Makatukilu 40:10 - O Mikanda Ikola

¹⁰ Ni kalatódio ka jisata ja kuoha, u ka unda ue ni maji, ni imbamba iê ioso, u kôlese o kalatódio; ka kale ka kôla kinéne.

Makatukilu 40:10 ပူးပေါင်းရင်းမြစ်များ

Makatukilu 30:29

U i lumba ioso iii i kale i kôla kinéne; imbamba ioso kiá i tula-ku ngoho, i kôla kiá.

Makatukilu 40:11

O mbasinha ia kusukuila, ni mbunda iê i tula bhoxi, u i unda ue, nda u i kôlese.

Izaía 11:2

Anga o nzumbi ia Jihova ia kà mu tula ku thandu diê, iene o nzumbi ia unjimu ni kutetuluka, nzumbi ia phangu ni ndongo, ifikidila muthu, iene nzumbi i bhekela muthu o kuijiia ni kukala ni uoma ua Jihova.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Ijila 6:17

Ka i kange ni felemendu. Nga a bhana-iu kuma dikânda diâ, ku maujitu mami ma ngi bhakuila ni túbhia; i kôla kinéne, ia soko ni sata ia kituxi, ia soko ni sata ia kuêla.

Ijila 8:11

Anga u ma sangela ue ku kalatódio lusambuadi, u unda kalatódio ni imbamba iê ioso, ni mbasinha ni mbunda iê i tula bhoxi, phala ku i kôlesa.

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Nzuá 17:19

Mukonda dia ene, eme nga di bhakula ni muenhu uoso ko kué. Nga bhange kiki, phala ene ua nʼ a di lumbe ko kué mu kidi.

Nzuá 3:34

Uoso a mu tumu kuala Nzambi, u zuela maka ma Nzambi, kuma muène kia mu bhe o Nzumbi, Nzambi ka mu bhana Nzumbi ni ku i zonga.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.