Makatukilu 7:7 - O Mikanda Ikola

⁷ Mozé anga u kala mu makuinhi nake a muvu, Alá mu makuinhi nake a muvu ni itatu, kioso kia zuela ni Falaó.

Makatukilu 7:7 ပူးပေါင်းရင်းမြစ်များ

Dimatekenu 41:46

Zuze u kala mu makuinhi atatu a muvu kiemana bhu pholo ia Falaó, muenexiʼa Ijitu. Zuze anga u tunda bhu pholo ia Falaó uia mu kunhunga oxi ioso ia Ijitu.

Jisálamu 90:10

Izuua ia mivu ietu makuinhi sambuadi, amoxi kia kala ni nguzu, a bhiẋilu bhu makuinhi nake; hanji-phe kujiza kuâ kua hadi ngó ni mukondo; ki i nange kubhita, kindala tu tuka!

Makatukilu 2:23

Mu kubhanga-phe izuua iavulu, muenexiʼa Ijitu u fua; anʼa Izalaiele anga a kema mukonda dia ubhika uavulu, a dikola, o kudikola kuâ anga ku banda kua Nzambi, mukonda dia ubhika uavulu.

Makatukilu 7:8

Jihova anga u ambela Mozé ni Alá, uixi:

Dialuilu 33:39

Alá u kala mu hama ia muvu ni makuinhi aiadi niʼtatu, kia fuila mu mulundu ua Hole.

Jipoxolo 7:23

Xitevá uambe dingi, uixi: O kia kala-phe mu kutenesa makuinhi a uana a muvu, kia mu iza ku muẋima o kuhindula phange jê, anʼ a Izalaiele.

Jipoxolo 7:30

Kia zubha kubhanga-ku makuinhi a uana a muvu, kua mu tukulukila anju, mu mulengu ua túbhia tua mu uama mu kisasa, mu kikangalakata kia mulundu ua Sinai.

Matendelelu 29:5

Makuinhi auana a mivu u nga mi endesa mu kikangalakata; izuatu ienu ki ia kukila ku mikutu, ni jisabhatu jenu hanji bhu jasukuê ki ja kukila ku kinama.

Matendelelu 31:2

uixi: Lelu nga tenesa kiá hamʼa mivu ni makuinhi aiadi. Ki nga-nda kutena dingi kuila ngi tunda ngi bokona. Katu-ku dia kienhiki, Jihova muene ue ua ngʼedi, uixi: Njolodá ku tenʼê ku mu zaúka dingi.

Matendelelu 34:7

Mozé ua fuila mu kitala kia hama ia mivu ni makuinhi aiadi; mesu mê hanji akexe kumona muene kiambote, hanji akexe ni nguzu iê.

Josuué 24:5

Kiene-phe ki nga tumikisina Mozê ni Alá, anga Ijitu ngi mu kuama ni mabhebhu, u nga bhange muʼaxaxi kâ; o ki kia bhiti, ku Ijitu nga mi katula-ku.