Makatukilu 37:23 - O Mikanda Ikola

²³ Anga u iudika jilâmbada jê, sambuadi; ni tanaji jê, ni dibandeja diê, ja ulu uoso ua di kenze kiambote.

Makatukilu 37:23 ပူးပေါင်းရင်းမြစ်များ

Makatukilu 25:37

Ku thandu diê u ta-ku jikandeia ji kala sambuadi; a ji sendela jinga phala ji muikine bhu pholo ia kandeia bhuoso bhu kemana; ua kà iudika ue sambuadi dia jikandeia nʼu ji te bhu thandu diê phala a ji bambule jinge ni kumuikina bhuala kandeia.

Makatukilu 25:38

O itokelu iê ni ijiminu i kala ia ulu uòkenze.

Makatukilu 37:22

Ni ixina ni jithangu ji kala pesa imoxi; iene ioso a i sudila kumoxi, ia ulu ua di kenze kiambote.

Makatukilu 37:24

Talendu ia ulu ua fina uaii-mu, mu kuiudika kandeia kene, ni ima iê ia mukuá iii ia tokala-ku, o itulu iê.

Zakadiia 4:2

Anga u ngʼibhula, uixi: Ua mu monʼhi? Eme-phe nga mu vutuila, ngixi: Nga mu tala, eme nga mono Tudilu dia tundeia, dia ulu uoso, ni thenda ia maji bhu thandu diê, ni sambuadi diê dia tundeia. Kandeia ni Kandeia ka tudika ku thandu diê, kala ni sambuadi dia jimbungu.

Dialuilu 8:2

Ambela Alá kuma, kioso ki u uika tundeia, sambuadi dia tundeia tu muikina bhuoso bhuemana o kaxtisale.

Dijingunuinu 1:12

Eme anga ngi sakuka phala kumona ió ua ngi zuelesa, o ki nga zubha kusakuka, nga mono sambuadi dia kandeia ka ulu.

Dijingunuinu 1:20

O dijimbuluilu dia kijimbuete kia sambuadi dia théthembua di ua mono bhu lúkuaku luami lua dilu, ni dia sambuadi dia tundeia tua ulu, didi: O sambuadi dia théthembua, o ji-anjo ja tokala ni sambuadi dia Ngeleja; o sambuadi dia kandeia, o sambuadi dia Ngeleja.

Dijingunuinu 4:5

Mu kiandu anga mu telaka jinzaji, mu tunda màzui, ni inuminu. O bhu pholo ia kiandu, bhua uama sambuadi dia sama ja túbhia, diene o sambuadi dia Nzumbi ia Nzambi.

Dijingunuinu 5:5

Kikulakaji kimoxi anga u ngʼambela, uixi: Ku dile. Tala! O Hoji ku muiji ua Juda, mukua Lundânji lua Davidi, ua tambula o kikoue, muène u lenda kubula o sambuadi dia kidimbu didi, ni kujikula o divulu diê.