Makatukilu 35:2 - O Mikanda Ikola

² Kuala izuua isamanu ia kubhanga sedivisu, kia kasambuadi-phe ki mi kala kizuua kiangene, sabhalu ia kunhohena Jihova; uoso u bhanga kikalakalu mu kizuua kiki, muthu ua ku mu jibha.

Makatukilu 35:2 ပူးပေါင်းရင်းမြစ်များ

Makatukilu 16:23

Muene anga u a ambela, uixi: Kiene muene kia zuela Jihova; uixi: Mungu kizuua kiangene kia kunhoha, sabhalu ikola ia Jihova; kangenu ioso i mua mesena kukanga, lambenu ue ioso i mua mesena kulamba; o futa ioso i mu xia-ku, bhakenu-iu, phala enu mungu ki kúkia.

Makatukilu 23:12

Izuua isamanu i u kalakala o thonga ié ioso, kia kasambuadi-phe u ki nhoha; phala ni ngombe ié ni bulu ié i nhohe; phala ue ni monʼa kahatu kê ni nzuángiza a sunge nguzu ióbhe.

Makatukilu 34:21

Izuua isamanu i u kalakala, kia kasambuadi-phe u ki nhoha, kixi bhu thembu ia kudima, kixi bhu thembu ia kumuna, u ki nhoha muene.

Izaía 58:13

Se kinama kié u ki vutula ku sabhalu, ufula kubhanga o vondadi ié eʼmuène mu kizuua kiami kikôla, o sabhalu anga u ixana mbote kuma kizuua kiangene kiakolesa Jihova, kia ujitu, o kiene anga u ki xila, hé u fula kukaiela jinjila jé eʼmuène,

Ijila 23:3

Ikalakalu ia tokala izuua isamanu, maji o kia sambuadi kikale jinge sabhalu ia dinhohenu, kionge kikôla; ki bhu kale midimu ia kima; ikale sabhulu iangene ia Jihova, ku madiembu menu moso-lolo.

Nzuá 5:16

Mukonda dia kiki, Jijudé ji kala mù zukutisa Jezú, kuma ua bhange ima iíi mu kizuua kia Sábhalu.