Makatukilu 39:32 - O Mikanda Ikola

³² Kienhiki kia zubha o sedivisu ioso ia kibuta kia balaka ia ditakanenu; o anʼa Izalaiele a kumbidila kioso kia tumu Jihova kua Mozé, kiene muene kia bhange.

Makatukilu 39:32 ပူးပေါင်းရင်းမြစ်များ

I Jisobha 6:38

O mu muvu ua kakuinhi ni umoxi, ua utuminu uê, bhu mbeji ia Bule, o mbeji ia kanake, kiene kia zubha kutunga o inzo ioso ia Jihova ni maxilu mê moso ni ima iê ioso ia tokala-ku, kala ki iafuama o kukala. Solomá uabhange sambuadi dia mivu ni ku i tunga kté ki iabhu.

I Jisobha 7:40

Kia zubha kubhanga ima ioso iii, Hilamu ubhanga dingi o jímbia ja makota ni jipá ni malonga a menha a pholo. Kienhiki Hilamu ua zubha kubhanga o kikalakalu kioso kia mu tumu sobha Solomá phala o inzo ia Jihova.

I Malunda 28:19

Davidi uixi: Ima ioso íii iòsoneke, ia ngʼ ijidisa o kizuelu kia Jihova ku ikalakalu ioso, kala ki iala mu mixinda i a kibhela kiki,

Makatukilu 12:28

Anʼa Izalaiele anga a tunda-bhu, a ki bhanga; kioso kia tumu Jihova kua Mozé ni Alá, a ki bhange muene.

Makatukilu 25:40

o ulungu uê uene ua ku idikiza mu mulundu.

Makatukilu 31:7

O balaka ia kutakanena, ni álaka ia umbangi, ni kibhuna kia kiadi ku thandu diê, ni imbamba ioso ia balaka,

Makatukilu 39:31

Anga a i ta ni fita ia azulu, a i kutila ku kijinga ku pholo; kala kia tumu Jihova kua Mozé.

Makatukilu 39:33

Anga a bheka o balaka kua Mozé, ni balaka ia ditakanenu ni imbamba iê ioso, ni jikoloxete, ni mabaia a jingunji, ni mikangala iê, ni jiphiladi, ni ibaka iê,

Makatukilu 40:1

Jihova anga u ambela dingi Mozé, uixi:

Makatukilu 40:3

U ta muenhomo álaka ia umbangi, álaka anga u i xitila ni kibatulu.

Makatukilu 40:32

Kioso kia bokona mu balaka ia ditakanenu, mba kia zukama ku kalatódio, a di sukula; kala kia tumu Jihova kua Mozé.

Dialuilu 3:31

Kimbamba kiâ o álaka, ni meza, ni kaxtisale, ni jikalatódio, ni imbamba ioso iene mu bhanga na-iu kikalakalu kia dibhezelu, ni dibeka dia kibatulu ni ima ioso ia tokala-ku.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Matendelelu 12:32

Endenu ni ku di tongesa kiambote mu kualuka ima ioso i nga mi tendelela eme; ku imaʼiii ki mu te-ku, ki mu katule-ku.

Jihebeleu 3:2

Mukonda muène ua kexile fiiele kua Nzambi, ua mu solo phala kikalakalu kiki, uila Mozé kia kexile fiiele mu kikalakalu kia dibhata dioso dia Nzambi.

Jihebeleu 8:5

O sedivisu iene mú bhanga o jinganga jiji iala ngó idifua, mba ilembeketa ia ima iene mu diulu. Kiene Nzambi ki ambela Mozé. Kioso muène kia kala mu kuiudika o balaka Nzambi u mu dimuna, uixi: Talesa, ima ioso ki u i bhanga, o ulungu uê (o kidifuanganu kiê) u kala kala u nga kuidikisa ku mulundu.

I Samuuele 15:22

Samuuele-phe, uixi: Kifua ki uabhela kiavulu Jihova maujitu ma kuoha ni jisata, inga ki mu uabhela o kutumaka dízui dia Jihova? Mukonda, o kutumaka kota, kusatela ndenge, o kubelesela ue kota ki ku soko ni banha ia jimbudi.