Makatukilu 4:31 - O Mikanda Ikola

³¹ Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Makatukilu 4:31 ပူးပေါင်းရင်းမြစ်များ

Dimatekenu 17:3

Mbalamu bhenʼobho anga u bhetama o pholo bhoxi, Nzambi anga u zuela-nê, uixi:

Dimatekenu 24:26

Diiala bhenʼobho bhetama mutue, anga u bheza Jihova.

Dimatekenu 29:32

Liia anga uimita, u vuala monʼa diiala, u mu luka Lubene: kuma uambe, uixi: Jihova ua ngi suu mu kusebuluka kuami; kiki munumʼiami ua-nda ku ngi zola.

Dimatekenu 50:24

Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

I Malunda 29:20

Bhenhobho Davidi uambela o kionge kioso, uixi: Kindala, Ximanenu Jihova Nzambi ienu. Bhenhobho o kionge kioso anga ki ximana Jihova Nza mbi ia jitata jâ, hé a bhetama, a fukama bhu pholo ia Jihova ni bhu pholo ia Sobha.

II Malunda 20:18

Bheneʼobho-phe o Jozafate u di bhala ni pholo bhoxi mu ku diunda; ni Juda ioso ue ni iá a tungu mu Jeluzaleme, anga a di takula bhoxi mu kubheza Jihova.

II Malunda 32:8

Muene uala ni lukuaku lua xitu, etu-phe tuala-nê, muene Jihova, Nzambi ietu, phala o ku tu kuatekesa ni ku tu luila o ita ietu. O mundu anga a tululuka kievu maka ma Ezekiia, sobha ia Juda.

II Malunda 7:3

Ana oso a Izalaiele kia mono o túbhia ni unéne ua Jihova ua mu tuluka ku thandu dia inzu, a bhetamena jipholo bhoxi, ku mavu, hé a diunda, a ximana Jihova; mukonda mukua mbote, mbata o kulenduka kuê ki kuene kúbhua.

Nehemiia 8:6

Anga Ejidala u ximana Ngana, o Nzambi ia munéne; anga kifuxi kioso etaia ni kuleka o maku mâ bhulu, exi: Amém! Amém! Anga a bhetama, hé a bheza Ngana, ni jipholo bhoxi.

Jobe 1:20

Bheneʼobho, Jobe u balumuka, u tandula divunga diê, u konga jindemba mu mútue, hé u di takuila mu mavu, anga u bheza Nzambi.

Makatukilu 12:27

Enu mua kèla kuma: Sata iangene ia Jihova, kifua phasu iê, kia somboka o jinzo ja anʼa Izalaiele mu Ijitu, kizuua kia kuama akua Ijitu ene, o mabhata metu anga ua a bhana muenhu. O mundu bhenhobho hé a diunda a bheza.

Makatukilu 14:31

Izalaiele anga a mona o kidiuanu kia kalakala Jihova mu kubuidisa akua Ijitu; mundu anga a kala ni uoma ua Jihova; anga a xikana Jihova, ni selevende iê Mozé.

Makatukilu 19:8

O mundu-phe uoso anga etaiela kumoxi, exi: Ioso ia tange Jihova, iene i tua-nda kubhanga. Mozé anga u vutuila Jihova kioso kia zuela o mundu.

Makatukilu 19:9

Jihova anga u ambela Mozé, uixi: Eme nga-nda kuiza kokué; ngi ku tulukila mu dituta dia kitombe, phala o mundu a dʼivile kioso ki ngi ku zuelesa, phala eie ue a ku xikane katé ku hádia ni hádia. Kuma Mozé ua tangela Ngana kioso kia vutula o mundu ue.

Makatukilu 2:25

Nzambi anga u mona anʼa Izalaiele, Nzambi anga u suua o dilamba diâ.

Makatukilu 3:16

Ndeie, ua kà bhongolole adikimi a Izalaiele, ua kà ambele, kuma: Jihova, Nzambi ia jitata jenu, Nzambi ia Mbalahamu, ni Izake, ni Jakobo ua ngi tukulukila, uixi: Kidi kiene nga mi suu, nga mono ioso iala ku mi bhanga mu Ijitu.

Makatukilu 3:18

Ene-phe a-nda ku ku ivua dízui; kienhokio-phe ua kà bhiẋila kua muenexiʼa Ijitu ni eie ni adiakimi a Izalaiele kumoxi, mua kà mu ambela kuma: Jihova, Nzambi ia Jihebeleu, ua tu sange; kala kiki, eie tuehe-phe, tua ku diondo, tuie njila ia izuua itatu mu kikangalakata, tua kà satele Nzambi.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Makatukilu 33:10

Mundu uoso anga aia ni kumona o philadi ia dituta iemana bhu muelu ua balaka; mundu uoso anga emana, a bheza Jihova, kala muthu bhu muelu ua fundu iê.

Makatukilu 34:8

Mozé anga muʼanzanzʼomo, u bhetama pholo iê bhoxi, hé u bheza.

Makatukilu 4:5

Uixi: Phala a ku xikane, kuila Jihova, Nzambi ia jitata jâ, Nzambi ia Mbalahamu, Nzambi ia Izake, Nzambi ia Jakobo, ua ku tukulukila.

Sofoniia 2:7

Ndundu ia kalunga ia kà kala iangene phala oso a subhuka ku muiji ua Juda, nʼaxalela momo; muene mua kà disila o ilunga iâ ia ibhaku; o mu ngoloxi a kà zekela mu jinzu ja Axikilone, mukonda o Jihova Nzambi iâ ua kà a zungila, o uíndua uâ ua kà u lungulula kuzediua anga u a tula dingi bhu kididi kiâ; o jihutile jâ ua ka ji vutula dingi kʼoxi iâ.

Luka 1:68

Sakidilenu Ngana, Nzambi ia Izalaiele! Kuma mundu uê ua u zungila, ua u kula;

Luka 8:13

Oso ala ku thanduʼ a matadi, ene, ki évua o maka, a ma tambulula kiambote; ene-phe kuma a kambe jindanji, a xikana ngó kathangana, o bhu kumbi dia phaxi, a lémbua-ku kiá.

Lute 1:6

Nouemi anga u balumuka ni akaji a anʼê mu kutunda mʼoxi ia Mouabhe nʼa vutukise ko kuâ, kuma uevila mʼoxi ia Mouabhe kuila Jihova ua xinganeka mundu uê, iu ua a bhana kia kúdia.