Makatukilu 34:7 - O Mikanda Ikola

⁷ Jihenda jê ji nangenena ku jimidi ja miji, hé u loloka o kubhukumuka, ni kuxibhaka, ni ituxi, maji ka ẋikina-phe kueha muedi ni ku mu ila ualungu, o kubhukumuka kua jitata, ku bhiẋika kuxixima ku ana ni alaula, katé ku muiji ua katatu ni ua kauana.

Makatukilu 34:7 ပူးပေါင်းရင်းမြစ်များ

Dimatekenu 19:16

Muene-phe hanji a laleka, katé màla iá a mu kuata mu lukuaku, ni mu lukuaku lua muhatuʼê, ni mu lukuaku lua anʼé a ahatu, kuma Jihova ua a kuatela henda, anga a mu bheka ku kanga dia kimbaka kia mbonge.

I Jisobha 8:30

Ivua-phe o kudionda kua mubhikʼé, ni kua kifuxi kié kia Izalaiele, kioso ene kia ku sambela mu kididi kiki, eie ívua ue bhu kididi kié ku diulu ku ua tunga; uívua-phe, anga u loloka.

I Jisobha 8:32

Eie-phe ku maúluʼoko ívua, u bhange kia fuama, u fundise abhikʼé ni kubelesa uoso ua tondala, mbé ku mu vutuila o ibhangelu iê ku mútue uê, ni ku lungisa uoso ua iuka, mbé ku mu bhanga kioso kia tokala mu kuiuka kuê.

II Malunda 30:9

Mukonda kioso enu ki mu lungulukila kua Jihova, o jiphange jenu ni anʼenu a mala a-ndu bonga kiadi ku mesu ma ió oso a ambata ene ku ubhika, anga a kà vutuka dingi mu ixi iii; mbata Jihova, Nzambi ienu, mukua kiadi ni henda, o pholo iê kà tena ku mi suekela-iu, se enu mu bilukila kua muene.

Nehemiia 1:5

Ngixi; Ngana tata, u Nzambi ia diulu, Nzambi ia dikota, u kuatesa uoma! Uene mu bhaka o kikutu ni kulendukila ió oso a kuzola anga a bhaka o ijila ié;

Nehemiia 9:32

O kiki-phe, eie u Nzambi ietu, eie u Nzambi Ionéne, Nzambi ia kutena, u kuatesa uoma, u bhaka o kikutu ni ufiiele uoso, hé ujiza ni kubhanga o mbote, kumone kutola o dilamba dioso lelu dia tu kuata etu, ni jisobha jetu, ni ilamba ietu, ni jinganga jetu, ni misesedi, ni jitata jetu, ni kifuxi kié kioso, tunde mu izuua ia jisobha ja Asídia, katé mu kizuua kia lelu.

Jobe 10:14

Se eme ngi ta kituxi, eie u ngi mona; o mu kikuma kiami eie kua-nda ku ngi loloka.

Jisálamu 103:3

Muene u ku loloka ituxi ié ioso; hé u saka mahaxi mé moso;

Jisálamu 109:14

Jihova ende ni kuxinganeka jinga muene o kubhukumuka kua jitata jê; o kituxi kia manhʼâ ka ki jimune, lémbua!

Jisálamu 130:4

Maji eie-phe, u Ngana, u mukua kuloloka, phala athu ende jinge ni ku ku xila.

Jisálamu 136:10

Ua beta ana a phandekumbi mu Ijito; kuma kulenduka kuê ki kuene kúbhua.

Jisálamu 136:15

Maji Falaó ni kilômbo kiê ua a kukumuina muʼAlunga kakusuka; kuma kulenduka kuê ki kuene kúbhua.

Jisálamu 25:11

Nga ku diondo, mu dijina dié, u Jihova, ngi loloke o kubhukumuka kuami, mukonda kuavulu!

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 99:8

Eie uà etaia jinga muene, u Jihova, Nzambi ietu; ua kexe eie u Nzambi ia ku a loloka; sumbala o imbamba iâ iaiibha ia bhanga jinga, eie ua i kaxtikala.

Makatukilu 23:21

Di tumienu-nê kiambote, mu ivue dízui diê; kana ku mu xibhaka, kuma kà ẋikina ku mi loloka o kubhukumuka kuenu; mukonda o dijina diami diala mua muene.

Makatukilu 23:7

Ku maka ma makutu tunda-ku, a ku xale dikanga. O ua kambe kikuma, ni ió ua iuka, kana ku mu jibha; kuma eme ki ngi ẋikina kulungisa kisuéia.

Makatukilu 33:19

Uixi: Nga-nda ku bhangesa kuila kuuabha kuami kuoso ku ku bhita ku pholo, hé ngi kola o dijina dia Jihova bhu pholo ié, hé ngi lendukila uoso nga tokala ku mu kuatela henda.

Makatukilu 34:9

Uixi-phe: Se ni kidi kiene, nga sange ngalasa ku mesu mé, Ngana, nga ku diondo, Eie-muène endela muʼaxaxi ketu; kuma etu tu mundu ua thathamana jixingu. Tu loloke-phe o kubhukumuka kuetu, ni ituxi ietu, nda u tu tambulule mu kukala tu undundu ué.

Izaía 45:21

Kundenu-kiu, Zukamenu, tenu kaiula mudienu, mukuahi ua tenene kuivisa kiki tundé mu xiahulu? Nanhi ua ki ambe tundé ku xiahulu? Abha ki eme-muène Jihova? Ki bhuala ue Nzambi iengi, eme-muène ngó; Nzambi u kala ni muanu ua ku kumbidila, u di-bhanga kibhamuenhu, ka moneka, kale eme ngó.

Jelemiia 30:11

Mbata eme ngala kumoxi nʼeie, phala ku ku bhulula, Jihova ua ki tange; mukonda miji ioso mu nga ku muangena, nga-nda ku a bhana o zubhilu diâ; maji eie-phe, ki nga-nda ku ku zubhidisa, suke nga-nda ku ku bhana ue kaxtiku ké mu kizongelu kia fuama, kuma eie muene ue, ki ngi ku mono ni kukala kidi u muthu ua bene.

Jelemiia 32:18

Eie jihenda jé uene muji kuatela jimidi ja vulu, anga u vutuila phonzo ia jitata bhu nzemba ia anʼâ anda ku a bhingana ene; Kutende! Nzambi ia kutena! Ua bhingi dijina diê muene Jihova dia Ilombo Ieta.

Jelemiia 9:24

Maji uoso uambe ku di thatha a di thathele mu kiki: Mu ku ngʼijiia eme ni kuijiia kuamba eme muene ngi Jihova, ngi mukua kulendukila muthu, ni kufundisa ni kubatula mu kidi mu ngongo; mbata ima ienhiʼii iene ia ngi uabhela, eme ngi Jihova.

Daniiele 9:4

Anga ngi dionda Jihova Nzambi iami, nga di fisala, ngixi: U Nzambi ionéne, u kuatesa uoma! Eie uene mu kukumbidila o kikutu, u mukua ku kuatela henda kua ió oso a ku zola, hé aiuka o ijila ié;

Daniiele 9:9

Maji eie Jihova, Nzambi ietu, momué muene ku kuatela henda ni kuloloka; oko etu tua mu kitukila muene!

Mikeia 6:11

Mu tena ku di zelesa ku athu, ni izongelu ia jipezu jenu ki ja kidi? mba mu iuka kiebhi ni nzeke ia ufumbe iezala jipezu ja mangonha?

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Nahumu 1:6

Nanhi ua kèmana bhu pholo ia njinda iê? Nanhi ua kà kolokota mu kutema kua njinda iê? Kutema kuê kala túbhia tua muzukuta, o matadi moso muene u a lundumuna.

Matesu 12:31

Uila kiki, ngi mi tangela: Kituxi kioso mba kuxinga kua xinga Nzambi, athu a kà a loloka. Maji o kuẋonguena Nzumbi Ikôla-phe athu ka kà a loloka-kiu.

Matesu 6:12

Tu loloke o makongo metu, uila etu ki tu loloka oso a tu dia makongo.

Luka 7:42

Kia a mono kala ni bhuma bhua nomuena phala kufuta, u a loloka ene oso kiiadi kiâ. O kiki-phe, ku kiiadi kiâ, uebhi u kala kota mu ku mu zola?

Luka 7:48

Jezú bhenhobho anga uambela o muhatu, uixi: Ituxi ié iòloloke.

Jipoxolo 13:38

Ki tualʼ iki, ijiienu-kiu, akuetu, phange jami, kuma a mi tudila muloloko ua ituxi mu dijina dia Jezú iú.

Jipoxolo 5:31

Maji o muenʼiú Nzambi ua mu zangeleka, iú ua mu tula ku lúkuaku luê lua dilu, mu kukala Musonguedi ni Mubhuludi. Muène ua ki bhange phala kubhana Izalaiele o kithangana kia kudiela, ni kutambula o muloloko ua ituxi iê.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 4:32

Inda kota o ku di kuatekesa mudienu, ni ku di xinganeka. Muenda ni ku di loloka, kala Nzambi kia mi loloka enu mukonda dia Kristu.

Matendelelu 32:35

Phonzo ia ngi tokala eme, eme-muène ngi futa bhu kizuua kiê; sai bhuoso mungu bhua kà ẋangumukina o dikanda diâ; mbata o kizuua kiâ kia kusenguluka kiazukama. O ima-phe ia-nda kubhita-na-iu kindala ia-nda kuiza muene, ki i kokoloka.

Matendelelu 7:10

Muene ue mukua kubhana futu pholo ni pholo kua ió oso a mu zemba, anga u a bhangesa kujimuka muene nzaká! Ió uoso uzemba Nzambi, muene ue ulenguluka ku mu bhana futu iê; ka muehela, kana.

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.

Jihebeleu 12:29

Kuma kidi muene, Nzambi ietu tubhia tua uama, tu buikisa.

Josuué 24:19

Josuué-phe uambela o kifuẋi, uixi: Kana, ki mua-nda kutena kubhikila Jihova, mbata muene Nzambi ia kuzela ni kuiuka, Nzambi ia difuba, muene ikuma ienu ka kà i loloka, ka kà loloka ituxi ienu.

I Nzuá 1:9

Maji se tu fisala o ituxi ietu kua Nzambi, muène fiiele, u kumbidila o kizuelu kiê hé u tu bhanga kioso kia fuama: U tu loloka o ituxi ietu, hé u tu ixika o mangonha moso.

Dijingunuinu 20:15

Uoso a mu mono, ua kambe ku mu soneka mu divulu dia muenhu, a mu takula ue mu kizanga kia túbhia.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.