Makatukilu 34:6 - O Mikanda Ikola

⁶ O Jihova kioso kia mu bhita bhu pholo iê, Mozé, u mu kola, uixi: Jihova, Nzambi ia jihenda ni kiadi, ua lenduka, u kokoloka mu kuthathamana, u kôla mu kukuatela henda, ufiiele u vula.

Makatukilu 34:6 ပူးပေါင်းရင်းမြစ်များ

Dimatekenu 24:27

Uixi: A tane-ku! Jihova, Nzambi ia muadiʼami Mbalahamau, ka zúmbuka ku henda iê ni kidi kiê iedikiza jinga muadiʼami; eme bhabha Jihova ua ngendesa muene mu njila mu ngejila, iú ua ngi bheka bhu bhata dia ji-phange ja ngana iami.

II Samuuele 24:14

Davidi anga u ambela Ngadi, uixi: Ngala bhu kíbhidi kia dikota! Maji kota ngi dibhalela bhu lukuaku lua Jihova, kuma muene o jihenda jê jivula; nguami kudibhalela bhu lukuaku lua muthu!

I Jisobha 19:11

Anga muene u mu ambela, uixi: Tubhuka bhu kanga, uimane bhu pholo ia Jihova, ku mulundu iú. Anga Ngana u kala mu bhita, kubhita ue kitembu kia dikota kia nguzu, ki kala mu bazesa o milundu ni matadi u ma bula ku pholo ia Jihova; mu kitembu-phe Ngana ka kexile-mu; anga ku kitembu ku kaiela kiteketela kiaʼxi; maji mu kiteketela kiaʼxi ue Ngana ka kexile-mu.

I Jisobha 8:30

Ivua-phe o kudionda kua mubhikʼé, ni kua kifuxi kié kia Izalaiele, kioso ene kia ku sambela mu kididi kiki, eie ívua ue bhu kididi kié ku diulu ku ua tunga; uívua-phe, anga u loloka.

II Malunda 30:9

Mukonda kioso enu ki mu lungulukila kua Jihova, o jiphange jenu ni anʼenu a mala a-ndu bonga kiadi ku mesu ma ió oso a ambata ene ku ubhika, anga a kà vutuka dingi mu ixi iii; mbata Jihova, Nzambi ienu, mukua kiadi ni henda, o pholo iê kà tena ku mi suekela-iu, se enu mu bilukila kua muene.

Nehemiia 9:17

Anga a dituna muene ku kuívua, o madiuanu mé u ua a bhangela, ku a xinganeka kana; anga a kolokotesa o xingu iâ mu kuxikana, o mu huka kuâ anga a zangula mutumini hé a mu ta ku pholo iâ, mu kusota kuvutukila mu ubhika uâ mu Ijitu; Maji eie-phe, eie u Nzambi ia muloloki, ia kutululuka ni henda, ua kokoloka mu kutema, uene ni unéne mu kubhanga o mbote, ku a ehelela.

Jisálamu 108:4

Kuma jihenda jé ja vulu, o ditala dia maúlu ndenge; o kidi kié kia somboka o matuta oso a di leka.

Jisálamu 111:4

Ikalakalu iê ia madiuanu ia xala muene fuma; Jihova ualenduka, u kuatela henda.

Jisálamu 111:8

I xalela muene sé dizubhilu, mukonda ki i xikina ku i jima katé ku hádia; kuma iene ioso ia sokela muene mu kidi ni kuiuka.

Jisálamu 112:4

O muthu uaiuka, ni mu kitombe kúkia mukengeji uê; u kala mukua ujitu, mukua henda, mukua kiadi.

Jisálamu 116:5

Jihova ua lenduka, u idikiza ujitu ni uthu; Nzambi ietu mukua henda.

Jisálamu 138:2

Ngi diunda ni kubhana o pholo kua kala o Tembulu ié, ngi ku tumbula dijina mukonda dia kiadi kié kia kidi; kuma o maka mé, Ngana, ma ulamba, ni ku a fika ngó tua lémbua.

Jisálamu 145:8

Jihova ua lenduka, u bhanga o mbote, u kokoloka kutema, u vula kukuatela o henda.

Jisálamu 146:6

Ua bhanga o diulu ni ixi, ni menha a kalunga, ni ima ioso iala-mu; mukua kukumbidila o kidi katé ku hádia ni hádia, sé kufula.

Jisálamu 31:19

Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Jisálamu 57:10

Kuma o henda ié ia dikota, i bhixila ku madiulu; o kidi kié ki suka muene katé ku matuta.

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Jisálamu 91:4

Muene u ku vungina ni jisala jê, o moxi a mabhabha mê, muene mu u suamena; o kidi kiê ki di bhanga ngubu ni ibhakatu.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Makatukilu 22:27

kuma kiene o divunga diê, kiene ngó o kizuatu kia kuzuika o mukutu uê, kifua mukuenu u zeka ngoho? Kuma mu kuiza-ku, hé u dikola kokuami, ngi mu ivua; kuma eme nga lenduka, ngi mukua henda.

Makatukilu 33:19

Uixi: Nga-nda ku bhangesa kuila kuuabha kuami kuoso ku ku bhita ku pholo, hé ngi kola o dijina dia Jihova bhu pholo ié, hé ngi lendukila uoso nga tokala ku mu kuatela henda.

Jisabhu 3:3

O mbote ni kidi kanaku i jimba; kutila-iu muene mu xingu ié, soneka-iu ku dibaia dia muẋima ué.

Ndongixi 8:11

Mukonda dia kuila o ibhangelu ioso ia ibha ka mu i fundisila-bhu kiá kindala, kiene kia bhangesa kuila o muẋima ua anʼathu ua lunguʼé kiá ngoho mu kubhanga kia iibha.

Izaía 12:4

Bhu kizuua kieneʼokio, mua kèla: Sakidilenu Jihova, diondenu mu dijina diê, tangenu muʼaxaxi ka mundu ikalakalu ia maku mê, tangenu-kiu muene kuma dijina diê kujinga kuahi!

Izaía 65:16

Kienhiki uoso u sanga dibesá mu ngongo, u di sanga kiá mua Nzambi ia kidi-élele; o uoso u loka mu ngongo, u lokela kiá kua Nzambi ia kidi-élele; mbata malamba ma bhitile-nâ a ma jimbi kiá, o mene ue ku mesu mami ma jimuka-ku kiá.

Jelemiia 32:18

Eie jihenda jé uene muji kuatela jimidi ja vulu, anga u vutuila phonzo ia jitata bhu nzemba ia anʼâ anda ku a bhingana ene; Kutende! Nzambi ia kutena! Ua bhingi dijina diê muene Jihova dia Ilombo Ieta.

Jelemiia 9:24

Maji uoso uambe ku di thatha a di thathele mu kiki: Mu ku ngʼijiia eme ni kuijiia kuamba eme muene ngi Jihova, ngi mukua kulendukila muthu, ni kufundisa ni kubatula mu kidi mu ngongo; mbata ima ienhiʼii iene ia ngi uabhela, eme ngi Jihova.

Kuditenda 3:23

Imene ioso kuila ngó kúkia, jatomboka jʼobhe; o ku kumbidila kuê, kuvula kuahi!

Jouele 2:13

Bhu kididi kia kutandula o izuatu ienu, tandulenu muẋima uenu, mu vutuke ku Jihova, Nzambi ienu; mukonda muene mukua henda, ua lenduka, ka thathamana lusolo, ukôla mu kubhanga o mbote, anga u diela se u bhanga kia iibha mu kubazela kuê.

Jona 4:2

Hé u sambela Ngana, uixi: U Jihova, ki kiene ki nga tangelʼiki, kioso ki ngala hanji kʼoxi iami? Kiene kia ngi bhekelele kulengela ku Talxixi, kuma ngejiia muene kuila eie u Nzambi ia henda ni kulenduka, ua vula o mbote ni muanu, u kokoloka kubeta, u lenguluka kukuatela henda, anga u lenguluka ue kudiela, ki uandala kubhana muthu kaxtiku.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Nahumu 1:3

O Ngana ua kokoloka kutema, maji o nguzu iê iavulu; ka xikina o muêdi ku mu lungisa; O Ngana njila iê ia kuendela i bhita mu kibhungu ni kitembu kia kita-phephe; o matuta ene o fufutila ia inama iê.

Dialuilu 12:8

Muene ngi zuela-nê kanu ni kanu, ki jimbuluka muene, ki ki kala ngó mu ifika; kidifua kia Jihova u ki mona; enu-phe mua kambela-hi uoma ua kuâmba mubhikʼami, kuamba Mozé?

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Matendelelu 32:3

Kuma nga-nda kufumanesa dijina dia Jihova; Nzambi ietu muenda ni ku mu jingisa!

Matendelelu 4:31

Mukonda Jihova Nzambi ié, Nzambi uejidila kukuatela henda; ka kuehelela mba u ku buikisa; né ngó ue kuẋikina kujimba o kikutu kia lokela ku jitata jé.

Matendelelu 5:10

maji ngi kuatela henda katé ku jimidi ja muiji ua iá a ngi zola, aiuka o ijiia iami.

Tiiaku 5:11

Talesenu kuma etu tua a mono kuzediua, mukonda dia kukolokota kuâ. O kukolokota kua Jobe mua ku ivua, muejiia ue o disukilu diê kioso Nzambi kia mu zediuisa. Mbata o Ngana ua vula o kukuatela henda ni kulendukila.