Makatukilu 40:12 - O Mikanda Ikola

¹² Ni Alá ni nʼê a mala u a bheka ue bhu muelu ua balaka, ia dibhongolokelu, eie anga u a sukula ni menha.

Makatukilu 40:12 ပူးပေါင်းရင်းမြစ်များ

Makatukilu 40:11

O mbasinha ia kusukuila, ni mbunda iê i tula bhoxi, u i unda ue, nda u i kôlese.

Dialuilu 8:9

Jilevita anga a a bheka bhu muelu ua balaka ia kutakanena; anga u bhongolola kifuẋi kioso kia Izalaiele;

Matesu 3:16

Jezú-phe kia zubha ku mu batizala, u kala mu zaúka kindala ku menha; talesa-phe, maúlu ma jikuka ku thandu diê, anga u mona Nzumbi ia Nzambi uala mu tuluka kala diêmbe, ni ku mu tula muène ku thandu.

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Nzuá 3:34

Uoso a mu tumu kuala Nzambi, u zuela maka ma Nzambi, kuma muène kia mu bhe o Nzumbi, Nzambi ka mu bhana Nzumbi ni ku i zonga.

Loma 8:3

Kima kia lémbua o Kitumu kia Mozé mukonda dia kubhuila kuê mu xitu, Nzambi ua ki bhange muène mu kikexilu kia xitu, ituxi ua i êlesa mu kutumikisa Monʼ ê muène, mu kidifua kia xitu ia ituxi, mu kufuila o ituxi, mbé ituxi na tene ku i zubha-ku.

Ngalásia 4:4

Maji kieza o thembu iatenena, Nzambi ua tumikisa Monʼê muene. Muene iú ueza kala mona a mu vuala ku muhatu mu ngongo, a mu vuala iú ua kudila bhoxi dia Kitumu kia Jijudé.