Makatukilu 7:11 - O Mikanda Ikola

¹¹ Bhenhobho Falaó ue u ixana jihete ni jinganga, ene o imbanda ia Ijitu, ene anga a ki bhanga ue ni uanga uâ.

Makatukilu 7:11 ပူးပေါင်းရင်းမြစ်များ

Dimatekenu 41:8

Kúkia ni kimene, muxima ua mu sakalala ni jiphata; anga u tuma kuixana jinganga, ni jinjimu joso ja Ijitu; Falaó anga u a tangela nzoji jê; ki bhuala-phe muthu ua tena ku ji jimbuluila Falaó.

Makatukilu 7:12

Mukonda ene uâ kala muthu ua takula o mbangala iê bhoxi, anga ji kituka jinhoka; mbangala ia Alá-phe anga i minha jimbangala jâ ene.

Makatukilu 7:22

O imbanda ia akua Ijitu anga a ki bhanga uê ni uanga uâ; anga ki bhekela Falaó ku kola o muxima, ka ẋikina ku a evua, kala kia tange Jihova.

Makatukilu 8:18

O imbanda ue anga a ki fikisa ni uanga uâ, maji a lémbua; jina-phe anga ji kala ku athu oso ni ku ibhaku.

Makatukilu 8:3

O mazote mu honga a di vuala, a banda, a bokona monzo ié, ni mu dizekelu dié, ni bhu hama bhene, ni mu jinzu ja akua mbèle ié, ni mundu ué uoso, ni ku majiku ni mu jímbia ja kulambela.

Makatukilu 8:7

O imbanda ia uanga ue anga a ki bhanga ni uanga uâ, a bheka ue mazote mʼoxi ia Ijitu.

Daniiele 2:2

Sobha anga u tuma kuixana jingânga, ni jimesene ja iphata, ni imbanda, ni akua Kaldeia, phala a mu jimbuile jinzoji jê; ene anga eza hé a bhixila bhu pholo ia sobha.

Daniiele 2:27

Daniiele hé u kumbulula bhu pholo ia sobha, uixi: O kijinganu ki uajijidila eie, sobha, né jinjimu, mé jimesene ja kutalela ku jithéthembua, né jinganga ja isuma ni iphata, né akua kuzambula, ka ki tena ku ku tetuluila-kiu, sobha.

Daniiele 4:6

Eme-phe nga xikisa ngonge, ngixi: A ngi bhekele bhabha o jinjimu joso ja Babilónia, nda a ngʼijidise kia lombolola o nzoji.

Daniiele 5:11

Sai diiala uala mu utuminu ué, muene uala ni nzumbi ia jinzambi jikôla; o mu izuua ia tatʼenu, a mu sange ni mukengeji, ni kutetuluka, ni unjimu, mukuâ ni unjimu ua jinzambi; sobha Nabukodonozolo dia tatʼenu, euá, muenexi dia tatʼenu eie, sobha, ua mu bhangele dikota dia jinganga, ni dia jimesene ja jithéthembua, ni akua Kaldeia ni azambuidi;

Daniiele 5:7

Sobha hé uta nzongo, uixi: Ngi bhekedienu bhabha oso jimesene ja iphata, ni akua Kaldeia, ni azambudi oso. Sobha anga uzuela, u ambela jinjimu ja Babilónia uixi: Uoso u tena kutanga mixinda iosoneke iii, na ngi jingunuina o dijimbuluilu dié, a-nda ku mu zuika thanga ikusuka, hé a mu zuika lubhambu lua ulu mu xingu, o mu utuminu uaʼxi a mu bhana-mu kididi kia katatu.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Ngalásia 3:1

Mu akua Ngalásia, tata, o kutobha! Nanhi ua mi bhuiika? Mu athu a mʼidikisile Kristu ni kulomboloka kuoso kala ku mesu enu muene kua mu tela ku dikulusu!

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

II Tesalonika 2:9

Kuma o Kisueia iuná, o ku dʼidikisa kuê, kuenda ni kukalakala kuoso kua Satana, ni nguzu ioso ni iphata ni madiuanu ma makutu.

II Timote 3:8

Mukuâ ni Jane ni Jambele a fudisile Mozé, enhá ue a fidisa o kidi. Athu a bolo ilunji, kuxikana a ku tokoka.

II Timote 3:9

Bhene bhezʼabha-phe, a suku, ka-nda kuia dingi dikanga! Kuma o uoua uâ uandù tukuluka ku athu oso, uila kia tukulukile ua Jane ni Jambele.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

I Samuuele 6:2

Akua Fidíxia anga exana jinganga jâ ni azambuidi, exi: Tu bhanga kiebhi ni alaka ia Jihova? Tu longesienu kioso ki tu i tumikisa ku kididi kiê.