Makatukilu 36:8 - O Mikanda Ikola

⁸ Kala kiki o jihete joso ja muxima eza ku kalakala, a tunga o balaka ni kuinhi diê dia kulutina; a iudika ni linhu ia fina ioxise, ni jingoji ja azulu, ni ja púlupula, ni ja kalumezim, a ta-ku ni jixelube, ufunu ua mesene ia mulongo; iene ioso, Bezalele ua i iudikisa.

Makatukilu 36:8 ပူးပေါင်းရင်းမြစ်များ

I Jisobha 6:23

O moxiʼa dibhezelu uatula-mu jixelube ji iadi ja iudika ni mabaia a muxi ua mudiva; o jixelube jiji, kitala kiê kia kuinhi dia kóvadu.

I Malunda 15:1

Davidi ua tungu ue jinzo phala muene, mu mbanza ia Davidi; iu ua iudika kididi phala o álaka ia Nzambi, iu ua i tungila balaka.

II Malunda 1:3

Solomá anga uia ni kionge kioso kumoxi-nê, bhu ditala dia dileka dia kexile mu Ngibiione, kuma bhene bhua kexile Balaka ia kionge kia Nzambi, ia iudikile Mozé, ngunza ia Jihova, mu ixi ia kisekele.

II Malunda 3:10

Anga u iudika ue mʼonzo ia ukòlelu u kôla kinéne, jixelube jiiadi mu kidífua kia akua kuenda, hé u ji ta ue ulu.

Makatukilu 25:18

Anga u iudika ue ni jixelube jiiadi ja ulu; ufunu ua kusula u bhita-bhu; ji suka bhu pondo ni pondo ia kibhuna kia kiadi.

Makatukilu 25:22

Bhenhobho bhene bhu tu takanena jinga, ki ngiza kokué; bhu thandu dia kibhuna kia kiadi, bhene bhu nga kà zenzamena mu ku ku zuelesela mu kaẋi ka jixelube jala ku thandu dia álaka ia umbangi, o ima ioso i ngi ku tuma kuambela anʼa Izalaiele.

Makatukilu 31:6

Talesa ue, sai mukuâ nga mu bhana-nê phala ku mu kuatekesa, dijina diê Aholiiabe, monʼa Ahisamake, ku muiji ua Dane; ni athu amukuá oso ala jihete, nga a te ku miẋima iâ o kuijiia kua tokala, phala a tene kuiudika ima ioso i nga ku tumu.

Makatukilu 31:7

O balaka ia kutakanena, ni álaka ia umbangi, ni kibhuna kia kiadi ku thandu diê, ni imbamba ioso ia balaka,

Makatukilu 35:10

Athu oso ala jihete ja muxima mudienu, eze, a iudike ima ioso ia tumu Jihova:

Makatukilu 36:9

Kulutina imoxi kulebha kuê makuinhi aiadi a kóvadu ni nake, o bhu lubongo kôvadu jiuana; mbongo joso midila imoxi.

Makatukilu 39:3

O ulu a dianga ku u sula ibasakasa ia fina, anga a u batujila kala jingoji ji ẋikina ku ji tungila kumoxi ni ja azulu, ni ja púlupula, ni ja kalumezim ni linhu ia fina, uhete ua ufunu ua mesene ia mulongo.