Makatukilu 40:2 - O Mikanda Ikola

² Mu kizuua kia dianga ku mbeji ia kamoxi, u ximbika o balaka ia ditakanenu.

Makatukilu 40:2 ပူးပေါင်းရင်းမြစ်များ

I Malunda 17:5

Mukonda kiluua ngó ngi kala ni inzo ioso-ioso ia kukala, tunde mu kizuua ki nga bandesa Izalaiele mu kutunda mu Ijito katé mu kizuua kia lelu, maji ngene mu kala jinga mu jibalaka, ngi tunda balaka ngiza balaka, ngi bokona fundu ngiza fundu.

II Malunda 29:3

Muene, mu muvu ua dianga ua utuminu uê, ku mbeji ia dianga, kiene kia jikula o mabhitu ma inzu ia Jihova, anga u ma iudikisa.

Makatukilu 13:4

Mua tundu kizuua kia lelu, mbeje ia Abibi.

Makatukilu 19:1

Bhu mbeji ia katatu tunde kia tundu anʼa Izalaiele mʼoxi ia Ijitu, mu kizuua kia dianga kia mbeji ienhoio, a bhiẋila mu kikangalakata kia Sinai,

Makatukilu 26:1

U iudika balaka ni kuinhi dia kulutina, ji kala ja linhu ia fina io uinde, ni azulu, ni púlupula ni kalumezim; mu ku ji iudika ata-ku ni jixelube ji tunga mesene ia mulongo.

Makatukilu 26:30

Balaka u i ximbika kienhiki, o ulungu uê uene ua ku idikiza ku mulundu.

Makatukilu 26:7

U iudika ue ni jikulutina ja jindemba ja jihombo, ji kala thanga ia kubhitisa ku thandu dia balaka; u iudika kuinhi dia kulutina ni kulutina imoxi.

Makatukilu 27:21

O mu balaka ia kutakanena, bhu kololo, bhua bhiti o kibatulu, umbangi anga u kala mu xilu, bhene bhu kala o kandeia; Alá ni anʼê ene a ka tambula konda, tunde ngoloxi katé kimene, bhu pholo ia Jihova; ki kala kijila kiâ, kutunda muiji, kuiza muiji, ku ana Izalaiele.

Makatukilu 30:36

Mbandu ia mukuá u i zuka, i kala fufutila, anga u i bhaka bhu pholo ia umbangi mu balaka ia kutakanena, bhene bhu ngi takanena jinga ni eie.

Makatukilu 35:11

O balaka, ni jikulutina jê, ni jithanga jê, ni jikoloxete, ni mabaia a jingunji, ni mikangala, ni jiphiladi, ni ibaka;

Makatukilu 36:18

Anga u iudika ue makuinhi atanu a koloxete ja ngôndo, phala kutakanesa o jithanga kumoxi, phala o balaka i kale iene imoxi.

Makatukilu 40:1

Jihova anga u ambela dingi Mozé, uixi:

Makatukilu 40:6

Kalatódio ka jisata ja kuoha u ka tula mu kithâdi bhu muelu ua balaka ia kutakanena.

Izekiiele 40:1

Mu muvu ua makuinhi aiadi ni kitanu a uhutuile uetu, ku muandeku ua muvu, mu kizuua kia kakuinhi ku mbeji, kuila bhua bhiti kiá kuinhi dia muvu ni kiuana, hanji kia kuama o mbonge, mu kienhókio muene o lukuaku lua Jihova ki lueza kokuami, lú lua ngʼambata ʼte kuenhoko,

Izekiiele 45:18

O Jihova Nzambi uambe kiki: Ku mbeji ia dianga, bhu kizuua kia dianga ku mbeji, u katula kangombe ka ndumbe, ka kambe o dixaka, hé u zelesa o dibhezelu.

Dialuilu 1:1

Jihova anga u zuelesa Mozé, mu kikangalakata kia Sinai, mu balaka ia kutakanena, kizuua kia kamoxi bhu mbeji ia kaiadi, mu muvu ua kaiadi tundé kia tundu mʼoxi ia Ijitu, uixi:

Dialuilu 7:1

Mu kukala-phe kizuua kia zubha Mozé kuimika o balaka, ua i undu, iú ua i kôlesa, ni imbamba iê ioso, ni kalatódio ni itutu iê; iene ioso ua i undu ni maji, ua i kôlesa;

Dialuilu 9:1

Jihova anga u ambela Mozé mu kikangalakata kia Sinai, bhu mbeji ia kamoxi, ku muvu ua kaiiadi, kia zubha kutunda mʼoxi ia Ijitu, uixi:

Dialuilu 9:15

Kizuua ki emika balaka, dituta dia tula ku thandu dia balaka, balaka iene ia umbangi; kutula mu ngoloxi-phe, ku thandu dia balaka ku diala, kubenha kuê kuila kala túbhia, katé mu kimene.