Makatukilu 34:9 - O Mikanda Ikola

⁹ Uixi-phe: Se ni kidi kiene, nga sange ngalasa ku mesu mé, Ngana, nga ku diondo, Eie-muène endela muʼaxaxi ketu; kuma etu tu mundu ua thathamana jixingu. Tu loloke-phe o kubhukumuka kuetu, ni ituxi ietu, nda u tu tambulule mu kukala tu undundu ué.

Makatukilu 34:9 ပူးပေါင်းရင်းမြစ်များ

Jisálamu 135:4

Mukonda Jihova ua solo Jakobo, nʼa kale muthu ua kazola kê, o Izalaiele uene o muiji ua undûndu uê uangene.

Jisálamu 25:11

Nga ku diondo, mu dijina dié, u Jihova, ngi loloke o kubhukumuka kuami, mukonda kuavulu!

Jisálamu 28:9

Bhulula, Ngana, o mundu ué; undundu ué u kale ni dibesá; kala eʼmuène u mubidi uâ, u a dise izuua ioso.

Jisálamu 33:12

Ixi ioio i zediua, avu Jihova kuma Nzambi iâ; ni mundu uoso ua solo muene, kuma undundu uê.

Jisálamu 78:62

Mundu uê ua a bhakula ku xibhata; ua luuala, undundu uê ua mu kumu.

Jisálamu 94:14

Kuma Jihova ka tena kusenga o mundu uê, muene ka tena kuehelela o undundu uê.

Makatukilu 19:5

Kiki-phe, se mu tumaka muene dízui diami, se mu kuata o kikutu kiami, mu kala mu athu ami angene, mua di tungula ku miji ioso; kuma ioso mu ngongo eme muene ia ngi tokala.

Makatukilu 32:9

Jihova anga u ambela dingi Mozé, uixi: Mundu iú nga u mono kiá, ua thathamana jixingu.

Makatukilu 33:12

Mozé anga u zuela ni Jihova, uixi: Ua mono, Eie ua ngʼambela, uixi: U bheka mundu iú ku ala kuia; maji kua ngi tangela uoso ua-nda ku mu tuma, ngenda-nê kumoxi. Maji Eie ua ngi tangela, kuma: U muthu nga ku ijiia o dijina; uixi dingi: Ua sange ngalasa ku mesu mami.

Makatukilu 34:7

Jihenda jê ji nangenena ku jimidi ja miji, hé u loloka o kubhukumuka, ni kuxibhaka, ni ituxi, maji ka ẋikina-phe kueha muedi ni ku mu ila ualungu, o kubhukumuka kua jitata, ku bhiẋika kuxixima ku ana ni alaula, katé ku muiji ua katatu ni ua kauana.

Izaía 48:4

Mbata eme nga kʼijidile kuamba eie u ndaxi, ua thathamana o xingu kala muxibha ua felu, o dibhomo dié mukua ni dia ngôndo.

Jelemiia 10:16

O dikanda dia Jakobo-phe, ki dia di fuangana ni iá; kuma muene-muène mubhangi a ima ioso, o Izalaiele muene mbangala ia undundu uê; Jihova dia Ilombo Ieta, diene o dijina diê.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Zakadiia 2:12

Kienhokio-phe o Juda ua kà kituka undundu uangene ua Jihova, kuma diene dikânda diê mu ixi iê ia ngene; o Jeluzaleme a kà mu sola dingi lua mukuá.

Dialuilu 14:19

Loloka, nga ku diondo, o ikuma ia kifuẋi kiki, mu henda ié iavulu kinéne, kala ki ueza ni kuloloka kifuẋi kiki tundé ku Ijitu katé bhabha.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Matendelelu 32:9

Mbata dikânda dia Jihova o povo iê iii; Jakobo muene dijikita dia undundu uê.

Matendelelu 4:20

Mukonda enu Jihova ua, mi solo iu ua mi tombola mu folno ia felu mu Ijito phala mu kale mu mundu uê ua mi lundula mu ubhinganu, kala ki kia di monekena leluʼiki.

Matendelelu 9:18

Anga ngi diʼumba bhu pholo ia Jihova, kala ki nga tuamene kiá kubhanga, ngi mukua makuinhi auana a makumbi ni makuinhi auana a usuku, ki bhua kúdia mbolo, ki bhua kúnua menha; dilamba diosoʼidi-phe kia di bheka o mulonga ua kituxi kienu ki mua lokalala na-kiu Jihova, ni ku mu thathamesa.

Matendelelu 9:26

Eme-phe hé ngi sambela Jihova, ngixi: Ngana Nzambi, Nzambi tata, ku ki bhange kubuikisa o povo ia tokala undundu ué, povo i ua kula ni unéne uoso, Eie ua i jituna ku Ijito, ni lukuaku lua undanda.

Matendelelu 9:29

Suke kiene, ene-phe hanji ene o povo ié, ene undundu ué u ua katula ni undanda ua lukuaku lué lua suína.