Makatukilu 5:6 - O Mikanda Ikola

⁶ Kizuua kienhókio Falaó anga u ambela atumini ala mu kalakesa, uixi:

Makatukilu 5:6 ပူးပေါင်းရင်းမြစ်များ

II Malunda 26:11

Uziia ua kexile ue ni kifuẋi kia athu, masoladi ejiia kiambote o ku kuata mata, aia ni kutunda phala kuia ku ita kala kia a soneka mu ditangelu diʼòbhange ku lukuaku lua Jeiele, o musoneki, ni Mahaseia, fixiiadi, ala bhoxi dia lukuaku lua Hananiia, umoxi ku ilamba ia sobha.

Makatukilu 1:11

Mukonda dia kiki, a ta-ku akalakixi, ende ni ku a ta mualala ni imbamba iâ. Mukonda Falaó a mu tungila jimbonge ja kubhakela, ni Pitome ni Lamaseji.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Makatukilu 5:10

Abhondeleki, o akalakexi ala mu kalakesa o mundu, ni akalakexi a atuminʼâ, anga a tangela o mundu, exi: Falaó uambe kiki: Nguami ku mi bhana iangu, tunde lelu katé ku pholo.

Makatukilu 5:19

Akalakexi a anʼa Izalaiele, anga a mona, exi: Uíndua ua tu iza! Hé a ambela exi: Kana kusosolola ku konda ia jindobhi, kale i tena muene kizuua ni kizuua.

Makatukilu 5:7

Kana dingi kubhana mundu iangu ia kuʼmbila o jindobhi, kala ki mua bhange mazá ni mazadinha; ene a muangane, a sote ene o iangu iâ.

Jisabhu 12:10

Muiuki uinga o muenhu ua ibhaku iê; maji o muẋima ua athu abhumu-phe, uezala usuéia.

Dialuilu 11:16

Jihova anga u ambela Mozé, uixi: Ngi sotele makuinhi sambuadi a muthu ku adiakime a Izalaiele, oso ua ejiia kuma adiakime ku kifuẋi ni jifixiiadi jâ, u a bheka bhu muelu ua balaka ia kutakanena, emana-bhu bhu mbandu ié.

Matendelelu 1:15

Nga kuatele-phe adienu mu miji ienu, mala a jinjimu, ende kiabhu o ngongo, eme nga a bhange makota phala ku mi tambula konda; o iá jikabhitangu ja kutumina jimidi, o iá jikabhitangu ja kutumina jihama, o iá jikabhitangu ja kutumina makuinhi atanu, o iá jikabhitangu ja kutumina dikuinhi; amoxi nga a bhange jinguvulu ja kuendesa ibuka ia miji ienu.

Matendelelu 16:18

Mu mabhata moso ma-nda ku ku bhana Jihova Nzambi ié, ku ibuka, ibuka, mu ta-mu afundixi ni jifixiiadi, ende ni kufundisa o mundu ni ubatuilu ua tetuluka.

Josuué 24:1

O ki kia bhiti, Josuué ua bhongolola miji ioso ia Izalaiele bhu Xikeme; anga uixana ikulakaji ia Izalaiele, ni ilôlo iâ, ni afundixiʼâ, ni jifixiiadi. Ene oso anga a di bheka bhu pholo ia Nzambi.

Josuué 24:4

Izake ue nga mu bhana Jakobo ni Izaú; o Izaú-phe nga mu bhana mulundu ua Seíle phala muene kiá; o Jakobo-phe ni anʼê a kulumukine mu Ijitu.

Josuué 8:33

Izalaiele ioso-phe, ni adiakimi, ni jithuame, ni afundixi, emana ku mbandu ni mbandu ia álaka, bhu pholo ia jinganga ni jilevita ambata álaka ia kikutu kia Jihova, ni jinzuángiza ni iá a a vualela mʼonzo, ku bhata; mbandu iê emana mu mulundu ua Ngedizini, mbandu ia mukuá emana mu mulundu ua Ebale; kala Mozé mukalakadi ua Jihova kia tumu mʼokulu, ni a bhane nzediuise ku kifuẋi kia Izalaiele.