Makatukilu 7:17 - O Mikanda Ikola

¹⁷ Jihova uambe kiki: Bhene bhu ua-nda ku ngʼijidila kuma eme Jihova; bheniabha-phe, mbangala i nga kuatʼiii nga-nda kubeta na-iu ku menha ala mu honga, ene-phe a-ndu kituka manhinga.

Makatukilu 7:17 ပူးပေါင်းရင်းမြစ်များ

I Jisobha 20:28

Anga kubhiẋila muthu ua Nzambi, hé u zuelesa sobha ia Izalaiele, uixi: O Jihova uambe kiki: Mukonda dia kuila akua Sídia a-mbe: Jihova, Nzambi ia milundu, ki Nzambi ue ia jihonga, eme kifuẋi kiki kioso kia akua Sídia, nga-nda ku a bhana bhu maku mé, eie nda uijiie kuma eme-muène ngi Ngana.

II Jisobha 19:19

O kiki-phe eie u Jihova Nzambi ietu, tu kudile bhu maku mê; nda mautuminu moso Kulu dia mundu a kʼijiie kuila, u Jihova eie ngó u Nzambi ia Kidi.

Jisálamu 105:29

Menha â anga u a kitula manhinga, kienhiki jimbiji jâ anga ji fua.

Jisálamu 78:44

Ni kioso o jihonga jâ ua ji kitula manhinga, menha mu jingiji a lémbua ku a nua.

Jisálamu 83:18

Phala a kʼijiie kuma eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.

Jisálamu 9:16

Jihova ua di monekena mu kaxtiku ka a bhesa; mukua phulu ua mu kuata mu ima ia bhange muene ni maku mê. (Hakione, Selah.)

Makatukilu 1:22

Falaó anga u tuma mundu uê uoso, uixi: Uoso monʼa diiala a mu vuala mu mu takula mu honga ia Nilo, o mona muhatu mu mu bhaka ni muenhu.

Makatukilu 10:2

Eie muene hinu u ki tangela ue anʼé ni alaulʼé, ima ioso i nga kalakala mu Ijitu, ni ijimbuete iami i nga mu bhanga muʼaxaxe kâ phala mu kʼijiie kuma eme ngi Jihova.

Makatukilu 4:9

O kia kèla ijimbuete iiadi iii a i mono, maji nguâ ku ku xikana, mba ku ku ivua dízui, ua kà bulula menha mu honga ia Nilu, ua kà a lunduluila ku mavu a kanga; o menha-phe u ua bulula mu honga, a kà kituka manhinga ku mavu a kanga.

Makatukilu 5:2

Kuala Falaó-phe: Jihova nanhi muene, phala eme ngi mu ivue dízui, ni ngehe Izalaiele? Eme, Jihova ki nga mu ijiia; kia mukuâ dingi, Nga ditunu kueha Izalaiele.

Makatukilu 6:7

eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Makatukilu 7:20

Ni Mozé ni Alá anga a bhanga kala kia a tumu Jihova; Alá anga u zenga o mbangala u beta menha mala mu honga, bhu mesuʼa Falaó, ni bhu mesuʼa akua mbèle iê; menha oso ala mu honga anga a kituka manhinga.

Makatukilu 7:5

O akua Ijitu-phe a kejiia kuma eme ngi Jihova, kioso ki ngi sunununa lukuaku luami ku thandu dia Ijitu, mu katula anʼa Izalaiele muʼaxaxe kâ.

Izekiiele 25:17

Hé nga kà a vutuila phonzo ia dikota, ni ku a talesa hadi ni njinda, kiene kia kà kʼijiia kuila eme-muène ngi Jihova, kioso ki nga kà zubha o ku a vutuila o phonzo iami ku thandu diâ.

Izekiiele 29:9

O ixi ia Ijitu hé ia kà kituka ixi ia kikangalakata ni jingùndu; mbé nʼa kà kʼijiia kuila emeʼeme ngi Jihova, kuma eie uambe, uixi: O ngiji iamiʼeme, eme nga i bhange.

Izekiiele 30:19

Kienhiki ki nga kà bhanga o mabatuilu mami mu Ijitu, hé a kà kʼijiia kuila emeʼeme ngi Jihova.

Izekiiele 30:8

Anga a kà kʼijiia kuila emeʼeme ngi Jihova, kioso o Ijitu ki nga-nda ku mu ta o túbhia, anga a kà jikinina ene oso a kexile mu ku mu kuatekesa.

Izekiiele 32:15

Kioso eme o ixi ia Ijitu ki nga-nda ku i bilula jingùndu, anga o ixi iosololo mu kutenena kuê kuoso i kituka jingûndu, o kioso ki nga-nda kunemeka ene oso a tungu-mu, kuabhu-phe, kiene kiua kia í kà kʼijiia kuila emiʼeme ngi Ngana.

Izekiiele 32:6

O ixi i ua mu kuenda ni kuzouela nga-nda ku i betesa ni mahaxi mé, katé ni ku milundu; o jihungulule anga ja kʼezala ni manhinga mé-èie.

Izekiiele 38:23

Mu kienhiki eme nga-nda ku di kudisa anga ngi di kolêsa, anga ngi bhangesa kuila a ngʼijiia bhu mesu a miji ia vulu; hé a kà kʼijiia kuila eme-muène ngi Ngana.

Izekiiele 39:28

Kienhokio-phe a kà kʼijiia kuila, eme ngi Jihova Nzambi iâ, kioso kià mona kuila eme nga a bheka ku uhutile muʼaxaxe ka akua jixi, eme nga tona o ku a phopha dingi, mbé ene oso nʼa vutuke mʼoxi iâ; ki bhuala ngó muthu nga mu tungula-ku nʼa xalele koko.

Daniiele 4:17

Sendesa iii iatundu ku Alangidi, o ngonge iii iangene ia athu akôla; phala ki bhekele athu ku tongolola kuma, mbé Suke-ku muene utumina o ma-usobha ma athu; u ma bhana uoso a mu andala, katé-ze ni sébhue u mu zangeleka muene ku thandu dia athu.

Daniiele 4:32

A-nda ku ku kaia, o muʼaxaxi kʼathu u tunda-mu, inda utunga kiá ni iama ku mukáu; a-nda ku ku disa iangu kala ngombe, anga ukala kienhiki katé kua ku bhiti sambuadi dia jithembu, anga ki ku tetulukila kuamba, o Suke-ku mbé muene uene kutumina ma-ungana ma athu, uoso ua mu andala muene, muène a mu bhana-u.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Daniiele 5:21

Anga a mu kaia muʼaxaxi ka anʼa athu, o muẋima anga a mu lungulula-u u kituka kala ua kiama, anga u tunga kumoxi ni mikete ku mukáu, a mu bhangesa kúdia iangu kala ngombe; mbundu i kuata ku mu sukila ku mukutu, anga ukala kienhiki katé ki kia mu tetulukila kuma Nzambi Suke-ku, muene uene kutumina o maungana ma athu, o uoso a mu andala u mu hingisa ku thandu dia akuâ.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Dijingunuinu 11:6

Enhá a kôla, kuma a a bhana kutena kua kuxita ku diulu, mbé ki ku sonoke mvula mu izuua iâ ia kutanga o Njimbu ia Ngana. A a bhana ue kutena kua kukitula o menha nʼa kale manhinga. A tena ue kubuikisa o ngongo ni dibhebhu dioso-dioso, kioso kia mesena ene, mu lukuxi luoso luendi.

Dijingunuinu 8:8

Anju ia kaiadi anga u xika koloneta iê. Hé ku kala kima kia di fu kala mulundu ua dikota, ua uama túbhia, a u lundumuina mu musanza ua kalunga. O mbandu ia katatu ia musanza anga i kituka manhinga.