Makatukilu 38:7 - O Mikanda Ikola

⁷ Mikambu anga u i tela mu malenge, mu jimbanji ja kalatódio, iene ia kuambatela; o kalatódio kene ua ka iudika, ni mabaia kala kaxa, moxi muala ngó.

Makatukilu 38:7 ပူးပေါင်းရင်းမြစ်များ

Makatukilu 38:6

Anga u iudika ni mikambu ia muẋi ua xitimi, u i folala ni ngôndo.

Makatukilu 38:8

Anga u iudika ni mbasinha ia kusukuila, ia ngôndo, ni mbunda iê i tula bhoxi ia ngôndo, ua i iudika ni malumuenu ma bhana ahatu akua kusedivila bhu muelu ua balaka ia kutakanena.

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

I Kolindo 1:24

Maji phala ene-phe oso a exana, kuala Nzambi, ni ku Jijudé, ni kua ió ki Jijudé, Kristu muène o nguzu ia Nzambi. Muène o unjimu ua Nzambi.

I Kolindo 2:2

Kuma kioso ki nga kexile kumoxi ni enu, ki ngi solele dingi kuijiia kima kiengi mudienu, kikale ngó Jezú Kristu, kota-kota dingi o kufua kuê kua fuile ku dikulusu.