Makatukilu 6:7 - O Mikanda Ikola

⁷ eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Makatukilu 6:7 ပူးပေါင်းရင်းမြစ်များ

Dimatekenu 26:3

Nhungana mʼoxi mueniʼumu, eme-phe ngi kala bhu mbandu ié, ngi ku bhana kuzediua; kuma ni eie muene ni mbutu ié hinu ngi mi bhana jixi josoʼiji ngi kumbidila mulôko uami u nga lokela tatʼenu Mbalahamu;

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

I Jisobha 20:28

Anga kubhiẋila muthu ua Nzambi, hé u zuelesa sobha ia Izalaiele, uixi: O Jihova uambe kiki: Mukonda dia kuila akua Sídia a-mbe: Jihova, Nzambi ia milundu, ki Nzambi ue ia jihonga, eme kifuẋi kiki kioso kia akua Sídia, nga-nda ku a bhana bhu maku mé, eie nda uijiie kuma eme-muène ngi Ngana.

I Jisobha 8:60

Sembele o madiembu oso mu ngongo ejiie kuma Jihova muene ngó Nzambi, kana-ku dingi uengi.

Nehemiia 1:10

Athu iá-phe ene hanji abhikʼé, ni kifuxi kié ki ua kula mu kutena kué ni lukuaku lué lua nguzu.

Jisálamu 100:3

Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.

Jisálamu 81:6

Kisuxi kiê nga ki katula ku kimbamba, o makuʼê nga ma tudisa kuambata o kinda.

Makatukilu 13:14

O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Makatukilu 13:3

Mozé anga u ambela o mundu, uixi: Lembalalenu kizuuʼiki kia lelu, kizuua ki mua tundu mu Ijitu, mu dibhata dia ubhika; kuma Jihova ua mi katula-mu ni nguzu ia lukuaku luê; kana kúdia jimbolo ja felemendo, kizuua kienhiki.

Makatukilu 14:18

O akua Ijitu à kʼijiia kuma eme Jihova, kioso ki nga-ndu tambula o fuma ku thandu dia Falaó, ni ku makalu ê, ni ku jikavalelu jê.

Makatukilu 14:4

Eme-phe ngi kolesa o muxima ua Falaó, o muene ua-nda ku a kaiela, eme bhenhobho nda ngi fumane ku thandu dia Falaó, ni ku thandu dia kilombo kiê kioso, akua Ijitu phala à kʼejiie kuma eme Jihova, O ana a Izalaiele anga a bhanga kienhókio.

Makatukilu 15:16

Kua a tulukila kekenha ni kikote; o nguzu ia lukuaku lué ia a bhuuika, a xikama ni ene hudií kala ditadi; katé kia zaúka o mundu ué, u Jihova, katé kia zaúka, o mundu ué u ua sumba.

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Makatukilu 16:12

Ngʼevu o kulongolola kua anʼa Izalaiele; a ambele-phe, kuila: Lelu mu ngoloxi iii, kumbi ki di koloka, mu dia xitu, o ki kúkia mu dia mbolo, mu ikuta; phala enu mu kʼijiie kuma eme Jihova, Nzambi ienu.

Makatukilu 16:6

Mozé ni Alá anga ambela anʼa Izalaiele, exi: Lelu mu ngoloxi mua-nda ku kʼijiia kuila Jihova muene ua mi katula mʼoxi ia Ijitu;

Makatukilu 2:11

Mu izuua muenhomo-phe, kuila Mozé ua kulu kiá, u tunda, uia bhuala jiphange jê, anga u kala mu tala ikalakalu iâ ia hadi, anga u mona mukua Ijitu uala mu beta Hebeleu, ene o jiphange ja Mozé.

Makatukilu 6:6

Kala kiki, ambela anʼa Izalaiele, kuma: Eme Jihova, mu imbamba ia mi xina akua Ijitu nga-nda ku mi katula-mu, ngi mi jituna mu ubhika uâ, ngi mi kula ni lukuaku lua sununuka, hé ngi londekeza ubatuilu ua kidi ni isunji ia makota;

Makatukilu 7:17

Jihova uambe kiki: Bhene bhu ua-nda ku ngʼijidila kuma eme Jihova; bheniabha-phe, mbangala i nga kuatʼiii nga-nda kubeta na-iu ku menha ala mu honga, ene-phe a-ndu kituka manhinga.

Izaía 41:20

phala mundu uoso a mone, ejiie, a tongolole, ene-oso ki a tetulukile bhuamoxi kuila lukuaku lua Jihova luene lua bhange kiki, o Dilemba Dikola dia Izalaiele muene ua ki bhange.

Izaía 49:23

O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izaía 51:15

Mbata eme Jihova, Nzambi ié, ngene kutandula o musanza ua kalunga, anga o mabhuku mê ma dizumina. Dijina diê Jihova dia Ilombo Ieta.

Izaía 60:16

Eie ua-nda kuámua o lete ia akua jixi, anga u di-dikila ni ima i tunda ku mele ma jisobha; anga u kʼijiia kiambote kuma eme ngi Jihova ngi Mubhuludi ué, Mukudi ué, muene Dizonda dia Jakobo.

Izaía 63:8

Kuma muene uambele, kuila: Ene povo iami mu kidi, ana ka tange makutu, kiene kia di-bhangela Mubhuludi uâ.

Jelemiia 30:22

Enu-phe mua kà kala mu mundu uami, eme nga kà kala ngi Nzambi ienu.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Izekiiele 20:19

Kuma eme ngi Jihova Nzambi ienu; endelenu mu jingonge jami, muende ni kualuka o mabatuiluʼami, muie ni ku a bhanga.

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Ijila 11:44

Mbata Eme ngi Jihova Nzambi, ienu; di bhakienu-phe ni kuzela kuma Eme nga zela; kana ku di kasanesa o muenhu uenu ni tubamba tuoso tu zanzala ni kuendela ku mavu bhoxi.

Ijila 11:45

Mukonda Eme-eme Jihova, ngala ku mi batesa mu kutunda kʼoxi ia Ijitu, phala ngi kale ngi Nzambi ienu; kala kiki enu mu di zelesa, mbata Eme nga zela.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Dialuilu 15:41

Eme Jihova, Nzambi ienu, nga mi katula mʼoxi ia Ijitu, phala ngi kale ngi Nzambi ienu, Eme ngi Jihova Nzambi ienu.

Matesu 22:32

Eme ngi Nzambi ia Mbalahamu, Nzambi ia Izake, Nzambi ia Jakobo? Nzambi ki Nzambi ia madifundu, maji ia athu a muenhu.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

Matendelelu 14:2

Mbata eie u kifuẋi kiangene kia Jihova Nzambi ienu; o Jihova phe ua mi tungula ku ifuẋi ioso ia dizale bhoxiʼabha, phala mu mu kale mu mundu uê ua mu tokala.

Matendelelu 26:18

Jihova lelu ua ku jingisa iu ua ku edi: Tanga-kiu muene kuamba u kala u kifuẋi kiami muene, kala kia ku ambelele kiá, iu ua ku solo phala uende ni kualuka jinga o ijiia iê ioso.

Matendelelu 29:12

phala ene oso a bokone mu Kikutu kia Jihova Nzambi ié, ni mu mulôko uoso uate Jihova Nzambi ié nʼeie lelu.

Matendelelu 29:13

Mu kusota o ku ku xikika kiambote mu kukala lelu u kifuẋi kiê-muène ngó; o muene ue a ku kale Nzambi ié-eie, kala kia ku ambelele kiá, kala ue kia lokela ku jitata jé, Mbalahamu, ni Izake, ni Jakobo.

Matendelelu 29:5

Makuinhi auana a mivu u nga mi endesa mu kikangalakata; izuatu ienu ki ia kukila ku mikutu, ni jisabhatu jenu hanji bhu jasukuê ki ja kukila ku kinama.

Matendelelu 4:20

Mukonda enu Jihova ua, mi solo iu ua mi tombola mu folno ia felu mu Ijito phala mu kale mu mundu uê ua mi lundula mu ubhinganu, kala ki kia di monekena leluʼiki.

Matendelelu 7:6

Mbata eie ki ualʼokio u povo iangene ia Jihova Nzambi ié; O Jihova. Nzambi ié ua ku tungula muʼaxaxi ka ifuẋi ioso ia tungu kʼulu dia mundʼuku, phala u kale kiá u povo ia mu fuama muene ngó.

Jihebeleu 11:16

Uila kiki, o bhezabha-phe a mu sota ixi ia beta o kuuabha, o ixi ia diulu. Nzambi kiene kia mu kambesa kukala ni sonhi ia ku mu luka kuma muène Nzambi iâ-ene, mukonda muène ua a iudikila kiá dibhata.

I Phetele 2:10

Mʼokulu ki mua kexile mu mundu ua Nzambi, kiki-phe muala mu mundu uê. Mʼokulu o henda ia Nzambi ki mua ijidile luua, kiki-phe mua tambula o henda iê.

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.

Dijingunuinu 21:7

Uoso u tolola, muène ua kà lundula kokuami o ima íii: Eme nga kà mu kala ngi Nzambi iê, muène uà kala monʼami.