Makatukilu 7:13 - O Mikanda Ikola

¹³ Falaó-phe bhenhobho u kola muẋma, ka ẋikina ku a evua; kiene kia tange Jihova, kiene.

Makatukilu 7:13 ပူးပေါင်းရင်းမြစ်များ

II Malunda 36:13

O kia di te-ku dingi, ua bhukumukina sobha Nabukodonozolo, ua mu lokesele kua Nzambi; maji ua thathamana o xingu iê; anga muẋima uê u huka kinéne katé ua lémbua o kudiela phala kulungulukila kua Jihova, Nzambi ia Izalaiele.

Makatukilu 10:1

O kia bhiti imʼiii Jihova anga u ambela Mozé, uixi: Bokona kua Falaó; kuma eme nga mu kolesa o muxima, ni muene di akua mbèle iê, phala ngʼidikize isuma iami iii muʼaxaxe kâ.

Makatukilu 10:20

Maji o Jihova-phe ua kolesa muxima ua Falaó, o kueha anʼa Izalaiele, ka ki bhange.

Makatukilu 10:27

Maji-phe Jihova ua kolesʼê o muxima ua Falaó, ka ẋikina ku a eha.

Makatukilu 14:17

Eme-ze ngi kolesa o miẋima ia akua Ijitu, phala ene uâ a kutuke-mu mu ku a kaiela; bhenhobho ngi tambula fuma ku thandu dia Falaó, ni ku kilômbo kiê kioso, ni makalu ê a ita, ni kavalelu jê.

Makatukilu 4:21

Jihova anga u ambela Mozé, uixi: Mu kubhiẋila mu Ijitu, u kumbidila o kubhanga bhu pholo ia Falaó o madiuanu oso u nga ku bhana bhu maku; eme-phe nga kà mu kolesa o muxima uê, ka-nda kuẋikina kueha o ifuẋi.

Makatukilu 7:12

Mukonda ene uâ kala muthu ua takula o mbangala iê bhoxi, anga ji kituka jinhoka; mbangala ia Alá-phe anga i minha jimbangala jâ ene.

Makatukilu 7:14

Jihova anga u ambela Mozé, uixi: Muxima ua Falaó ua thathamana, ka ẋikina kueha o mundu kuiâ.

Makatukilu 7:22

O imbanda ia akua Ijitu anga a ki bhanga uê ni uanga uâ; anga ki bhekela Falaó ku kola o muxima, ka ẋikina ku a evua, kala kia tange Jihova.

Makatukilu 8:11

Mungu mazote a ku batuka ku mukutu ué, ni mu jinzu, ni ku mbèle ié, ni ku ifuẋi ue; a xalela ngó mu honga.

Makatukilu 8:15

Falaó-phe kia mono kuila kuala hanji kunhoha, u kola dingi o muxima, ka ẋikina ku a evua; kiene kia tange Jihova, kiene.

Makatukilu 8:19

Bhenhobho-phe o imbanda ambela Falaó, exi: Iú mulembu ua Nzambi kiá; Falaó-phe u kola muxima, ka ẋikina ku a evua, kala kia tange Jihova.

Makatukilu 8:28

Bhenhobho, kuala Falaó: Nga-nda ku mi eha ni mu-iii, phala mu satele Jihova, Nzambi ienu, mu kikangalakata; maji ki muie dikanga diavulu; ngi diondedienu ue eme.

Makatukilu 9:12

Maji o Jihova ua kolesa o muxima ua Falaó, ka ẋikina ku a evua; kiene kia tange Jihova kua Mozé, kiene.

Makatukilu 9:35

Kienhiki o muxima ua Falaó anga u kola muene, ngueiê kueha anʼa Izalaiele kuiâ; kiene kia tange Jihova kua Mozé, kiene.

Makatukilu 9:7

Falaó anga u tuma kutala ku ibhaku ia anʼa Izalaiele, u sanga kidi muene ni kibhaku kimoxi ngó ki kiafu-ku. Maji o muxima ua Falaó-phe ua thathamana, o mundu nguê ku u eha.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Matendelelu 2:30

Sihone-phe, sobha ia Hezebone, nguê ku tu ehela kubhita moxi iê, mukonda Jihova Nzambi ié ua kolesa o muxima uê, iú ua bhukumuka, phala o ku mu bhana bhu lukuaku lué, kala ki ua di muena lelu.

Jihebeleu 3:13

Di suinisienu-phe mudienu izuua ioso, kioso o kizuelu kia kuila lelu, ki ambe o Mikanda Ikôla, hanji kia tu tokala etu. Bhangenu kienʼ iki phala kana muthu a mu bhomba kuala o ituxi nʼ a kole muẋima.

I Samuuele 6:6

Mu kolela-hi muxima kala kia kolele muxima ua akua Ijitu ni Falaó a kolesele muxima uâ? Muene Nzambi ia Izalaiele, kia bhangele isunji ni madiuanu muʼaxaxi kâ, manhi o mundu uê ka ehele nʼaiá?