Makatukilu 4:2 - O Mikanda Ikola

² Jihova anga u mu ambela, uixi: Kima kiahiʼokio ki ua kuata bhu maku? Uixi: Mbangala.

Makatukilu 4:2 ပူးပေါင်းရင်းမြစ်များ

Dimatekenu 30:37

Jakobo anga u kuata miẋi ia uisu, jithangu ja álamo ni ja avelela ni ja kastanhelu, u i teta phala i kale ni mixinda iazele, o kuzela kuê moxi ni kuii ni kumoneka.

II Jisobha 4:2

Kuala Ilizeu: Eme-phe ngi ku bhanga kiebhi? Ngi tangele mba mʼonzo uala-mu ni kima kiahi. Muene uixi: Kahetu ké, ngana, mʼonzo kala-mu ni kima, kikale ngó botija imoxi ia maji, kuabhu!

Jisálamu 110:2

Jihova u ku tumikisa o mbasá ié ia nguzu tunde mu Ziione, uixi: Enda ni kutumina o jinguma jé.

Makatukilu 4:17

Bhu maku uambata o mbangala ienhiʼii, iene i uenda ni kubhanga na-iu o ijimbuete.

Makatukilu 4:20

Mozé anga u zangula mukajiʼê, ni anʼê a mala, u a ta ku bulu, u katuka mu kuia dingi mʼoxi ia Ijitu, ni mbangala ia Nzambi uê ua i kuata bhu lukuaku.

Makatukilu 7:15

Eie-phe ndeie kua Falaó mu kimenemene; kuma muene ua-nda kuila ola ioio ku menha; eie-phe ua kʼèmana ku kubumu kia Nilu, u takane-nê; o mbangala ia kitukile o nhoka uia na-iu uê bhu maku.

Makatukilu 7:9

Kioso Falaó kia kà zuela ni enu, kia kèla idikiza hanji kidiuanu kienu; bhenhobho ua kʼambela Alá, uixi: Kuata mbangala, u i takuile bhoxi bhu pholo ia Falaó i kituke nhoka.

Izaía 11:4

Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.

Ijila 27:32

Ki tu tanga-phe o tukuinhi ku ibhaku ia jingombe ni jimbudi, ni ibhaku ioso kiá ia seia ni mbangala ia mubidi, mu ku i kondala, o kakuinhi koso muene katokala ku díjimu diangene dia Jihova.

Mikeia 7:14

Ni dikoue dié, enda ni kuinga o muiji ué, mukonda kiene o kilunga kia undu-ndu ué, kia tunga kì kia kalé ngó ubheka uê mu ditutu, mu kaxi ka ixi ibhakula kiambote o idima; ua engila mu Basane ni mu Ngiliiade, phala a kà dile mueneʼomo kala mu izuua ia xahulu.