Makatukilu 6:20 - O Mikanda Ikola

²⁰ Amlame anga u bhenga muhatu, Jokebede phange ia tatʼâ; muene anga u mu vualela Alá ni Mozé: o mivu ia Amlame ia bhange ku muenhu, hâma ia muvu ni makuinhi atatu ni sambuadi.

Makatukilu 6:20 ပူးပေါင်းရင်းမြစ်များ

I Malunda 23:13

O ana a Amalame, enhá: Alá ni Mozé; O Alá a mu tungula phala kukolesa dingi o ima ikôla kinéne, ni muene ni anʼê, mu ithangana ioso katé ku hádia ni hádia; phala ku-ta o ima ia uasu ua mazumba bhu pholo ia Jihova, phala ue ku mu xibhidila jinga ni phala kubhana jinga o dibesá ku athu mu dijina diê katé ku hádia ni hádia.

Makatukilu 6:16

O iá ene o majina ma anʼa Levi a mala, kioso kia di kaiejela mu ku a vuala: Ngelexone, ni Kohate, ni Meladi; o mivu ia Levi ia bhange ku muenhu, hâma ia muvu ni makuinhi atatu ni sambuadi.

Makatukilu 6:18

O anʼa Kohate a mala: Amlame, ni Izahale, ni Hebolone, ni Uziiele; o mivu ia Kohate ia bhange ku muenhu, hâma ia muvu ni makuinhi atatu ni itatu.

Dialuilu 26:58

Enhá o mabhata ma Levi: akua Libini, akua Hebolone, akua Mahaline, akua Muxi, akua Kola. Kohate u vuala Analá.

Dialuilu 26:59

Analá, muhatuʼê dijina diê Jakobede, monʼa Levi ua muhatu; Levi ua mu vualela mu Ijitu; Jakobede, muhatu ua Analá, anga u mu vualela Alá, ni Mozé, ni Midiiana, phange iâ ia muhatu.

Dialuilu 3:1

Ingo ia vumu ienʼiii ia Alá ni Mozé, kizuua kia zuela Jihova ni Mozé mu mulundu ua Sinai.

Josuué 21:4

Muondona-phe u tunda, ua tokala anʼa Kohate ku majiku-majiku-mâ: anʼa Alá, nganga, atokala ku jilevita, hasa iâ ia buila kuinhi dia jisanzala ni jitatu phala ene, maji jitunda ku konda ia muiji ua Juda, ni ku muiji ua Ximinhá, ni muiji ua Bejamí.