Makatukilu 5:22 - O Mikanda Ikola

²² Mozé anga u vutuka kua Jihova, uixi: Ngana, ua ki bhangela-hi, mundu iú ku u bongesa malebnhu kiki? Eme-phe ua ngi tumikisinaʼhi?

Makatukilu 5:22 ပူးပေါင်းရင်းမြစ်များ

I Jisobha 19:10

Muene uixi: Eme, Ngana Nzambi ia Ifuẋi, nga mu dielela kiavulu, ngala ni muanu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka umai, ia a mu sota dingi ku ngi katula muenhu uami.

I Jisobha 19:4

Muene anga uia mu kikangalakata, uenda kizuua kimoxi, anga uiza, u xikama bhoxi dia muzimbru; anga u bhinga kúfua moxi diê, uixi: Kuabhu kiá, eie u Ngana! Katula o muenhu uami kindala, mukonda eme ki ngala kota, o jitata jami ndenge mu kuuabha.

Jisálamu 73:25

Ku diulu nanhi dingi ua ngi kala-ku, oko eie ngó? o mu ngongo ue kana-mu dingi nga mu indi, u ku tunda eie Ngana!

Makatukilu 17:4

Mozé anga u dikola kua Jihova, uixi: O mundu iú ngʼa a bhanga kiebhi? Kua a xala kia ngó ku ngi bûba ni matadi.

Jelemiia 12:1

Eie, U Jihova, u lungʼé, né-mbe ngedile ngi bokona nʼeie mu kufunda; hanji-phe u ngi zuelesa ku mabatuilu Phalahi isuéia a kala ni kubhanduluka mu njila iâ, anga a laia ni kutululuka, ió oso a bhanga kiaiibha ni usuangi?

Jelemiia 20:7

Jihova, tata, eie ua ngi tobhesa, eme nga xala ni kutobha; kuma eie ua beta o nguzu eme ndenge, eie ua tolola; o kienhiki-phe kumbi dioso dia kambamba ala ku ngi bhanga kasekélelu; kala muthu mudiâ u ngi tobhesa.

Jelemiia 4:10

Eme bhenhobho ngixi: Èhé, Ngana Nzambi, tata! Kidi kiene o mundu iú ni Jeluzaleme ua a tobhesa kinéne, kuma eie ua ambelele, kuila: Mua-nda kukala ni kutululuka; o kikiphe xibhata i ia a toma katé ku muenhu.

Habakuke 2:3

Mukonda kisunji kiki kia-nda kubhita bhu thembu ia tokala, ni kidi muene kuma bhu thembu iaxindi kia kà bhita muene, ki ki fulu, kana; se ua mono kia laleka mu kuiza, eie-phe kinga na-kiu, kuma ni kidi muene kia kà bhita, ki kia-nda ku kokoloka, kana.

Dialuilu 11:11

Mozé anga u zuela kua Jihova, uixi: Mubhikʼé ua mu bhangela-hi kiki? Ihi kia ngi kambesa kusanga kiadi ku mesu mé, ki ua ngi tuika kimbamba kia kifuẋi kioso kiki ku thandu diami?

Josuué 7:7

Josuué anga u samba, uixi: Aiué! Ngana Jihova, tata! Kia bhiti kiebhi, kifuẋi kiki ua ki zaúkisa Njolodá, mbé ku tu bhakula bhu makuʼa Mamodi, nʼa tu buikise? Tamanu se tua kexidietu kiá ku sámbua koko dia Njolodá!

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.