Makatukilu 4:23 - O Mikanda Ikola

²³ Nga tumu ku ku ambela kuila: Eha monaʼami, phala a ngi kalakele; eie-phe ki ua ditunu ku mu eha, eme nga-nda kujibha monʼé ua phande-kumbi.

Makatukilu 4:23 ပူးပေါင်းရင်းမြစ်များ

Jisálamu 105:36

U jibha ana oso a phandekumbi mʼoxi iâ, ene ana a dianga, a nguzu iâ ioso.

Jisálamu 135:8

Muene ua beta anʼa phandekumbi mu Ijito, tunde ku athu katé ni ku ibhaku;

Jisálamu 136:10

Ua beta ana a phandekumbi mu Ijito; kuma kulenduka kuê ki kuene kúbhua.

Jisálamu 78:51

U beta ana oso a phande-kumbi mu Ejito, ua tebhununa anʼa nguzu mu mabhata ma Hame.

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Makatukilu 10:4

O ki uila ngué kueha o mundu uami, nʼaiʼâ, mungu muene ngi bheka kihoho mu jimbámbe jé.

Makatukilu 11:5

anʼoso a phande-kumbi mʼoxi ia Ijitu afua, tunde ku phande-kumbi ia Falaó a xikama-nê bhu kiandu, katé ku phande-kumbi ia kahatu kaia ku dima dia ditadi dia kuhuhila; ni anʼa ibhaku oso ue a phande-kumbi.

Makatukilu 12:29

Anga ki bhita-phe kuila, o usuku uenhó, mu kaẋi ka kizuua, Jihova u kuama ana oso a phande-kumbi mʼoxi ia Ijitu, tunde ku thungunu ia Falaó, ua xikama bhu kiandu kiê, katé ku monʼa hutile a mu kutila mu kaleia; ni anʼa phande-kumbi ku ibhaku.

Makatukilu 13:15

Mukonda o mu kuiza ku ki bhanga, kia thathamana Falaó, iú ua di tunuʼê ku tu eha, Jihova ua jibha ana oso a phande-kumbi mʼoxi ia Ijitu, ni ku anʼathu, ni ku anʼa ibhaku; kiene kia ngi bhangesa kuila ana oso a tuama kujikula o divumu, ngʼa a lumbila Jihova, se jimdumbe; o anʼa phande-kumbi ku athu-phe, ngʼa a kula.

Makatukilu 18:8

Mozé anga u kunda ukouʼê kioso kia bhange Jihova kua Falaó ni kua akua Ijitu, mukonda dia jihenda ja kuatela Izalaiele, ni jihadi joso ja tale mu njila, ni kia a kuatekesa jinga Jihova, mu ku a kudila.

Makatukilu 3:18

Ene-phe a-nda ku ku ivua dízui; kienhokio-phe ua kà bhiẋila kua muenexiʼa Ijitu ni eie ni adiakimi a Izalaiele kumoxi, mua kà mu ambela kuma: Jihova, Nzambi ia Jihebeleu, ua tu sange; kala kiki, eie tuehe-phe, tua ku diondo, tuie njila ia izuua itatu mu kikangalakata, tua kà satele Nzambi.

Makatukilu 5:1

Kia zubha kubhanga kiki, Mozé ni Alá a bhiẋila kua Falaó a mu ambela, exi: Kiene kia zuela Jihovʼiki, Nzambi ia Izalaiele: Eha mundu uami, phala aie mu kikangalakata, a ngi bhangele-mu fesa.

Makatukilu 6:11

Bokona kua Falaó, u zuele-nê, kuila ehe anʼa Izalaiele, a tunde mʼoxi iê.

Makatukilu 7:16

Ua kà mu ambela kiki, uixi: Jihova, Nzambi ia Jihebeleu, ua ngi tumu ko kué uixi: Eha o mundu uami phala aie ku ngi bhikila mu kikangalakata; ua mono-phe katé ni kiki kua ẋikina kuívua.

Makatukilu 8:1

Jihova anga u ambela dingi Mozé, uixi: Bokona kua Falaó u mu ambela, uixi: Jihova uambe kiki: Eha o mundu uami, aie a ngi bhikile.

Makatukilu 8:16

Jihova anga u ambela dingi Mozé, uixi: Tangela Alá a leke o mbangala iê, a bete o fufutila ia mavu bhoxi, phala i biluke jina mʼoxi ioso ia Ijitu.

Makatukilu 8:17

Anga a ki bhanga; kuma Alá ua leka o lukuaku ni mbangala, iú ua beta of fufuta ia mavu bhoxi anga muiza jina ni ku mikutu ia athu, ni ku mikutu ia ibhaku; fufutila ioso ia mavu ia biluka jina mʼoxi ioso ia Ijitu.

Makatukilu 8:20

Jihova anga u ambela dingi Mozé, uixi: Mungu u fundumuka mu kimenemene, uimane bhu pholo ia Falaó; uejiia iene ola iê ia kutunda kuia ku menha; u mu ambela, uixi: Jihova uambe kiki: Eha o mundu uami, phala a ngi bhikile.

Makatukilu 9:1

Kienhókio o Jihova anga u ambela dingi Mozé, uixi: Bokona kua Falaó u mu ambele, kuma Jihova, Nzambi ia Jihebeleu, uambe kiki: Eha mundu uami, phala aie a ngi bhikile.

Makatukilu 9:13

Bhenhobho Jihova anga u ambela Mozé, uixi: Ki kúkia, u di meneka dingi ua kèmane bhu pholo ia Falaó, u mu ambela, kuma: Jihova, Nzambi ia Jihebeleu, ua-mbe kiki: Eha o mundu uami, phala aie ku ngi bhikila.

Makatukilu 9:2

Mukonda ki u dituna ku a eha, hé u jijila ku a kuata mu nguzu,

Hozeia 11:1

Izalaiele kioso kiala hanji kamona ka ndenge, Eme nga mu zolo kiá; o mu Ijitu muene mu ngexanena monʼami.