Makatukilu 37:6 - O Mikanda Ikola

⁶ U iudika ue ni kibhuna kia kiadi, kia ulu ua fina, kulebha kuê kôvadu jiiadi ni kaxaxi, o kuzanza kuê kóvadu ni kaxaxe.

Makatukilu 37:6 ပူးပေါင်းရင်းမြစ်များ

I Malunda 28:11

O Davidi anga u bhana monʼê Solomá o muxinda ua kibhela kia Tembulu, ni jinzo jê joso, ni mabhakelu mê ma jimbongo, ni jinzo ja matala, ni maxilu mê moxi, katé ni Inzo ikôla, ia kulolokela o ituxi.

Makatukilu 31:7

O balaka ia kutakanena, ni álaka ia umbangi, ni kibhuna kia kiadi ku thandu diê, ni imbamba ioso ia balaka,

Makatukilu 37:5

Mikambu iii u i ta mu malenge ku mbandu jiiadi ja álaka, i kale ia kuambatela o álaka.

Makatukilu 37:7

Anga u iudika ni jixelube jiiadi ja ulu; ua ji iudika ni ufunu ua kusula, u ji ta ku sungu jiiadi ja kibhuna kia kiadi.

Loma 3:25

Nzambi ua bhakula Kristu mu kukala sata, phala mu kufua kuê, Kristu a biluke muène diluuluilu dia athu nʼa tambule o muloloko ua ituxi, mu ku mu xikana muène. Nzambi ua bhange kiki, mù ku idikiza kuila muène uaiuka. Kuma Nzambi mukua muanu, o ituxi ia ta jinga athu mʼ ukulu ua i somboka mu kulenduka kuê.

Ngalásia 4:4

Maji kieza o thembu iatenena, Nzambi ua tumikisa Monʼê muene. Muene iú ueza kala mona a mu vuala ku muhatu mu ngongo, a mu vuala iú ua kudila bhoxi dia Kitumu kia Jijudé.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 9:5

O ku thandu dia álaka kua kexi jikelubini jibenha jʼedikiza o Kizunda kia Nzambi, joleka o mabhabha mù vungina o kididi kia kulolokela o ituxi. Ima ioso iii-phe ku i lombolola kindalʼiki mu kimoxi-kimoxi, ki tu tena.

I Nzuá 2:2

Mukonda Jezú Kristu, muène kiluuluilu kia ituxi ietu. O ietu-etu ngó ki iene, maji ue ni ia mundu uoso.