Makatukilu 5:23 - O Mikanda Ikola

²³ Kuma tunde ki ngeza kua Falaó kuzuelela mu dijina dié, muene ua bandekeza phulu ku mundu iú, eie-phe kukudila o mundu ué, ki kuata-ku.

Makatukilu 5:23 ပူးပေါင်းရင်းမြစ်များ

Jobe 22:17

Nzambi a muʼambela jinga, kuila: Tunda bhu mbandu ietu. Ni kuila: O Muteni-a-Ioso ua tena ku tu bhanga kima kiahi?

Jisálamu 118:26

A tane-ku ió uoso uiza mu dijina dia Jihova; tu sange Ngana! Tua mi menekena tunde mʼonzo ia Jihova mumu.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Makatukilu 6:1

Jihova anga u ambela Mozé, uixi: Eie ua-nda ki mona-ke, kioso ki ngi bhanga Falaó, kuma ku a eha kikale lukuaku lua nguzu lu bhita-bhu, mu kuívua lukuaku lua nguzu kiene kia-nda ku a kaia mʼoxi iê.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Jelemiia 11:21

Uila kiki, Jihova uambe uixi: ku mbandu ia mala mu Anathothe ala ku sota ku ku jibha, exi: Kana ku kuata upolofeta mu dijina dia Jihova, phala kufuile bhu maku metu.

Nzuá 5:43

Mbata eme ngeza mu dijina dia Tata iami, enu-phe ki mu ngi tambulula. Se muthu uengi uoso-uoso uiza mu dijina diê-muène, muenhó enu muene mu mu tambulula.