Makatukilu 7:19 - O Mikanda Ikola

¹⁹ Jihova anga u ambela Mozé, uixi: Ambela Alá, uixi: Kuata mbangala ié, u sununune lukuaku lué ku thandu dia menha ma Ijitu, ni ala mu jihonga, ni ala mu milombo, ni ala mu mazanga ni mu majiia, ene oso a kituke manhinga; ku kale manhinga mʼoxi ioso ia Ijito ni mu itutu ia miẋi, ni ia matadi.

Makatukilu 7:19 ပူးပေါင်းရင်းမြစ်များ

Dimatekenu 1:10

Nzambi anga u luka mavu makukuta, Ixi; o dibhongo-lokelu dia menha ua di luku, Kalunga; Nzambi anga u ki mona kuma kia-uabha.

II Jisobha 4:29

Anga muene uambela Jeazí, uixi: Di kute bhu kinhonga, uzangule o mbangala iami, u katuke; se u sanga muthu, kana ku mu menekena; se bhu kala muthu u ku menekena eie, eie kana ku muʼitaia; uia muene hé o kamona u mu tula o mbangala iami mu pholo iê.

Makatukilu 10:12

Jihova anga u ambela Mozé, uixi: Sunununa lukuaku lué ku thandu dia ixi ia Ijitu, phala kihoho kize mʼoxi ia Ijitu, ki die iangu ioso iala-mu, ioso ia subhuka ku matadi a mvula.

Makatukilu 10:21

Jihova anga u ambela Mozé, uixi: Sunununa lukuaku lué, u lu talese mu diulu, phala kuize kitombe mʼoxi ioso ia Ijitu, kitombe kia kuila ni ku maku u ki babata.

Makatukilu 14:16

eie-phe, zenga o mbangala ié, u sununune o lukuaku lué ku thandu dia kalunga, u ka uanunune mu kaẋi o anʼa Izalaiele a bhite muene mu kaẋi ka kalunga, bhoxi dia kukuta.

Makatukilu 14:21

Mozé anga u sunununa o lukuaku luê ku thandu dia kalunga; Jihova anga u vutula o menha a kalunga ni kitembu kia mutundila-kumbi kia bhuka usuku uosʼô, ki kia bhangesa kuila bhu kaẋi bhua kukuta, menha a di uanununa mbandu ni mbandu.

Makatukilu 14:26

Jihova anga u ambela Mozé, uixi: Sunununa dingi lukuaku lué ku thandu dia kalunga, phala menha ma vutuke mu bobesa akua Ijitu, ni makaluʼâ, ni kavalelu jâ.

Makatukilu 4:9

O kia kèla ijimbuete iiadi iii a i mono, maji nguâ ku ku xikana, mba ku ku ivua dízui, ua kà bulula menha mu honga ia Nilu, ua kà a lunduluila ku mavu a kanga; o menha-phe u ua bulula mu honga, a kà kituka manhinga ku mavu a kanga.

Makatukilu 8:16

Jihova anga u ambela dingi Mozé, uixi: Tangela Alá a leke o mbangala iê, a bete o fufutila ia mavu bhoxi, phala i biluke jina mʼoxi ioso ia Ijitu.

Makatukilu 9:33

Mozé anga u tunda mu mbonge, kia zubha kutunda kua Falaó, u sanzumuna maku mê kua Jihova; ni inuminu ni matadi anga a bhua-ku, o mvula i batuka kunoka mu ngongo.

Izaía 19:10

Oso a kexe kufutila athu phala ku a kalakela, a kà a bhuidisa; o ió oso a kexi ku a kalakalela, a kà kala ni lamba dia muẋima.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Habakuke 3:8

O kuila, eie Ngana, ua thathamena o jingiji? Mba o jihonga jʼòfele ji ua thathamena, inga o musanza ua kalunga u ua temena, phala eie uendele kiki ku thanduʼa jikabalu jé ku ua mondala ni kuthanduʼa makalu mé ma kutoluela ita.