Makatukilu 4:11 - O Mikanda Ikola

¹¹ Jihova anga u mu ambela, uixi: Nanhi muene ua bhanga o dikanu dia muthu? U bhangesa kuila iú dibubu, iú muxilu, o iú u mona, iú kifofo? Manhi ki eme muene ngi Jihova?

Makatukilu 4:11 ပူးပေါင်းရင်းမြစ်များ

Dimatekenu 11:7

Ndokuenu, tu tuluke, tu a bhidike mu kuzuela kuâ, phala a lémbue ku dʼivua mudiâ.

Dimatekenu 18:14

Kifua Jihova sai kima ki mu bhonza ku ki bhanga? Tala, muvu uiza-mu, bhu kumbi kala bhenhabha, bhu kithangana kienhiki kia muenhu uenu, nga kʼeza dingi kikuʼé, o Sala ukala ni mona.

Jisálamu 146:8

Jihova u jikula o mesu a ifofo; Jihova u bhetula ió a zeka bhoxi; Jihova u zola ió aiuka.

Jisálamu 51:15

Ngi jikule, Ngana, o mizumbu; dikanu diami di kale mu ku tumbula jinga o fuma ié.

Jisálamu 94:9

Ua bhanga o dítui, kífua u kamba kuívua? Ió ua iudika o diesu, mbé u kamba kumona?

Jisabhu 20:12

Ni dítui di xikina o kuívua, ni diesu di xikina o kumona, Jihova muene ua bhange kiiadi kiâ.

Izaía 42:7

Phala u tonese o mesu a ifofo, ni ku jituna oso a a kuika, ni ku katula muʼaleia oso-a xikama mu kitombe.

Izaía 6:7

Anga u ngi tuta na-diu ku dikanu, uixi: Talesa, dikala didi dia ku tuta ku mizumbu; kikuma kié kiabhu, o kituxi kié kióloloke.

Jelemiia 1:6

Eme bhenhobho ngixi: Èlé! Ngana Nzambi, tata! Talesa-ze, eme ki ngiʼjiia kuzuela; mbata ngala ngi mona-ndenge,

Jelemiia 1:9

Jihova iú ua sunununa o lukuaku luê, anga u ngi tuta ku dikanu; anga Jihova u ngambela uixi: Tala, ngi ta maka mami mu kanu dié.

Izekiiele 33:22

Kienhókio o lukuaku lua Jihova lua kexile nʼeme ku kiemba, kioso hanji ió ua subhuka kʼeza luua; lua ngi jikula o dikanu katé ió kia ngʼendela mu kimenemene; o dikanu diami dia jikuka, eme ue ki ngi di xibha dingi.

Amoji 3:6

Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Luka 1:20

Kiki-phe u kala u dibubu, kutena kuzuela, katé kizuua kia kà bhita imʼiíi, mukonda eie kua xikana kizuelu kiami, maji o kiene-phe kia kà bhita bhu thembu iê.

Luka 1:64

Kathanganʼoko dikanu diê di jikuka, ni dimi diê di jituka, Zakadiia anga u kala dingi mù zuela ni kuximana Nzambi.

Nzuá 10:21

Amukuá exi: Iá ki maka ma mukua-dimonho. Uala ni dimonho, ka zuela kiki! Kaxi dimonho, di tena kujikula mesu ma kifofo?