Mukonda kiluua ngó ngi kala ni inzo ioso-ioso ia kukala, tunde mu kizuua ki nga bandesa Izalaiele mu kutunda mu Ijito katé mu kizuua kia lelu, maji ngene mu kala jinga mu jibalaka, ngi tunda balaka ngiza balaka, ngi bokona fundu ngiza fundu.
Bhenhobho bhene bhu tu takanena jinga, ki ngiza kokué; bhu thandu dia kibhuna kia kiadi, bhene bhu nga kà zenzamena mu ku ku zuelesela mu kaẋi ka jixelube jala ku thandu dia álaka ia umbangi, o ima ioso i ngi ku tuma kuambela anʼa Izalaiele.
U iudika ue ni mvéu ia kibatulu kia azulu, ni púlpula, ni kalumezim, ni linhu ia fina iòuinde kiambote; ku kala ni jixelube jòiudike ku ufunu ua mesene ia mulongo.
Kienhiki kia zubha o sedivisu ioso ia kibuta kia balaka ia ditakanenu; o anʼa Izalaiele a kumbidila kioso kia tumu Jihova kua Mozé, kiene muene kia bhange.
A katule ku manhinga ma ngalote, a bondeke-mu o mulembu uê, a sangele ku thanduʼa kibhuna kia kiadi ku mbandu ia mutundila-kumbi; u sangela manhinga mu lusambuadi ni mulembu uê ku pholo kiki ia diluuluilu.
Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.