Makatukilu 6:1 - O Mikanda Ikola

¹ Jihova anga u ambela Mozé, uixi: Eie ua-nda ki mona-ke, kioso ki ngi bhanga Falaó, kuma ku a eha kikale lukuaku lua nguzu lu bhita-bhu, mu kuívua lukuaku lua nguzu kiene kia-nda ku a kaia mʼoxi iê.

Makatukilu 6:1 ပူးပေါင်းရင်းမြစ်များ

II Jisobha 7:19

O kabhitangu muenʼió anga u vutuila o muthu ua Nzambi, uixi: O bhabha kiá né-mbe hanji o Nzambi ua bhangele jinjanena ku diulu, o kienʼiki muene ki xikina ku di bhanga, kala kia tange o kizueluʼiki? O polofeta anga u muʼambela, uixi: Tala, ua-nda ku ki mona muene ni mesuʼé, maji o kuene kua-nda kudia-ku.

II Jisobha 7:2

Maji-phe, kabhitangu kamoxi, muthu ene ku mu xamenena ku lukuaku luê kuala sobha, u vutuila muthu ua Nzambi, uixi: Tala, né-mbe hanji Jihova ua bhangele jinjanena ku diulu, o kiki ki xikina ku di bhanga? Muene-phe, uixi: Tala, ua-nda ku ki mona ni mesu mê, maji o kuene-phe kua-nda kúdia-ku.

II Malunda 20:17

Mu mvunda iii, enu ki mua-nda kubhânga; mu sukila ngó mu kanga, hé muʼimana, nda mu mone kiá o ubhulukilu ua-nda ku mi bhana Jihova, eie Juda ni Jeluzaleme, ki mu kale ni uoma bha mu sasumuka; mungu muene ndé-nu mu kutakana-nâ, mbata Jihova ua kà kala ni enu.

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 12:6

Maka ma Jihova ma kenzuluka; ma soko ni phalata iózunze bhu jiku; a i zunza lusambuadi katé iabhu o dixilu.

Jisálamu 136:12

Ni kànda dia nguzu, ni lukuaku luasununuka; kuma kulenduka kuê ki kuene kúbhua.

Jisálamu 89:13

Eie o lukuaku lué luala ni nguzu ia kindanda; o lukuaku lué lua suína, o lua dilu se ua lu sunununa lu bhanga muene madiuanu!

Makatukilu 11:1

Jihova anga u ambela Mozé, uixi: Kua xala hanji dibhebhu dimoxi ngó di ngi bheka ku thandu dia Falaó, ni ku thandu dia Ijitu; ki di zubha kubhita, kiene kiua ki a mi eha; o kia-nda ku mi eha, o uehelu uê ua ku mi kaia ni mu tunde lusolo bhabha.

Makatukilu 12:31

Anga u ixana Mozé ni Alá mu usuku, uixi: Zangukenu, mu tunde mu kaẋi ka mundu uami, ni enu ni anʼa Izalaiele; ndenu, mua kà bhikile Jihova kala ki muambe.

Makatukilu 12:33

O akua Ijitu anga a landameka o mundu, mbé a tunde mʼoxi iâ ni lusolo; kuma ambe exi: Etu oso tua-nda kúfua.

Makatukilu 12:39

Anga a kanga o jimbolo ja kambe o felemendu, ku ikose ia tundu na-iu mu Ijitu; kuma ka tele-mu luua felemendu, mukonda o kutunda mu Ijitu kifua ku a kaia, ka a bhana kithangana, ni huta ka i iudika dingi.

Makatukilu 13:14

O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Makatukilu 13:16

Ki kala kidimbu ku lukuaku lué, kala fita ia ku bhiti bhu dibhomo; kuila nguzu ia lukuaku lua Jihova ia bhiti-bhu, mu ku tu katula mu Ijitu.

Makatukilu 13:3

Mozé anga u ambela o mundu, uixi: Lembalalenu kizuuʼiki kia lelu, kizuua ki mua tundu mu Ijitu, mu dibhata dia ubhika; kuma Jihova ua mi katula-mu ni nguzu ia lukuaku luê; kana kúdia jimbolo ja felemendo, kizuua kienhiki.

Makatukilu 13:9

Kia kà kala kidimbu ku lukuaku luenu, ni kijimbuete bhu dibhomo, phala ngonge ia Jihova i mi kale mu kanu; kuma Jihova ua mi katula ni lukuaku lua nguzu mu Ijitu.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Makatukilu 15:6

Lukuaku lué lua kúdia, eie u Jihova, luala ni nguzu ia fuma; lukuaku lué lua kúdia, u Jihova, lua muanganesa o nguma, muangatatá.

Makatukilu 7:4

Falaó-phe ka-nda ku mʼivua, eme ngi tula lukuaku luami ku thandu dia Ijitu, hinu ngi tundisa ilombo iami, o mundu uami ua anʼa Izalaiele mu ixi ia Ijitu, ku isunji ia vulu i bhita-bhu.

Makatukilu 7:5

O akua Ijitu-phe a kejiia kuma eme ngi Jihova, kioso ki ngi sunununa lukuaku luami ku thandu dia Ijitu, mu katula anʼa Izalaiele muʼaxaxe kâ.

Izaía 63:12

Ió ua bhangesa o kuaku luê lua ulamba kuendesa o lukuaku lua kadilu lua Mozé, uala kuebhi? Iuná ua budile o menha mu kaii bhu pholo iâ, phala kubhangesa o dijina diê kukala dijina di nangenena?

Dialuilu 11:23

Jihova anga u ambela Mozé, uixi: Eie ua fika lukuaku lua Jihova lua di koteka? Ua-nda mona se kizuelu kiami ki ku bhita, mba kana.

Dialuilu 23:23

Kua Jakobo uanga ki u tena-ku! Kua Izalaiele né a zambula, lémbue! Mu tumbula Jakobo ni Izalaiele, ela muene: Nzambi kukalakala kuahi!

Jipoxolo 13:17

O Nzambi ia mundu iú ua Izalaiele ua sola jitata jetu, iú ua sokolola mundu uâ kia kexile hanji mu inhunginu iâ, mʼ oxi ia Ijitu, anga u a katula momo ni lukuaku luasuina.

Matendelelu 32:39

Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?