Makatukilu 35:3 - O Mikanda Ikola

³ Kana kuuika túbhia ku mabhata menu oso, mu kizuua kia sabhalu.

Makatukilu 35:3 ပူးပေါင်းရင်းမြစ်များ

Makatukilu 12:16

Kizuua kiadianga, mu kala ni kionge kikôla; mu kizuua kia kasambuadi ue, mu kala ni kionge kikôla; mu izuua iiadi iii, ki mu bhange midimu ia kima, kikale ngó kikalakalu kia kubhanga kúdia; kiene ki mu bhanga, kuabhu.

Makatukilu 16:23

Muene anga u a ambela, uixi: Kiene muene kia zuela Jihova; uixi: Mungu kizuua kiangene kia kunhoha, sabhalu ikola ia Jihova; kangenu ioso i mua mesena kukanga, lambenu ue ioso i mua mesena kulamba; o futa ioso i mu xia-ku, bhakenu-iu, phala enu mungu ki kúkia.

Makatukilu 20:9

Kalakala mu izuua i samanu, u zubhe kikalakalu kiê kioso.

Makatukilu 23:12

Izuua isamanu i u kalakala o thonga ié ioso, kia kasambuadi-phe u ki nhoha; phala ni ngombe ié ni bulu ié i nhohe; phala ue ni monʼa kahatu kê ni nzuángiza a sunge nguzu ióbhe.

Makatukilu 31:15

Mu kalakala mu izuua isamanu, o kia kasambuadi-phe kiene kia sabhalu ia dinhohenu di kôla; ki kôla kua Jihova; o uoso u bhanga kima kioso-kioso mu kizuua kia Sabhalu, muthu ua ku mu jibha.

Makatukilu 35:4

Mozé anga u ambela dingi kilômbo kioso kia anʼa Izalaiele, uixi: Kima kiki kia tumu Jihova, kuila:

Izaía 58:13

Se kinama kié u ki vutula ku sabhalu, ufula kubhanga o vondadi ié eʼmuène mu kizuua kiami kikôla, o sabhalu anga u ixana mbote kuma kizuua kiangene kiakolesa Jihova, kia ujitu, o kiene anga u ki xila, hé u fula kukaiela jinjila jé eʼmuène,

Ijila 23:3

Ikalakalu ia tokala izuua isamanu, maji o kia sambuadi kikale jinge sabhalu ia dinhohenu, kionge kikôla; ki bhu kale midimu ia kima; ikale sabhulu iangene ia Jihova, ku madiembu menu moso-lolo.