Makatukilu 40:34 - O Mikanda Ikola

³⁴ Kia zubha kubhanga kiki, dituta dia vungina balaka ia kutakanena, balaka ioso iezala ni kubenha kua Jihova.

Makatukilu 40:34 ပူးပေါင်းရင်းမြစ်များ

II Samuuele 7:6

Kuma kiluua ngi tunga mʼonzo tunde kizuua ki nga katula anʼa Izalaiele mu Ijito, katé kizuua kia lelu, ngene kukala-phe mu balaka ni mu fundu.

II Malunda 5:13

Ene há a tongesa muene mu kuxikila jikoloneta kumoxi, ni mu kuimba ue, embila mbimbi imoxi ngó i uivua, mu ku tumbula o mbote ni kuximana Jihova; o kioso ene kia zangula o mbimbi kumoxi ni jikoloneta ni jingoma ja ngòndo ni ima dingi ia mukuá ia kuxika o mimbu, ni kutumbula Jihova kuma mukua Mbote, mukonda o kulenduka kuê ki kuene kúbhua, inzu ioso muene iezala ni dituta, o inzu ia Jihova.

II Malunda 7:2

O jinganga-phe ka tenene kubokona mʼonzo ia Jihova, mukonda o kizunda kia Jihova kiezalesa inzu ioso ia Jihova.

Jisálamu 26:8

Jihova, inzo ié ia ngi uabhela muene; kuma kiene kididi bhu ua tukuluila o kubenha kué.

Makatukilu 14:24

Kutula-phe ku makolombolo, Jihova mu philadi ia túbhia ni dituta kia tale o kilômbo kia akua Ijitu, u kala mu ku a tatesa.

Makatukilu 16:10

Anga ki bhita-phe kuila, kioso Alá kiala kuzuela ni kionge kioso kia anʼa Izalaiele, ene oso kiedi sui ku mbandu ia kikangalakata a mona kubenha kua Jihova kua monekena mu dituta.

Makatukilu 25:8

A ngi iudikile kibúta kikôla phala ngi tunge muʼaxaxi kâ.

Makatukilu 29:43

Bhenhobho bhene bhu ngi takanena jinga ni anʼa Izalaiele phala ku unene uami, ngʼa kitule athu a kôla.

Makatukilu 33:9

Mozé-phe kia zubha kubokona mu balaka, philadi ia dituta i tuluka, imana bhu muelu ua balaka; Jihova anga u kuata kuzuela ni Mozé.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 6:4

Mukonda-phe dia dízui dia ió a te o nzongo, o mielu ia tunguta, anga inzu izala ni dixi.

Izekiiele 10:4

Kienhokio o unéne ua Jihova anga u tunda ku thandu dia xelubini iala bhu muelu ua kubokuena mʼonzo; o mʼonzo anga muizala dituta, o mu lumbu muizala ni kubenha kua unéne ua Jihova.

Ijila 16:2

Jihova phe uambela Mozé, uixi: Ambela phangʼié Alá: O mu dibhezelu, mu ʼxilu dia mvéuʼomo, ka kále mu bokona-bokona-mu ngó mu thembu joso, nʼa kala mu kuimana bhu pholo ia kibhuna kia kiadiʼokio, kiala kulu dia álaka ia umbangi phala kafue; mukonda Eme ngi tukulukila mu ifuke ku thanduʼa kibhuna kia kiadi.

Ajeu 2:7

Nga kà tungutisa ue miji ioso, anga kua kà tukuluka ió a muinda ku miji ioso, anga inzu iii nga kà izelesa ni fuma, kiene kia zuela Jihova dia Ifuẋi.

Ajeu 2:9

O kijingu kia inzu iii ia sukidilaku, kia kà kala kota, o ia dianga ndenge, kiene kiambe Jihova dia Ifuẋi, o bhu kididi bhabha anga nga kà bhanabhu paze.

Dialuilu 7:89

Mozé kioso kia bokona jinga mu balaka ia kutakanena mu kuzuela ni Jihova, uívua dízui di mu zuelesa, di tunda ku kibhuna kia kiadi kiala ku thandu dia álaka ia umbangi, bhu kaẋi ka xelube jiiadi; kienhiki kiene kia mu zuelesa jinga.

Loma 9:4

Ene akua Izalaiele, o muiji uòsole kua Nzambi iú ua a bhange anʼ ê, iú ua a bhana ue ku fuma iê. Uate-nâ o ikutu iê, iú ua a bhana o Kitumu. O kubheza kua kidi ala na-ku ene, iá a tambula o jipolomesa ja Nzambi.

Dijingunuinu 15:8

Tembulu anga izala ni dixi dia tundu mu kubenha kua Nzambi ni kusuina kuê. Kana-bhu ua tena kubokona mu Tembulu, katé o sambuadi dia mabhebhu ma kuata sambuadi dia anju ma zubha kubhita.

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.