Makatukilu 4:15 - O Mikanda Ikola

¹⁵ Eie-phe ua kà zuela ni muene, u mu ta maka mu kanu diê; eme-phe ngi kala ni dikanu dié, ni dikanu dia muene, anga ngʼenda ni ku mi longesa ioso i mu bhanga.

Makatukilu 4:15 ပူးပေါင်းရင်းမြစ်များ

II Samuuele 14:3

Phala u bokone kua muenexi, u mu zuelese kala kiki: Jouabe anga u mu longesa maka moso ma kà zuela.

Jisálamu 25:12

Muthu uebhi uene ni uoma ua Jihova? Muenhó Jihova u mu longa njila ia fuama kusola.

Jisálamu 51:15

Ngi jikule, Ngana, o mizumbu; dikanu diami di kale mu ku tumbula jinga o fuma ié.

Makatukilu 3:12

Kuala Nzambi, uixi: Ni kidi kiene, Eme ngà kala ni eie; o kiki kiá kala kijimbuete, kuma eme muene nga ku tumu: Kioso ki ua kà tundisa o mundu mu Ijitu, Nzambi hinu mu mu bhezela mu mulundu muenhumu.

Makatukilu 4:12

Kiki-phe ndé kindala, eme muene ngi kala ni dikanu dié, ngi ku longesa kioso ki ua kà zuela.

Makatukilu 4:28

Mozé anga u kunda Alá maka moso ma Jihova ma mu tumu-nâ, ni ijimbuete ioso ia mu tendelela ku i bhanga.

Makatukilu 4:30

Alá anga u tanga maka moso ma tangela Jihova kua Mozé, u bhanga ijimbuete bhu mesu a mundu uoso.

Izaía 51:16

Eme-phe ngi ta maka mami mu kanu dié, hé ngi ku vungina ni kilembeketa kia lukuaku luami, phala kuxikika o diulu, phala ue kusoma oxi, ni kuambela ue Ziione kuma: eʼmuène u povo iami.

Izaía 59:21

Kienhiki, kiene kikutu kiami eme ki ngi ta-nâ, eme ngi Jihova: O Nzumbi iami ia ku tula ku thandu, ni maka mami, u nga-te mu kanu dié, ka kà tunda-mu né mu kanu dia mbutu ié, né mu kanu dia mbutu ia mbutu ié, a xalela muene tundé kiki katé ku hádia ni hádia, kiene kia tange Jihova.

Jelemiia 1:9

Jihova iú ua sunununa o lukuaku luê, anga u ngi tuta ku dikanu; anga Jihova u ngambela uixi: Tala, ngi ta maka mami mu kanu dié.

Jelemiia 36:32

Jelemiia hé u katula dilanda diengi, u di bhana kua Mbaluke, monʼa Nediia, o musoneki, iú ua sonekena-ku, ku dikanu dia Jelemiia, maka oso a divulu dioha Nzuakí, sobha ia Juda, mu túbhia; o kuene hanji kua di tele dingi maka a mukuá a di fu ni enhó.

Dialuilu 16:28

Bhenhobho-phe Mozé uamba, uixi: Bhene bhu mua-nda ku kʼijidila kuila o Jihova muene ua ngi tumu o kubhanga ima ioso ienhiʼii, ki ia mu di tundila ku muxima uami.

Dialuilu 22:38

Balamu anga u vutila Balake, uixi: Ngeza-phe kiá muene; maji né ki ngezʼiki, ngala ni kutena kua kima kuila ngi zuela? Kioso kizuelu kia ngi te Nzambi mu kanu, kale kiene ki ngi zuela.

Dialuilu 23:12

Muene anga u vutula, uixi: Manhi ngi kamba kukaiela kioso kia ngi te Jihova mu kanu?

Dialuilu 23:16

Jihova anga u takana ni Balamu, u mu ta kizuelu mu kanu, uixi: Vutuka kua Balake, u zuele Kienhiki.

Dialuilu 23:5

Jihova anga u ta kizuelu mu kanu dia Balamu, uixi: Vutuka kua Balake, u zuele kienhiki.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

I Kolindo 11:23

Kuma eme nga tambula kua Ngana, kioso ki nga mi longo enu, kuila; Ngana Jezú, usuku uenʼ ió ua mu bhakuile ku jinguma, ua katuile o mbolo,

I Kolindo 15:1

Kindalʼ iki-phe, enu jiphange, nga mesena mu lembalala o Njimbu Iambote i nga mi tudilile. O Njimbu ienʼ iii iene i mua tambulula enu, o kuxikana kuenu ku muala na-ku, muene mu kuemanena.

Matendelelu 18:18

Talesa-phe, Eme nga-nda kubalumuna kiá polofeta muʼaxaxi ka phange jé, mukua ni eie, anga ngi mu ta o maka mami mu kanu diê, muene anga u a jimbuila ioso i ngi mu tuma.

Matendelelu 5:31

Maji eie-phe uxiala nʼeme bhenhabha, phala ngi ku ambele o ijiia iami ioso, ni jingonge ni mabatuilu, iene i uenda ni ku a longa ene o ku i aiuka, kioso kia kà bokona mʼoxi i nga-nda ku a bhana o ku i vua.

I Samuuele 16:3

Ua kèxana Jese ku sata, eme-phe ngi ku idikiza dingi kioso ki u bhanga. Ua kà unda ni maji muthu uami uoso ngi ku ambela-nê dijina diê.