku dima diê kuene ku kala musanza ua kalunga ka mufuila kumbi; dizumba diê dia bolo diʼà kala muʼtukumuka, o kibuzu kiê kia kàla mu banda bhulu, kuma Jihova ua bhange ima ia makota!