Makatukilu 5:3 - O Mikanda Ikola

³ Kuala ene: Nzambi ia Jihebeleu ua tu sange; eie tuehe-phe, tua ku diondo, tuie njila ia izuua itatu mu kikangalakata, tua kà satele Jihova, Nzambi ietu; mbe muene kʼeze kuthandu dietu ni dibhebhu mba xibhata.

Makatukilu 5:3 ပူးပေါင်းရင်းမြစ်များ

II Jisobha 17:25

Anga ki bhita-phe kuila, o dimatekenu dia utungilu ua eneʼió, mueneʼomo, a kambele kukala ni uoma ua Jihova, Jihova anga u tumikisa jihoji mu kaẋi kâ, ji já jibha-ku amoxi mudiâ.

II Malunda 30:8

o kiki-phe kana ku tundisa kakunda kenu, kala o jitata jenu; tolokenu kua Jihova, muize bhu kididi kiê kikôla, kia kolesa muene katé ku hádia, nda mu bhikile Jihova, Nzambi ienu, phala o kutêma kua njinda iê ki ku mi tule enu.

Ejidala 7:23

Ima ioso kiá i a tendelela, kala kia tumu Nzambi ia diulu, a i bhange muene kienʼiókio phala o inzo ia Nzambi ia diulu; kuma, phalaʼhi ku kala njinda ia dikota ku thandu dia ixi ietu ni kuthandu dia sobha ietu ni ku thandu dia etu tu anʼê?

Makatukilu 3:18

Ene-phe a-nda ku ku ivua dízui; kienhokio-phe ua kà bhiẋila kua muenexiʼa Ijitu ni eie ni adiakimi a Izalaiele kumoxi, mua kà mu ambela kuma: Jihova, Nzambi ia Jihebeleu, ua tu sange; kala kiki, eie tuehe-phe, tua ku diondo, tuie njila ia izuua itatu mu kikangalakata, tua kà satele Nzambi.

Makatukilu 7:16

Ua kà mu ambela kiki, uixi: Jihova, Nzambi ia Jihebeleu, ua ngi tumu ko kué uixi: Eha o mundu uami phala aie ku ngi bhikila mu kikangalakata; ua mono-phe katé ni kiki kua ẋikina kuívua.

Makatukilu 8:1

Jihova anga u ambela dingi Mozé, uixi: Bokona kua Falaó u mu ambela, uixi: Jihova uambe kiki: Eha o mundu uami, aie a ngi bhikile.

Makatukilu 8:20

Jihova anga u ambela dingi Mozé, uixi: Mungu u fundumuka mu kimenemene, uimane bhu pholo ia Falaó; uejiia iene ola iê ia kutunda kuia ku menha; u mu ambela, uixi: Jihova uambe kiki: Eha o mundu uami, phala a ngi bhikile.

Makatukilu 8:27

Tu ehe tuie njila ia izuua itatu mu kikangalakata, phala tu satele Jihova Nzambi ietu kala kia tumu muene.

Izekiiele 6:11

O Jihova, Nzambi uambe kiki: Beta ku maku, u bete ni kinama, uile: Ahá! ku isunji ioso ia maufusa ma dibhata dia Izalaiele! Mukonda a-nda kúbua ku xibhata, ku nzala, ni ku dibhebhu.—

Ijila 26:25

Oko kuthandu dienu ngi bheka-ku kiá xibhata, iene anga i mi bhanga-kiu mu kuvutula o phonzo ia kikutu ki tua tedienu-di; anga ngi mi phopha muene kiambote hé ngi mi tula mu jisanzala jenu; kiene kiua ki ngi mi tumikisa o dibhebhu mu kaẋi kenu, anga ngi mi bhakula ue bhu maku a jinguma.

Matendelelu 28:21

Jihova a ku tumikise dibhebhu dia peste nda di ku sange, di ku jime o mbutu mʼoxi i ua-nda kulundula, phala ku i vua.