Makatukilu 6:3 - O Mikanda Ikola

³ Nga tukulukila jinga Mbalahamu, ni Izake, ni Jakobo, kala ngi Nzambi, Muteni-a-ioso; maji ka ngʼijidile mu dijina diami dia Jihova.

Makatukilu 6:3 ပူးပေါင်းရင်းမြစ်များ

Dimatekenu 13:18

Mbalamu anga u sondolola dingi jibalaka jê, uiza hé u tunga bhu miẋi ia mikaluvalu iaʼxi ia Mamele, ia zukama bhu Hebolone; bheniʼobho anga u tunga-bhu kalatódio phala Jihova.

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 22:14

Mbalahamu kididi kieniʼokio anga u kʼixana, uixi: Jihova-jileh (mu ku ki lombolola edi: Jihova muene ua-nda kusota); kala kiene ku ki tanga katé mu kizuua kia lelu, exi: Ku mulundu ua Jihova muene u sota.

Dimatekenu 28:3

Nzambi, Uatena-Ioso, a ku zediuise, a ku bhane kuvuala, a ku sokolole, u di bhange u mundu ua ifuẋi ia athu.

Dimatekenu 35:11

Nzambi anga u mu ambela dingi, uixi: Eme ngi Nzambi, Muteni-a-Ioso; vuala, u sokoloke; u kala u kifuẋi, ni junda ia ifuẋi, ia kà tunda ku musala ué, makota a jinganga a kà tunda mu mukutu ué.

Dimatekenu 48:3

Jakobo anga u ambela Zuze, uixi: Nzambi, Muteni-a-Ioso, ua ngi tukulukila bhu Luze, mʼoxi ia Kanana iu ua ngi bhana o kizediuise,

Jisálamu 68:4

Imbilenu Nzambi, xikenu mu kuximana o dijina diê; tumbilenu o ikoka iê, mu mikáu ia hatu mu bhitila o dikalu diê; muene dijina diê Jihova; tanenu buoso bhua mi tukulukila.

Jisálamu 83:18

Phala a kʼijiie kuma eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.

Makatukilu 15:3

Jihova kindanda kia ita; jina diê Jihova muene.

Makatukilu 23:21

Di tumienu-nê kiambote, mu ivue dízui diê; kana ku mu xibhaka, kuma kà ẋikina ku mi loloka o kubhukumuka kuenu; mukonda o dijina diami diala mua muene.

Makatukilu 3:14

Nzambi anga u ambela Mozé, uixi: Eme kala-dia-kala, uixi: Ua kèla kua anʼa Izalaiele kuma: Kala-dia-kala muene ua ngi katula, iú ua ngi tumu ko kuenu.

Izaía 42:8

Eme ngi Jihova, didi diene o dijina diami; o fuma iami ki ngi i bhana muthu uengi, kana, mba o diximanu dia ngi tokala eme ngi di ehela ku iteka ia kusonga.

Izaía 44:6

Jihova, sobha ia Izalaiele, Mukudi ué, Jihova dia Ifuẋi, uambe kiki: eme-muène nga dianga, eme-muène nga sukidila; bhu nga kambe eme ki bhu kala Nzambi.

Jelemiia 16:21

Kala kiki, talesa-ze, nga-nda ku a ejidisa muene, kiki kiá nga-nda ku a ejidisa o lukuaku luami ni kutena kuami; anga à kejiia kuamba dijina diami eme Jihova.

Jelemiia 33:2

Jihova ua mu bhanga o ima iii, Jihova uala ku i iudika phala o ku i kuatesa, uambe kuila, Jihova diene o dijina diê.

Izekiiele 20:5

ua ambela kuma: O Jihova Nzambi uambe kiki: Mu kizuua ki nga solele Izalaiele, nga zanguile o lukuaku luami ku luvualu lua Jakobo, eme nga di-tukuluila kua ene mu ixi ia Ijitu, hé ngi leka o lukuaku luami kua ene, ngixi: Eme Jihova Nzambi ienu.

Izekiiele 37:13

Kiene ki mua kà kʼijiia kuila emeʼeme ngi Jihova, kioso ki nga kâ jikula o jimbila jenu, anga enu mu mundu uami, ngi mi tundisa mu ina ienu.

Izekiiele 37:6

Nga kà ta dingi o mixibha ku thandu dienu, hé ngi bhangesa kuila o xitu i sabhuka dingi ku thandu dienu, anga o ku thandu dienu nga kà zala-ku dingi o kikonda, hé ngi tá o nzumbi mʼoxi dienu, anga mua kʼèza dingi ku muenhu, nda mu kʼijiie kuila emeʼeme ngi Jihova.

Nzuá 8:58

Kuala Jezú: Kidi kiene, ngi mi ambela: Kioso Mbalahamu kiluua a mu vuala. Eme ngeniami kiá.

Dijingunuinu 1:4

Eme Nzuá, nga sonekena sambuadi dia ngeleja jala mu Azia: O kiadi kikale kienu, ni paze i tunda kua Nzambi ua kexile-ku, kiki iu-ué, ni hádia muène ua kala-ku, ni ku sambuadi dia nzumbi jene bhu kiandu kiê,

Lute 1:20

Muene-phe anga uenda ni ku a ambela, uixi: Kana ku ngʼila Nouemi, kale mu ngʼila Mala, mukonda Muteni-a-ioso muenhu uami ua u ludisa kiavulu muene lokoso!