Makatukilu 40:16 - O Mikanda Ikola

¹⁶ Mozé anga u ki bhanga; kioso kia mu tumu Jihova, kiene kia bhange.

Makatukilu 40:16 ပူးပေါင်းရင်းမြစ်များ

Dimatekenu 6:22

Noué anga u bhanga kienhókio kala kioso kia mu tumu Nzambi, kiene muene kia kumbidila.

Makatukilu 40:15

anga u a unda ue ni maji, kala ki ua undu tatʼâ, mbé ene uâ a ngi kalakele ku unganga; o ku a unda kuâ ku kala kua unganga unangenena ku miiji iâ ioso.

Makatukilu 7:6

Mozé ni Alá anga a ki bhanga; kala kioso kia a tumu Jihova kiene muene kia bhange.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Jelemiia 13:5

Eme ngaʼii, eme nga i sueka bhu mbandu ia Ufalate, kala kia ngi tumu Jihova.

Ijila 8:13

Mozé anga u bheka ue anʼa Alá a mala, hé u a zuika ue o mavunga, u a kuta jiphonda, u a ta o ijinga ku mútue, kala kia tumu Jihova kua Mozé.

Ijila 8:21

O mídia anga u i sukula ni menha, ni inama iê; Mozé anga u oha kilumbe kiene kioso ku kalatódio; kuma sata ia kuoha ia dizumba diambote; ujitu ua Jihova ua ku mu bhakuila ni túbhia, kala kia tumu Jihova kua Mozé.

Ijila 8:9

Anga u mu ta kijinga ku mútue; o ku kijinga, bhu dibhomo, u kutila-ku xapa ia ulu, kifua kitundu kikôla; kala kia tumu Jihova kua Mozé.

Dialuilu 1:19

Kala kioso kia tumu Jihova kua Mozé. Kiene kia alula mu kikangalakata kia Sinai.

Dialuilu 9:22

Se dia tula ku balaka, né di bhanga izuua iiadi, mba mbeji, mba muvu, anga di kala ku thandu diê, anʼa Izalaiele a xikama muene bhu kibangu kiâ, kʼende; se dia zangumuka a katuka ni kuenda.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

I Kolindo 4:2

Kunu-phe uoso a mu tuika o kikalakalu kiki, u bhinga u kala fiiele.

Matendelelu 12:32

Endenu ni ku di tongesa kiambote mu kualuka ima ioso i nga mi tendelela eme; ku imaʼiii ki mu te-ku, ki mu katule-ku.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Jihebeleu 3:2

Mukonda muène ua kexile fiiele kua Nzambi, ua mu solo phala kikalakalu kiki, uila Mozé kia kexile fiiele mu kikalakalu kia dibhata dioso dia Nzambi.

Jihebeleu 3:5

O Mozé kidi kiene, ua kexi fiiele mu kikalakalu kiê mu dibhata dioso dia Nzambi. Ua kexi-phe selevende ia kidi, hé u kala mbangi ia Nzambi ia ima ioso ia xedi-ku mu ku i zuela ku hádia.