Makatukilu 40:35 - O Mikanda Ikola

³⁵ Mozé anga u lémbua kubokona mu balaka ia kutakanena, mukonda dituta kuene ku dia tula, ni kubenha kua Jihova kuezalesa balaka ioso.

Makatukilu 40:35 ပူးပေါင်းရင်းမြစ်များ

I Jisobha 8:10

Anga ki bhita kuma, kia tubhuka o jinganga mu kididi kikôla, dituta dia Ngana dʼizalesa inzo ioso ia Jihova.

I Jisobha 8:11

Anga jinganga dituta dià fudisa kuimana mu kubhakula sata jâ, mbata o kizunda kia Nzambi kiezalesa inzo ioso ia Ngana.

II Malunda 7:2

O jinganga-phe ka tenene kubokona mʼonzo ia Jihova, mukonda o kizunda kia Jihova kiezalesa inzu ioso ia Jihova.

Makatukilu 16:10

Anga ki bhita-phe kuila, kioso Alá kiala kuzuela ni kionge kioso kia anʼa Izalaiele, ene oso kiedi sui ku mbandu ia kikangalakata a mona kubenha kua Jihova kua monekena mu dituta.

Makatukilu 29:43

Bhenhobho bhene bhu ngi takanena jinga ni anʼa Izalaiele phala ku unene uami, ngʼa kitule athu a kôla.

Izaía 4:5

Jihova ua kà bhanga ku thanduʼa mabhata moso ma mulundu ua Ziione ni ku thanduʼa mabhongolokelu mâ moso, dituta mu muanha, ni dixi ni mulengu ua túbhia mʼusuku, mukonda ku thandu dia kizunda kioso kua kà kala kukondama.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 6:4

Mukonda-phe dia dízui dia ió a te o nzongo, o mielu ia tunguta, anga inzu izala ni dixi.

Izekiiele 10:4

Kienhokio o unéne ua Jihova anga u tunda ku thandu dia xelubini iala bhu muelu ua kubokuena mʼonzo; o mʼonzo anga muizala dituta, o mu lumbu muizala ni kubenha kua unéne ua Jihova.

Izekiiele 43:4

O kizunda kia Jihova anga ki bokona mu Tembulu, ku muelu ua bhela o pholo ku thunda.

Ijila 16:2

Jihova phe uambela Mozé, uixi: Ambela phangʼié Alá: O mu dibhezelu, mu ʼxilu dia mvéuʼomo, ka kále mu bokona-bokona-mu ngó mu thembu joso, nʼa kala mu kuimana bhu pholo ia kibhuna kia kiadiʼokio, kiala kulu dia álaka ia umbangi phala kafue; mukonda Eme ngi tukulukila mu ifuke ku thanduʼa kibhuna kia kiadi.

Dialuilu 7:89

Mozé kioso kia bokona jinga mu balaka ia kutakanena mu kuzuela ni Jihova, uívua dízui di mu zuelesa, di tunda ku kibhuna kia kiadi kiala ku thandu dia álaka ia umbangi, bhu kaẋi ka xelube jiiadi; kienhiki kiene kia mu zuelesa jinga.

Dialuilu 9:15

Kizuua ki emika balaka, dituta dia tula ku thandu dia balaka, balaka iene ia umbangi; kutula mu ngoloxi-phe, ku thandu dia balaka ku diala, kubenha kuê kuila kala túbhia, katé mu kimene.

Dijingunuinu 15:8

Tembulu anga izala ni dixi dia tundu mu kubenha kua Nzambi ni kusuina kuê. Kana-bhu ua tena kubokona mu Tembulu, katé o sambuadi dia mabhebhu ma kuata sambuadi dia anju ma zubha kubhita.